האט מען אויפגעהערט טראכטן?

עס וואונדערט מיר, ווי זענען אלע חברה וואס פלעגן דא שרייבן, פארשוואונדען געווארן?
שוין א קנאפע צוויי יאר וואס דער פורום לעבט קוים,
וואס איז געשען במשך די צוויי יאר, אז מען האט אויפגעהערט צו טראכטן?

איך ווארט אויף א תשובה, אויב עס איז בכלל דא איינער וואס זעהט מיין קשיא...

וואס הייסט ווער עס האט א גוטע הצעה וויאזוי אויפצילעבן דעם פורום?
מען זאל פשוט אנפאנגען שרייבן, ס'איז אבער נישט דא קיין שרייבערס.
דאס איז וואס וואונדערט מיר, ווי זענען אהינגעקומען אלע שרייבערס וואס פלעגן דא שרייבן?
זיי זענען פארשוואונדען ווי אין וואסער אריין...

ס'זעט מיר נישט אויס אז דאס איז בכלל אמאל געווען א active פורום, עכ"פ ווילאנג איך געדענק, משא"כ אונזער חבר פורום, עצכ"ח אויף עברית וואס איז active ממש יעדע מינוט פון טאג, און ס'איז מיר ממש א תענוג רוחני צוצוקוקען ווי אידען זענען צוזאמען עוסק אין ענינים העומדים ברומו של עולם, און פון דעם זעט מען אז עוד ישראל רד עם קל, ס'איז נאך דא ערליכע אידן וואס ווילן נישט אפלעבן די 70 יאר כמצוות אנשים מלומדה, נאר אריינטראכטן מה ה"א שואל מעמך און דורכדעם צוקומען ליראה את ה"א, און איך ווייס אז צווישן אונז אידיש רעדענדע איז נאך אויך דא א שיינע צאל פון אזעלעכע אידן, ממילא בעט איך כל איש אשר כבוד ה' יקר בעיניו זאל צולייגן א פלייצע און זיך נעמען שרייבן, 
ובשם ה' נעשה ונצליח  

יא, הונדערט פראצענט גערעכט, עס איז אסאך געשמאקער צו ליינען און שרייבן אין די מאמע לשון 'אידיש'.

צי זאגען אז איך בין גערעכט איז נישט קיין קונץ, לאמיר טון דערצי אויפצולעבן די עצמות יבשות, אין דא מאכן א ווירטאלע ביהמ"ד וואו מ'וועט זיך קענען צאמנעמען און זיך דורכשמועסן אויף "מאמע לשון" ווי די ריפסט עס, ויתקדש ש"ש על ידינו

ובשם ה' נעשה ונצליח

ב"ה איך האב הנאה צי זעהן אז נאך אזוי לאנג שלאפן וועקט מען זיך שוין ענדליך אויף.
חזק חזק ונתחזק!!!

סטראכטער,  דו ביסט נאך פון די אלטע חברה וואס פלעגן דא שרייבן אדער ליינען?
אויב יא, אפשר ווייסטו די היסטאריע, וואס איז געשען אז פאר במשך צוויי יאר האט מען אויפגעהערט שרייבן?

כידוע לך ביי אונזער עולם טרעפט זיך נישט קיין סך טראכטערס, בפרט אויפן אינטרנט, און דא פלעגט זיין אשכולות, כקול קורא במדבר, קיינער האט נישט געשריבן האט זיך עס פין זיך אליין אפגעשטעלט,

יעצט זעהט אויס האבן זיך אויפגעוועקט אפאר מענטשן פין שלאף, אין איך האף אז ס'וועט אנהאלטן.

יא, איך האף אויך אזוי, און יעדער זאל טאקע קומען זיך לאזן הערן, אפילו דער וואס באטראכט זיך נישט אלץ א טראכטער אדער דענקער...
מכל מלמדי השכלתי. 

איך שטעל מיך אויך צו צו דעם רוף אז אלע וועלכע פארמאגן עפעס צו זאגן, מוז נישט זיין די אויסגעשפיצסטע געדאנקען, זאלן זיך באטייליגן אין די דיסקוסיעס אויף דעם פארום.
עס איז א בושה אז די מחשבה-פארומס אין ענגליש און עברית זענען אזוי מצליח, און אין אידיש, די שפראך אין וועלכער עס ווערט זייער א סך געשריבן אויף דעם אינטערנעט, איז דערווייל נישט געווען קיין הצלחה.

אה, ברוך הבא, נאך איינער איז אנגעקומען, ממנו ילמדו וכן יעשו.

איר זענט פולקאם גערעכט, ס'איז טאקע א בושה, אזויפיל אידן וואס רעדן אידיש, דרייען זיך דא אין ''הייד פארק'', און ס'וואלט געמעגט זיין מער וואס זאלן זיך באטייליגן דא, אין אין אזא וויכטיגע פורום.

איך בין גרייט צו טראכטען, אבער וואס זאל איך טראכטן ? און ווען איך טראכט קען איך שווער טייפען...

ערשט טראכט, און נאכדעם טייפ.

האסט מעך אבער נישט גענטפערט וואס איך זאל טראכטען.

איך ווייס נישט, כ'קען דיר נישט זאגן, יעדער מענטש איז אנדערש.

וועגן וואס ס'פאלט דיר נאר איין, קענסט עפענען נייע אשכולות, און מ'וועט זען.