די הלכה ווען איינער טוט אן ר"ת תפילן פאר רש"י?

אויב טוט מען עס באלד אהן זאל מען נישט מאכן נאך א ברכה.

התאחדות די כוונה איז נישט דא צו פרעגן ווייל מען ווייסט אז דא דרייען זיך דיינים. פון וואו זאל מען וויסן אז די ביסט טאקע מוסמך אלץ דיין? עס איז נישט מער ווי יושר אז אנשטאט פסקנען הלכות זאל מען צוצייכענען וואס מען געפינט אין די פוסקים מיט מקורות.

זיצנדיג אויפן פרייען גוגעל-טאלק טעלעפאן יעצט ביינאכט - ליל ששי - מיט הרב התאחדות שליט"א - וואס ער איז שוין היינט באקאנט מיט זיינע ברייט-פארצווייגטע ידיעות אין הלכה, איז אויפגעקומען בתוך הדברים אט דעם נושא.

האט מיר דער חשוב'ער התאחדות געזאגט אז ער האט זיך לכאורה טועה געווען מיט דעם אויבערשטן פסק הלכה, ווייל ער האט גערעדט פון איינעם וואס טוט געווענליך אן די תפילין דרש"י ור"ת אינאיינעם, וואס דאן פסק'נט דער דברי חיים טאקע אז מען ברויך נישט איבערמאכן די ברכה אויפן רש"י, ווייל מען האט אינזין געהאט בשעת די ברכה אויף ביידע תפילין'ס. משא"כ איינער וואס לייגט געווענליך צוערשט רש"י און הערשט דערנאך רבינו תם, ברויך לכאורה יא איבערמאכן א ברכה אויף די רש"י תפילין.

וזה לשון הבן איש חי (שנה ראשונה פרשת וירא סימן כ"ד) מי שדרכו ללבוש של רש"י ור"ת ביחד, וטעה ולקח תחלה של ר"ת והניחו ובירך עליו, וכשבא ליטול השני הרגיש שטעה ובריך על של ר"ת, יקשור תפילין של רש"י בלא ברכה על סמך הברכה שבירך על ר"ת, מפני שההוא דרכו כל יום ללבוש שניהם יחד ודעתו בברכה על שניהם, שהיה גם של רש"י מונח לפניו בשעת הברכה ודעתו ללבשו, כ"כ בשו"ת דברי חיים ביו"ד בסוף תשובתו בסי' פ"ב יע"ש ונכון הוא, מיהו אם זה דרכו ללבוש תפילין של רש"י בלבד, ולקח תפילין של ר"ת בטעות בחשבו שהוא של רש"י ובירך עליו, ואח"כ נודע לו שלקח ר"ת ובירך עליו, הנה זה צריך לברך עוד הפעם כשלובש של רש"י עכ"ל.

לפי זכרוני זאגט נישט די ד"ח א חילוק אין דעם, מיין אוצר החכמה איז דאון יעצט. ועוד חזון למועד.

מר קרעמער

דער בן איש חי רעדט מפורש נישט פון איינער וואס לייגט געווענליך צוערשט רש"י תפילין און דאן רבינו תם תפילין, אזא איינער איז לכאורה מיט גארנישט אנדערש ווי דער וואס לייגט זיי ביידע "אינאיינעם", ווייל פאקטיש האט ער דאך אינזין ביי די ערשטע ברכה אויף ביידע פאר תפילין'ס (יא יא, הלואי זאל מען אינזין האבן עפעס בכלל).

ואתך הסליחה.

קען מען אפשר לויט רב קרעמער  מאכן א חילק אויב איינער טוט אן אייביג גראד נאך רש"י די ר"ת  אין איינער וואס טוט אן די ר"ת נאכמיטוג.

די נושא איז א אלטע און אויסגעדראשענע, אין אונזערע קרייזן פסק'נען די מורי הוראה אז מ'זאל נישט איבערמאכן קיין ברכה, וויבאלד מיר האבן אנגענומען - לויטן אריז"ל - אז ר"ת איז געהעריגע תפילין.

אין ס' שולחן מלכים (כלל ט' ?) אויפן קיצור שולחן ערוך ברענגט ער אז עס איז מקובל אז יעדער איד וועט כאטש איינמאל אין לעבן מאכן די ברכה אויף די תפילין דר"ת, עיי"ש.