די שאלות וואס ווערן געפרעגט אינעם אשכול, זענען גאר אנדערש ווי דאס וואס דער קעפל פרעגט.
עס הייסט געהעריג געדאוונט, מ'מעג געהעריג עסן, מ'דארף נאר זיכער מאכן איבערצוליינען קר"ש מיט די תפילין, כדי נישט צו זיין ח"ו קיין "הקורא קר"ש בלא תפילין".
בנוגע דעם קעפל איז דער ענטפער, ניין, דו הייסט נישט קיין אונס.
על פי הלכה דארף מען פאר א מצות עשה אוועקגעבן א שליש פונעם פארמעגן, און דו האסט דערלייגט די מ"ע פון תפילה בציבור - ונקדשתי בתוך בני ישראל.
איך בין זיכער אז אויב דו וואלסט געהאלטן ביים פארלירן אפילו נאר א צענטל פון דיין פארמעגן וואלסטו זיך ערלויבט צו פארפעלן פון דער ארבעט, און דיין בעה"ב וואלט דיר זיכער פארשטאנען.
|
|
