חזנות טיש עם ירמי' דמן

ספארלאנגט זיך אפשר טאקע א מער גרונטליכע אנאליז אבער כוויל בלויז שרייבן אין קורצען אז כהאב העכט הנאה פון דעם נייע אריגענעלער געדאנק מבית "לחיים" דורך יוסף משה כהנא, ר' ירמי' דמן זינגט טאקע אויפן אלבוים פארשידענע באקאנטע חזנות ניגונים אבער סאיז נישט אמתדיג חזנות און ספרובירט זיך אויך נישט אהערשטעלן אלץ ריכטיג חזנות נאר פשוט שיינע ניגונים וואס ירמי' דמן זינגט זייער מתיקותדיג

דער טעיפ איז גאר אינטערעסאנט לדעתי, ער זינגט קלאסישע חזנות שטיקלעך ווי למשל רזא דשבת, אלוקי נשמה, ר' ישמעאל אומר, לשמוע אל הרינה, הננו העני ממעש, וע"י עבדיך הנביאים, יאסעלע ראזענבלאטס אידישע משיח ניגונים ווי "נישט ווייט צו גיין" (דוד המלך), און "וואס וועט זיין ווען משיח וועט קומען", ער ווארפט אויך אריין איינס צוויי נישט אזוי ווייט חזנות ניגונים (ווי למשל המבדיל) וואס פאסט אפשר נישט אזוי אריין אין דעם טעיפ אבער סאיז דאך געשמאק צו הערן און ווי געשמועסט איז דאס נישט ממש קיין חזנות טעיפ כאטש דער נאמען איז טאקע "חזנות טיש" וואס כנראה קומט דאס בעיקר צו פארשטערקערן די סעריע פון "לחיים טישן" ווי שבת טיש, פורים טיש, וכו'

רעקאמענדירט פאר ווער סהאט ליב ר' ירמי' דמן אדער זוכט סתם אזוי געשמאקע ניגונים

קאמענטאטאר, ר' יעקב תלמוד איז געווען א אויסטערלישער גאון אין נגינה און פאר יארן לאנג געפירט די קאפעליע אין גור, קוק אין די עלטערע אשכולות וועסטו טרעפן מער פרטים (דאכט זיך ביי מונה ראזענבלום און אפשר אויך ביי מרדכי בן דוד וואס ביידע האלטן זיך פאר שטיקל תלמודים), רזא דשבת איז אויב כגעדענק גיט נישט פון יאסעלע און נישט פון קווארטין נאר פון פינטשיק, כווייס נישט וויאזוי אחד מאדמו"רי רוסיה זצ"ל קומט דא אריין אין בילד

דרך אגב אז מ'רעדט שוין פון חזנות בין איך נייגעריק צו ס'איז שוין געווען דא א באשרייבונג אויף "בימים ההם בזמן הזה" רעדאגירט דורך מרדכי סובול, זוכענדיג צווישן די אשכולות דא האב איך עס נישט געזען, איך וואונדער זיך פארוואס, איך מיין אז עס איז א מורא'דיגע חידוש אין עולם החזנות, ווי אויך האב עטליכע פראגן איבער דעם אלבוים,

רזא דשבת איז פון פינטשיק.

קענט איר מיר ביטע ערקלערן ווער איז ירמי' דמן? איך קען נאר די אלטע חזנים