בושות פאר ר' ממ"ט כ"א כסליו אין לאנדאן

ביי די זאלונישע כ"א כסלו מסיבה אין לאנדאן איז געווען גרויסע איבערקערענישן. די חברה האבן איינגעלאדנט ר' משה מנחם טירנויער פון מאנטריאל צו קומען זיין דער גאסט רעדנער, אבער ווי נאר ר' מ"מ האט אנגעפאנגען צו רעדן האבן מיטאמאל אנגעפאנגען זיך צו הערן קולות: "ווידיא! שקצים! דער רבי האט עס געאסרט!"

ווי ס'שטעלט זיך ארויס האבן די זאליס כמנהגם געברענגט ווידיא אפצוכאפן די גאנצע מסיבה, און אפאר אמת'ע סאטמארע חסידים וואס האבן דאס געזען האבן אנגעפאנגען מוחה צו זיין.

די זאליס האבן אנגעגרייט גארדס (ווייטער כמנהגם) און די גארדס זענען געקומען צו לויפן, בקיצור ס'איז געגאנגען שלעק אז ס'איז געווען א רויעך.

פאר צען מינוט איז ר' מ"מ געשטאנען בלאס ווי די וואנט פרובירנדיג צו רעדן.

עס איז שוין היינט כמעט א פאקט אז א טיפיקעל זאלי מסיבה קען נישט אריבערגיין אן קיין קולות און איבערקערענישן, בשעת די אהרונישע מסיבות זענען שיין און הערליך, כולו קודש לה'.