נאך מערערע פארלאנגען פון מערערע ליינער, עפענען מיר דא אויף די ערשטע פון א סעריע דעבאטעס איבער ענינים העומדים על הפרק.

דער ציל פון די דעבאטעס איז אויסצושמועסן דבר דבור על אופנו, אזוי אז אפילו ווער עס האלט נישט מיט די טאג טעגליכע פרטים פונעם דיון זאל ארויסהאבן וואס דא גייט פאר.

קיינער איז נישט מחוייב אנטייל צו נעמען אין די דעבאטע און פארטיידיגן זיין זייט, פארשטייט זיך אז פאר די טובה פון די חשוב'ע ליינער וואלט יא כדאי געווען אז יעדער זאל פרובירן צו פרעזענטירן זיין צד מיט די ריכטיגע פאקטן.

די ערשטע דעבאטע וועט זיין איבער דער סכסוך פון המספיק, וואס האפנטליך וועט דאס געבן א שאנס פאר די ליינער (הערת הזעצער: וגם אני בתוכם...) איינמאל פאר אלעמאל צו באקומען א קלארן בילד איבער דעם ענין, און וועט פארענטפערן אסאך פון די שאלות וואס עגבערט די גולשים.

כדי די דעבאטע זאל זיין א סוקסעס וועלן אלע וואס נעמען אנטייל זיך מוזן האלטן צו געוויסע רעגולאציעס.

דער אשכול וועט האבן שטרענגערע רעגולאציעס ווי אלע אנדערע אשכולות אויפ'ן פארום, לטובת הענין, און די הנהלה וועט שטרענג פארסירן די רעגולאציעס.

אויב עמיצער שפירט אז ער איז באעוול'ט געווארן, זאל ער זיך מעלדן צו אלע מנהלים אין תיבה אישית, וואו די טענה וועט באהאנדלט ווערן בכובד ראש אי"ה.

1. דער מנהל וועט שטעלן א שאלה, און ביידע צדדים וועלן דעבאטירן די שאלה, ביז דער מנהל וועט באשליסן אז ער האט שוין געגעבן גענוג צייט פאר די שאלה. דערנאך וועט מען גיין צו די נעקסטע שאלה.

2. די דעבאטע איז נאר צווישן די וואס שטיצן ר' מאיר ווערטהיימער, און די וואס שטיצן די אלטע באורד מעמבערס, ר' ליפא גראס, ר' בערל פאלאטשעק און ר' שמעון משה קעפעטש. ווער ס'האט נישט קיין מיינונג זאל נישט אריינרעדן, און אוודאי נישט פארדרייען די נושא מיט זייטיגע ענינים. אויך זאל מען נישט איבערקייען די זעלבע ווערטער נאכאמאל און נאכאמאל, און נישט שרייבן זייער לאנגע אשכולות וואס זענען שווער צו ליינען (די הנהלת הפארום וועט באשליסן ווער עס פארדרייט די טעמע, און אפמעקן תגובות וואס זענען "קאט ענד פעיסט").

3. אויב איינער וויל זיך צוריקקערן צו א פריערדיגע שאלה, ווען מען האלט שוין אינמיטן דעבאטירן אן אנדערע שאלה, זאל ער שיקן א תיבה אישית צו די מנהלים, און מען וועט פרובירן אמבעסטן נאכצוגעבן זיין פארלאנג.

4. לתועלת הענין, וועלן פון פאראויס באשטימט ווערן וועלכע ניק'ס זענען בארעכטיגט אריינצורעדן אין די דעבאטע, ווען א אנדערער ניק וויל אריינרעדן דארף ער צוערשט בעטן רשות ביי די הנהלה, וואס וועט יענעם מעלדן אויב ער איז בארעכטיגט דערצו. א תגובה פון א אנדערע ניק וועט אויסגעמעקט ווערן אן קיין ווארענונג.

5. מען צווינגט קיינעם נישט אנטיילצונעמען אין די דעבאטע. אבער אויב גייט אריבער די באשטימטע צייט ווילאנג דער מנהל האט אפגעמאכט צו געבן פאר א שאלה, און איין צד ענטפערט נישט, וועט מען גיין צו די נעקסטע שאלה. דאס זעלבע וועט זיין אויב קיין איין צד וועט נישט ענטפערן אויף א געוויסע שאלה.

6. פאר די איצטיגע דעבאטע זענען די פאלגנדע ניקס פון פאראויס באשטעטיגט אריינצורעדן אין די דעבאטע: פייפ_ליין, ארענדאר, טאגליכט, גוטזאגער, ביז_אהער, kj_village, מנחה, קאווע, פאקטיש, סקולדיסריק, געשמאק, און פאטאקי08.

7. די אנדערע אשכול איבער המספיק בלייבט ווייטער אפן, פאר די ביז-יעצטיגע אומקאנטראלירטע דעבאטעס.

מיט דאנק און שעצונג.

די הנהלת הפורום.

מצורף קובץ

דא איז א בריוו דאטירט  יאנואר 5 88', אדרעסירט צום ווילידזש אדרעס P O BOX 566 

דער ווילידזש  לויער  פון דזשעקאבעוויטץ ענד גוביטץ, שיקט פאר דעם ווילידזש קלוירק  משה טוביה בראווער א דרעפט פון דעם "סערטיפיקעט אוו אינקארפארעישען" פון קרית סענטער.

דער לויער צייכנט אן אלע פרטים וואס עס פעלט זיך אויס צו עפענען די קארפארעישאן, און צום שלוס, פארלאנגט ער פון בראווער א ליסטע פון נעמען וואס וועלן דינען אלס "ערשטע" באורד מעמבערס.

מצורף קובץ

דא איז א בריוו דאטירט  מאי 9 88' , אדרעסירט צום ווילידזש P O BOX 566 

דער לויער שרייבט צום ווילידזש קלוירק  משה טוביה בראווער, און גיט א באריכט, איבער די אקטיוויטעטן צו עפענען קרית סענטער.

 ער בעט זיך ווידעראמאל, אז בראווער זאל צושטעלן א ליסטע פון נעמען, צו דינען אלס צייטווייליגע באורד מעמבערס.

מצורף קובץ

דא זעהט מען די 5 נעמען, וואס דער ווילידזש קלוירק  משה טוביה בראווער, האט ענדליך צוגעשטעלט פארן לויער, עס צו קענען אריינשרייבען אין דעם סערטיפיקעט אוו אינקארפארעישען. תוקן על ידי - ארענדאר - 04/04/2006 3:48:20

מצורף קובץ

דא איז א בריוו דאטירט סעפטעמבער 21 88' אדרעסירט צום ווילידזש אוו קרית יואל
P O BOX 566.

דער לויער שרייבט פארן ווילידזש, אז מען האט שוין אריינגעשיקט דעם סערטיפיקעט אוו אינקארפארעישען פון קרית סענטער, אום סעפטעמבער 15 88'.

מצורף קובץ

דא איז דער קאווער פעידזש פונעם לאנגען ווילידזש אפליקעשאן  צו די סטעיט אינסטאנצען, דאטירט מאי 25 89',  אין וועלכען   דער ווילידזש אוו קרית יואל  פארלאנגט פון די סטעיט דעם ערלויבעניש, צו בויען דעם אונזערהיים וואס געפונט זיך היינט אויף  בעקערטאון רד.

תוקן על ידי - ארענדאר - 04/04/2006 4:09:28

מצורף קובץ

 אין דעם אפליקעשען פארן אונזערהיים, שרייבט דער ווילידזש אז כאטש דער ווילידזש אונטער דעם נייעם נאמען  "קרית סענטער" גיט נאך נישט קיין סערוויסעס פאר דעוועלאפמענטעל 
דיסעיבלד קינדער, טוט אבער דער ווילידזש אוו קרית יואל,  פארפיגן אויף א רייע מיט סערוויסעס פאר ספעציעלע קינדער, און דעריבער זאל מען באשטעטיגן דעם אונזערהיים. 

איך האב נישט וואס צוצוגעבן נאכדעם וואס ארענדאר האט געמאכט אזא געלונגען דזשאב.

די דאקומענטן וואס ארענדאר האט געברענגט ווייזן קליפ און קלאר אז המספיק איז א קהל'ישע ארגאניזאציע, און איז געעפנט געווארן דורך די הנהלת הקרי', און נישט דורך פריוואטע יחידים.

די ווערטהיימער חברה האבן גארנישט וואס ארויסצורעדן דערקעגן.

אבער לאמיר נישט כאפן קיין הייסע לאקשן. לאמיר זען וואספארא פראגן דער מנהל וועט ווייטער אויפברענגען. תוקן על ידי - גוטזאגער - 04/04/2006 6:23:22

דא זעהט מען אז קרית סענטער איז געגרינדעד געווארן אין 1988 למס' און שפעטער איז דער נאמען געטוישט געווארן צו המספיק. תוקן על ידי - קאווע - 04/04/2006 17:15:06

שאלה נומער 2: די שטיצער פון די אלטע באורד מעמבערס האלטן אין איין טענה'ן אז די ריוח פון המספיק דארף גיין פאר די מוסדות. פון וואו נעמט זיך די טענה?
[און איז דאס לעגאל?]

עס וועט געגעבן ווערן בערך א טאג זיך מתווכח זיין איבער דעם.

איך האב הנאה אז דער מנהל האט געפרעגט די וויכטיגע שאלה, ווייל דאס געט א געלעגנהייט קלאר צו מאכן א זאך וואס דער עולם ווייסט נישט אזוי גוט.

איינע פון די גראבע שקרים וואס דער גוזל את הרבים פארקויפט איז אז די הנהלה האט אנגעפאנגען צו בעטן געלט פון המספיק נאר נאכדעם וואס דער מוסד ציבורי האט אנגעפאנגען צו מאכן געלט. אויך לאזן זיך מענטשן איינרעדן אז די געלט ווערט געבעטן אונטער'ן טיש, ווייל לעגאל טאר המספיק נישט געבן קיין געלט פאר די מוסדות.

דער אמת איז אז נישט נאר איז דאס געווען איינע פון די צוויי סיבות פארוואס די ועד הקרי' האט לכתחלה געעפנט המספיק (סיבה 1 צו העלפן קראנקע קינדער, סיבה 2 צו ברענגען רווחים פאר די מוסדות אויב ס'בלייבט איבער פראפיט), און נישט נאר האט מען אלעמאל גענוצט די רווחים פון המספיק פאר די מוסדות, (ביז צו די שרעקליכע גניבה פונעם גוזל את הציבור) נאר עס איז פאקטיש אריינגעשריבן געווארן אינעם "סערטיפיקעט אוו אינקארפארעישאן" אז אלע רווחים פון המספיק וועלן גיין פאר נאן-פראפיט רעליגיעזע ארגאניזעישאנס און מוסדות.

נאך פאר המספיק איז אפילו געשטאנען האט מען שוין אויסגעארבעט אז די ישיבה זאל פארדינען פון די רווחים וואס דער מוסד וועט ברענגען.

עס דארף בכלל אונטערגעשטראכן ווערן אז א יעדע נאן-פראפיט ארגאניזעשאן קען געבן פאר א אנדערע נאן-פראפיט ארגאניזעישאן געלט, לויט די סטעיט און פעדעראלע געזעצן, ווייל דער עיקר איז אז עס גייט פאר נאן-פראפיט וואוילטעטיקייטן, און ווערט "נישט" אריינגערוקט פאר פריוואטע מענטשן (מאיר ווערטהיימער) אין טאש אריין.

אין קורצן:

נישט נאר "מעגן" די רווחים וואס בלייבן איבער פון המספיק גיין פאר די מוסדות.
נאר זיי "מוזן" גיין פאר די מוסדות, און "טארן נישט" גיין פאר מאיר ווערטהיימער אין די קעשענע. תוקן על ידי - ארענדאר - 06/04/2006 8:36:32

מצורף קובץ

דאס איז דער ערשטער זייט פון די "סערטיפיקעט אוו אינקארפארעישאן" וואו ס'ווערט ארויסגעשריבן וואס עס איז דער צוועק פון המספיק. 

גייט אריבער צו די נעקסטע תגובה צו זען די צווייטע זייט פון די סערטיפיקעט, וואו ס'שטייט קלאר ארויסגעשריבן אז די רווחים פון המספיק דארפן גיין פאר וואוילטעטיגע ארגאניזאציעס און מוסדות. תוקן על ידי - ארענדאר - 06/04/2006 8:44:12