ווער וועט געווינען די אפעלט קארט???

איך קען נישט שרייבן צופיל אבער אזויפיל קען איך זאגען זיי זענען אינטערוועלטניקס  "ואין לנו על מי להשען אלא על אבינו שבשמים", יעדער איד וואס וויל נישט זיין א צועק לשעבר זאל טוהן חסד אין געבן צדקה אין זאגן תהילים אז מיר זאלן געווינען ,
איך וויל מוסיף זיין זיי זענען פארנומען מיט "1" ווארט מיר האבן נישט ראדני דאס איז אלעס וואס זיי קענען זאגען מיר האבן ב"ה געראטעוועט %90 בנינים פין מלכות סאטמאר ,
עס איז געווען שלא כדרך הטבע אז מיר זאלען עס האבן נאר אין די זכות פין מרן רבינו הקוה"ט בעל דברי יואל זיעוכי"א ומרן רבינו הגה"ק בעל ברך משה זיעוכי"א אין די זכות פין די מנהיג ישראל מרן רבינו הגה"ק שליט"א אין די זכות פין תהלים אין צדקה אין חסד וואס מיר טוהן,  קיינער האט נישט קיין השגה וואס עס גייט פאר מאחורי הפרגוד : אבער ותשובה ותפילה וצדקה מעבירן את רוע הגזירה !

אמת איך האב לכתחילה געהאלטן אז מיר וועלן געווינען, אבער לעצטענס, רעדנדיג מיט מיינע זאלונישע ידידים, בין איך שוין נישט אזוי זיכער, קודם כל דער פאקט אז זיי האבן באקומען זייער STAY, טראץ וואס אלע עקספערטן האבן פאראויס געזאגט אז זיי וועלן דאס נישט באקומען, ווי אויך האבן דאס עטלעכע דזשטדזשעס אפגעווארפן, און עם כל זה האבן זיי דאס באוויזן צו באקומען, ווייזט אויף עפעס א קאראפשן אדער קאנעקשאן...

ווי אויך דיין הוכחה וואס די ברענגסט אז זיי ספענדן שווערע געלטער אונעם נייעם בית המדרש, וואס צייגט אז זיי זענען עפעס זיכער מיט א געווינס, ווי אויך די לעצטיגע ראמערס פון נייע אהרונישע בניניםוואס זיי האלטן ביים קויפן,  וואס איך ווייס אז ס'איז גאנץ קראנט, צייגט אויך אויף עפעס א שוואכקייט און נישט זיכערקייט מצד די אהרונים, על כן האב איך עפעס א פילינג אז די זאלונים גייען געווינען, און מיר וועלן שרייען...  שטנא נצח, נו, מיר ווייסן דאך אז צדיק ורע לו און רשע וטוב לו..., דרך רשעים צלחה..., (איך האב שוין גרייט אלע פסוקים...),

אבער ברודערלעך, אפילו חרב חדה מונחת על הצוואר אל יתיאש מן הרחמים, לאמיר מתפלל זיין פארן כל יכול, אז די רשעים זאלן אונז חלילה נישט גובר זיין, כדי שלא יהא חוטא נשכר, דער חילול השם וועט דאך זיין איום ונורא, מען וועט זעהן אז מיט נישט וועלן גיין צו דין תורה געווינט מען, און דאס וועט גורם זיין אז דער המון עם וועט זיך משתמט זיין צו גיין צו דין תורות מיט זייער סכסוכים, היו לא תהי'.  על כן האף איך נאך אלץ, אז דער אמת וועט זיגן. וכשם שהייתי WRONG ביי מיין STAY פרעדיקשאן, וועל איך אצינד אויך זיין WRONG ביי מיין זאלונישע געווינס פרעדיקשאן, אמן כן יהי רצון.

איך האב דורכגליינט אלע פאפירן פון א. ביז ת. אלעס וואס איז ביז יעצט אריינגעגעבן געווארן אין געריכט, סיי פון סאטמאר און סיי פון סיגעט, למעשה האבן מיר א מורא'דיגע שטארקע קעיס, ס'איז אומאפפרעגבאר.

אבער סקאט מאלען האט שטערקערע טאקטיקן וויאזוי צו פארדרייען, און בעיקר פרובירט ער אויפצוווייזן פון אנדערע קעסעס אז דער קאורט האט זיך נישט אריינגעמישט מיט'ן ארויסווארפן מעמבערס. און נאך אנדערע פונקטן.

דאס האב איך נאר געשריבן כדי צו ווייזן אז א דזשאזש, אויב ער וויל, קען ער דרייען די קעיס וויאזוי ס'שמעקט עם.

און ועל כולם זעהט עס מיר אויס ווי זיי האבן גאר שטארקע קאנעקשאנס אין קאורט.
ביי מיר אין מח בלייבט עס 50-50. תוקן על ידי - Mench - 24/05/2006 7:55:57

נאך א פאקט איז אז די זאליס זענען נאך נישט גרייט צו גיין צו דין תורה.

יענקעלע11

איך האלט אז וויבאלד מען ווארט שוין אזוי לאנג אויפן פסק
דאס ברענגט אריין א פעסעמיזעם אינעם עולם בנוגע וואס די פסק גייט זיין
אבער באמת, האט זיך גארנישט געטוישט, אין מיר האבן נאך אלץ זייער א שטארקע קעיס
וואס בדרך הטבע דארפן מיר געווינען

נישט פארגעסן, אז איצט זענענן מיר די וואס האבן געווינען ביי ראזענוואסער
אין זיי זענענן די וואס האבן באקימען א סטעי, ווייל לויט ראזענוואסער זענענן מיר איצט בעלי בתים אויף די בנינים, אין עס באלאנגט פאר בערל פר"ם קהלה ד"ה אז די קארט דארף  יעצט אפווארפן ראזענוואסער'ס פסק אין זאגן אז זיי זענענן גערעכט,

אפילו לויט זייער לויער מאלען וואס וויל זאגען אז די קארט מישט זיך געווענליך נישט אריין אין א מעמבער אישו
דארף נאך אלץ  די קארט טרעפן א גיטע סיבה צי זאגן פאר וואס זיי נעמען נישט אן די מציאות וואס  
ראזענוואסער האט אראפגעשטעלט, אז מיר זענענן געווען די ריכטיגע בעלי בתים

געדענקט איר נאך די סטעטמענט פין לבני אני צריך??
דאס איז נאך אלץ אקטעול אפגעזען וויפיל צייט עס איז שוין אדורוך פין דעמלאטס

כן נראה לענ"ד הקלושה

פאקטיש,
דיין מיינוג איז געווענליך אינטערסאנט,

ביטע שרייב פאקטיש דיין מיינוג אפילו די וועסט פאקטיש אריינשטעל
די ווארט פאקטיש איבעראל ווי מען קען עס פאקטיש {נישט} אריינשטעלן {געדענקסט עס נאך??..}

KJ
איך האב שוין אין די פארגאנגענהייט  צולייגט די גאנצע קעיס מיט אלע פרטים, און פאקט בלייבט פאקט, -און דאס האבן מיר מודה געווען מיינע זאלונים קאנטערפארטס-, אז לויטן געזעץ האבן מיר א גאר שטארקן קעיס, און אויב קוקן די דזשאדזשעס "בלויז" אויפן געזעץ, דאן גייען מיר בעזהשי"ת האבן א מעכטיגן געווינס, און טיף טיף אין הארצן האלט איך נאך אלץ און איך האף אז מיר גייען געווינען, אבער צוליב די פרירעדיגע טעמים בין איך אביסל אומרוהיג. ווייל סוכ"ס זענען מיר אין ברוקלין...

לאמיר בקיצור מאכן א שטיקל חזרה, דזשאדזש באראש, וואס איז לכל הדעות געווען משוחד פון די זאלונים, און זייער געוואלט געבן פאר די זאלונים א שיינעם קלארן געווינס, האט זיי נאך גאנצע 4 יאר געגעבן די מאקסימום וואס ער האט נאר געקענט, א הינקעדיקן פסק, און דאס איז נאר אז דער רבי איז בעל הבית פון די ארגאניזאציע, וויפיל זיי האבן זיך ביי עם געבעטן ער זאל כאטש אנערקענען אז דער רבי האט ארויס געווארפן רבי בערל, און אז דער רבי האט באשטעטיגט יאנקל כהנא אלץ פרעזידענט, האט ער זיי דאס כסדר צוריק געוויזן, אלזא, לו יהא אז זיי באשטעיגן יא באראש'ס פסק, נו, איז דער רבי בעל הבית, בלייבט נאך אלץ ד פראגע, וואס איז יעצט, ווער איז אצינד דער פרעזידענט?,

דאן קומט דער צווייטער פסק, פון ריכטער ראזענוואסער, וואס דאס איז שוין א מעכטיגער פסק מיט פונקטלעכע FACT FINDINGS און קלארע מראה מקומות, און ער האט יא קלאר געשריבן אז דער רבי האט קיינמאל נישט ארויס געווארפן רבי בערל, און על כן איז רבי בערל דער לעגאלער פרעזידענט פון די קהלה, און יאנקל כהנא און שאול פערלשטיין האבן נישט קיין שום מאכט אין די קהלה, זייער א קלארער פסק,  און כאטשיג ראזענואסער איז אין פרינציפ יא מחולק מיט באראש, שרייבט ער קלאר אז זיין פסק איז "נישט" קיין סתירה מיט באראש'ס פסק, און זיין פסק איז גילטיג אפילו אין פאל די ריכטער באשטעטיגן באראש'ס פסק,

לסיכום הדברים, די זאלונים האבן א לעכעריגן פסק פון באראש, וואס פאריפט זיך אויף א פאלטשע איבערזעצונג פון די שטאטאטן, אן קיין שום FACT FNDINGS, און א פסק וואס האט זיי נישט קיין סאך געגעבן, ווידער די אהרונים האבן פון ראזענוואסער א קלארן מעכטיגן פסק, וואס וועט זיין זייער שווער פאר די ריכטער דאס אפצו ווארפן,

לאמיר גיין לאנגזאם, אויב ווארפן די ריכטער אפ באראש'ס פסק, און שרייבן אז לויט די שטאטאטן איז דער רבי נישט בעל הבית, דאן איז דער קעיס פארטיג, ראזענואסערס פסק איז MOOT , דאס הייסט נישט רעלעווענט, און רבי בערל בלייבט פרעזידענט, יעצט לאמיר זאגן אז זיי באשטעטיגן יא באראש'ס פסק, אז דער רבי איז בעל הבית, יעצט קומט אריין אין די פיקטשער ראזענוואסערס פסק, וואס שרייבט אז דער רבי האט קיינמאל רבי בערל'ען נישט ארויס געווארפן במילא איז ער דער לעגאלער פרעזידענט, א FACT FINDING איז זייער שווער פאר די ריכטער ארויס צו ווארפן, ס'איז זייער נישט מסתבר אז זיי וועלן אנעמען באראש'ס פסק, און נאך צולייגן דערצו אז טראץ וואס באראש האט נישט באשטעטיגט יאנקל כהנא אלץ פרעזידענט, טוהן זיי דאס יא באשטעטיגן, און ראזענוואסער'ס קלארער FACT FINDING פסק וועלן זיי גענצלעך ארויס ווארפן, ווייל אז  די זאלונים זאלן געווינען דארפן זיי דאס אלעס באקומען פון די אפעלעט ריכטער, און ס'איז נישט מסתבר אז זיי זאלן דאס באקומען, ווייל אויב יא, קענען די ריכטער גלייך ווערן נייע צו געקומענע חברי הבית דין אין דעם וויליאמסבורגער פורים בית דין.  תוקן על ידי - יענקעלע11 - 24/05/2006 19:59:33

יענקל
פארוואס עפעס זענען דיינע תגובות נישט די געהעריגע אריאל פאנט?
מען קען עס נישט אזוי ליינען

יענקעלע ווי עס קוקט אויס האסט גוט דורכגעליינט אונזערע פאפירן אבער נישט מאללענס,

דאס בין איך מסכים אז די זאליס האבן א שטיקל UP HILL BATTLE, ווייל פאר זיי צו געווינען מוזן זיי געווינען 100%, EVERY THING HAS TO GO THEIR WAY, ווידער אונז קען מיר געווינען נאר 25%, און אטאמאטיש האמיר אונז אלעס.

די עיקר יסוד פון מאלען'ס טענה איז אז ווען באראש האט געזאגט STATUS QUO האט ער זיכער געמיינט די זאליס, פרעגסט מיך, ביני ובינך, סיז קיין ספק אז ער האט געמיינט די זאליס, לאמיר זיך נישט FOOLען, נאר ראזענוואסער איז געקומען מיט א קאפשטיק אז STATUS QUO מיינט נישט ווער עס פירט פיזיש די ווירטשאפט, עס מיינט די "פרעזידענטשאפט", וואס דאס קען מען עכט נישט ארויסנעמען פון באראש'ס פסק, אזוי טענה'ט ראזענוואסער, אבער עס איז א דוחק גדול צו זאגן אז א דשאדש נאך א פסק פון 27 בלעטער זאל נישט צורירן די עיקר נושא, ממילא טענה'ט מאללען אז עס מוז זיין אז באראש האט יא אנגענומען פאר א "פאקט" אז דער רבי האט ארויסגעווארפן ר' בערל'ן