ליציטאציע פאר גרעבערס ביי עדיסאן בילדינג אין ירושלים

די וואך האט מען אנגעהויבן דעם עפנטליכן ליציטאציע פראצעדור פאר וועלכע קאמפאני עס וויל באקומען דעם קאנטראקט פון אנהייבן גראבן ביים עדיסאן בילדינג אין ירושלים, וואס וועט אי"ה זיין א פראכט און א שטאלץ פאר סאטמארע חסידים איבער דער גארער וועלט. דאס גראבן איז דער ערשטער טייל אינעם פראצעדור פון אויפבויען דאס פראכטפולע שטעטעלע "קרית יואל" אין ירושלים עיה"ק. עס וואקסט דאס הארץ פון פרייד צו זען ווי די כוחות הקדושה ווערן פארברייטערט, ספעציעל אין די הייליגע שטאט וואו די כוחות הטומאה האבן זיך אויסערגעווענליך געשטארקט אין די לעצטע תקופה. כה יתן ה' וכה יוסיף, כן ירבה וכן יפרוץ !