פליער'ס: לאזט איבער דעם טו"ת אינדערהיים!
פאר די אלע וועלכע פארן אין די קומענדיגע טעג אויף א פליגער איז וויכטיג צו וויסן, אז צוליב
די אנגעצויגנקייט נאכן כאפן די טעראריסטן וועלכע האבן געוואלט אויפרייסן צען עראפלאנען איבערן
אטלאנטיק, זענען יעצט די גרעניצן אויסטערליש שטרענג באוואכט, באזונדער מיט די זאכן וואס מען
נעמט מיט אויפן פליגער.
אין ענגלאנד לאזט מען נישט ארויף קיין שום זאך אויפן פליגער, אויך אין ניו יארק זענען דא
מענטשן וואס דערציילן אז מען האט זיי נישט געלאזט מיטנעמען די טלית ותפילין, מאכט זיכער
איידער איר פארט ארויס צום עירפארט וואס איר קענט אלס מיטנעמען אויפן פליגער.
פאר די ניו יארקער רייזנדע איז וויכטיג צו זיכער מאכן אז זיי זאלן נישט בלייבן אויסגעשפילט,
אז אויב מען קען טאקע נישט מיטנעמען דעם טלית ותפילין און מען פארט ארויס סוף נאכט, קען מען
נאך פארפאסן א טאג אן לייגן טו"ת חלילה. בפרט אויב מען פארט קיין ארץ ישראל.
|
|
