נעכטן דינסטאג האבן הונדערטער אייראפעאישע אידן מיטגעלעבט א דערהויבענע טאג בצילא דמהימנותא!
בערך 8 אזייגער אינדערפרי איז רבינו שליט"א אנגעקומען קיין פראנקפורט
ער איז תיכף צוגעפארן צו די וועסטענד שוהל, געגאנגען אין מקוה,
און דער פלאן איז געווען צו דאווענען אום 9:30 אינאיינעם מיט די פילע געסט.
אבער דער באס פון לאנדאן איז שטעקן געבליבען בערך א האלבע שעה אוועק,
און עס האט געדויערט כמעט אנדערט האלבן שעה ביז מ'האט ערלעדיגט אן אנדערן באס.
רבינו שליט"א האט מחליט געווען אז ער וועט נישט גיין דאווענען ביז דער באס קומט אן,
דערווייל האט רבינו שליט"א אויפגענומען דעם עולם פון בעלגיע, וועלכע האבן זיך געוואלט מזכיר זיין בפו"פ פאר די הייליגע טעג הבאים לקראתינו לשלום. ווי אויך די פילע לאנדענער וואס זענען געקומען מיט קארס און עראפלאנען.
מען האט זיך געשטעלט דאווענען בערך פערטל צו עלף, דער שחרית איז געווען גאר ווארעם ווי געווענליך.
דערנאך איז סערווירט געווארן א גאר ברייטער פרישטאג פאר אלע אמעריקאנער און אייראפעאישע געסט
צוגעשטעלט דורך אנ"ש מאנטווערפען.
דערווייל איז רבינו שליט"א געלאדנט געווארען צו א מסיבת סיום דורך די חברה משניות שע"י קהלתינו הק' באנטווערפען, ביי וועלכע רבינו שליט"א האט משמיע געווען דא"ח.
דערנאך האט רבינו שליט"א ממשיך געווען צו געזעגענען דעם עולם ביז אין די שפעטע מיטאג שעה'ן
אזוי אז עס איז שוין נישט אויסגעקומען קיין צייט צו פארן קיין מיכלשטאדט ווי דער אריגינעלער פלאן.
רבינו שליט"א איז שפעטער צוגעפארן צום אלטן בית החיים אין פראנקפורט, ווי עס ליגן דער הייליגער פני יהושע,
תלמידו הגה"ק ר' נתן אדלער, און דער הייליגער הפלאה. ווי אויך ליגט דארט די מוטער פון הייליגן חת"ס.
פון דארט איז רבינו שליט"א געפארן צום עירפארט אהיים לביתו נאוה קודש.
מערערע פון די אייראפעיאישע געסט זענען יא ארומגעפארן צו די מקומות הקדושים אין מיכלשטאדט, ווירמייזא און מאגענצא.
ווער עס האט מער פרטים וואס איך האב מן הסתם אויסגעלאזט,
אדער בילדער ווערט געבעטן צו פאוסטן.
