"גרענד פוד" פארדאפעלט זיך קע"ה

נאך יארן וואס גרענד פוד איז פון די גרעסטע סופערמארקעטס ביים היימישן ציבור בכלל און אין קר"י בפרט, נאך יארן וואס מיטוואך און פרייטיג קען מען ממש משוגע ווערן אויב מוויל אריינגיין דארט איינקויפן, קומט יעצט די גוטע נייעס אז אט אט וועט די סטאר פארברייטערט ווערן כמעט צו דאפעלט.

זיי נעמען אריין די בעק חלק, וואו סאיז ביז היינט געווען די סטארעזש, אזוי אז סקומט צו נאכאמאל אזויפיל פלאץ ווי זיי האבן געהאט ביז היינט, יעצט וועט מען קענען אביסל אפאטעמען ווען מוויל אריינלויפן פרייטיג נאכמיטאג נעמען א חריף. כה לחי! בלעה"ר.

איך האב געמאכט מער ריסוירטש און ווי איך געפין אויס זענען באמת די גראסעריס אין קרית יואל נישט שולדיג, נאר די סופלייערס, וואס רעכענען פאר די קרית יואל'ע גראסעריס סאך סאך מער ווי פאר די שטאטישע גראסעריס. ווי איך הער טוען די גרויסע קאמפאניס שרעקליך ארויפטשארדזשן פאר די קרית יואל'ע גראסעריס, און די גראסעריס טוען דערנאך אפמאנען דאס געלט פון די קליענטן. דאס מוז געסטאפט ווערן!

_________________

זיי טענען אז עס קאסט זיי געז און דעליווערי
לעכערליך

אין בארא פארק איז אויך נייעס ווען עס טוט זיך אין די גראסעריס.

ביידע סופערמארקעט'ס לעבן שומרי שבת בויען איבער אין מאכען גרעסער אין עס איז באמת א נייעס וואס מען שמועסט דערפון.

נאר בארא פארק האט כרגע נישט קיין פארום אין היידפארק.

אויב JEWBOY וואלט נאך געוווען בעירנו קענסטו זיין זיכער אז ער וואלט געברענגט בילדער לרחצה.

שור שנגח, איך האלט אז סאיז יא אינטערסאנט פאר אנדערע מענטשן, אויב דו האלטסט אז נישט מוזטו נישט אריינקומען אין די אשכול.

בנוגע די פרייזן איז אמת אז די פרייזן אין קר"י זענען טייערער ווי ערגעץ אנדערש, און איך מיין אז די טענה פון דיסטריבוטערס איז סתם א ליגנט, פארוואס אין מאנסי בעטן זיי נישט מער?

איך האלט שוין לאנג אז מדארף עפעס טון דערצו, אבער מיין זשאב איז עס זיכער נישט. וואס יא, איך גלייב נישט אז ער גייט קענען ארויפגיין וועגן די איבערבויען, נאר אויב אלע אנדערע גראסעריס וועלן ארויפגיין, וואס איז זיכער נישט מסתבר. שקל שלם !!!

אין ווילי בויעט זיך הצלחה איבער. אין ס'הייסט אז סענטרעל גייט זיך אויך בקרוב איבערבויען
איין קליינע חילוק פין ק"י אין ווילי. הצלחה אין סענטראל ביידע דערלייגן יעדן טאג ס'איז נאר א
שאלה ווער ס'וועט פריער גיין באנקראט. ווייטער גרענד זיצט אויף קעש אין בויעט צי כדי צי מאכן דאפלט.

איך האב באקומען אסאך קאמפלעינטס אין תיבה אישית, היתכן די מנהלים לאזן אראפרייסן א פריוואטע גראסערי, נאכדערצו ווען מען בארעדט איין גראסערי, כאטש אלע אנדערע גראסעריס זענען נישט בעסער.

לכתחלה האלט איך אז ס'איז נישט ראנג אויסצושמועסן עוולות, און העכסטנס אויב איז עס נישט אמת קענען אנדערע שרייבערס זאגן אז ס'איז נישט אמת, אבער מריבוי הטענות וועל איך דאסמאל מאכן אן אויסנאם און אויסמעקן די קריטיק ווערטער, און ביטע אין דעם אשכול נאר אדרעסירן דעם אלגעמיינעם פראבלעם פון די טייערע פרייזן, און נישט אראפרייסן איין גראסערי עקסטער צוליב איינעמ'ס פריוואטע סכסוך וואס איינער האט מיט די גראסערי.