פארוואס קומט זיך דאס פאר יוסף הצדיק און פארוואס שווייגט די וועלט?

איך עפן די אשכול אין גרויס שאק פון די נייעס וואס ווערט געמאלדן אויף בחדרי חרדים, אז די פאלעסטינער האבן אינגאנצן חרוב געמאכט דעם ציון פון יוסף הצדיק אין שכם, אראפגעווארפן דעם אוהל און פארוואנדלט דאס פלאץ אין א לענדפיל, וואו מען פארברענט גארבידזש, רח"ל.

פרעגט זיך די שווערע שאלה, פארוואס פאסירט אזא שרעקליכער בזיון פאר דעם הייליגן יוסף הצדיק, און פארוואס שווייגט די וועלט? פארוואס ווערט די נייעס פארציילט מיט אזא קאלטקייט און פארוואס רעאגירט נישט דאס אידישע פאלק מיט ווייאלענט דעמאנסטראציעס איבער דער וועלט, אזוי ווי להבדיל ווען א צייטונג האט געשענדעט דעם פארשאלטענעם נביא זייערן מאכאמעד?