באקומען אין אימעיל [email protected] פון די ארויסגעבער פון קול התאחדותינו
אזוי ווי מיר האבן די לעצטע פאר וואכן אנגעהויבן ארויף צו לייגן די "קול התאחדותינו" אויף א סיסטעם וואו מ'קען אליין אראפ נעמען אלע גליונות, ס'הייסט "לדעת", און ווי מיר זעהן ווערט דארטן אראפ גענומען יעדע וואך איבער 1000 מאל.
ווילן מיר מודיע זיין אז די "קול התאחדותינו" וואס איז מופיע אויף "לדעת" איז נאר א חלק פונעם גליון און נישט די גאנצע, וויבאלד דארטן מוזן מיר עס אריין געבן דאנערשטאג אינדערפרי און די גליון ווערט געווענטליך פארטיג דאנערשטאג נאכמיטאג - פארנאכט'ס.
למשל די וואך וועט יעדער זעהן אז ס'איז צוגעקומען נאך א שמועס פון די קישור החיתון פון נכדת כ"ק מרן רבינו שליט"א, און אזוי יעדע וואך קען צוקומען גאנצע מאמרים ביז מיר שיקן דאס אויפן אימעל,
(אסאך מאל איז דא אוממערקבארע שינויים און פון אויבן-אויף קוקט עס אויס די זעלבע, ס'איז אבער שטענדיג דא עפעס צוגעלייגט)
דעריבער ווילן מיר מודיע זיין אז די גליון וואס איז מופיע אין "לדעת" איז געאייגנט בעיקר פאר די אלע מענטשן וואס באקומען נישט דורך אונז, אבער לכתחילה איז אוודאי בעסער אז אנשי שלומינו זאלן צו ווארטן נאך אפאר שעה ווען מיר וועלן שיקן פאר יעדן דעם גליון בשלימות.
אגב, ס'איז סתם אזוי נישט כדאי ארויסצופרינטן דעם גליון פון "לדעת", דארטן איז עס אויף זייער א נידעריגן רעזעלוזשן, ווייל זיי נעמען נישט קיין גליונות נאר ביז 2 מ"ב און כדי צו אנקומען צו די נומער מוזן מיר אסאך מאל דאס פארמאכן אויף זייער א שוואכן פאָרמאַט, און די גליון וואס מיר שיקן ארום איז אסאך קלארער און שענער.
בברכת שבתא טבא
מערכת "קול התאחדותינו"
ד'סאטמאר בני ברק
 |
|
|
