בני ברק: ספרדישע מוסד אין זאלי טעראר!

עס איז א שרעק ווי ווייט די זאליס האבן זיך דערקייקעלט, איצט האבן זיי זיך גענומען צו די הייליגע ספרדישע תלמוד תורה רבינו יואל דסאטמאר על טהרת הקודש אין בני ברק!

זיי לייגן איצט איין די וועלט'ס טעראר אז די הייליגע מוסד וואס מרן רבינו הקדוש זיעועכי"א האט אויפגעשטעלט בסוף ימיו בדם לבבו זאל ווערן אפגעשפארט!

קודם א קורצע שלשלת הדברים פון די הייליגע סאטמאר ספרדישע מוסד על טהרות הקודש, די מוסד האט רבינו הקדוש זי"ע געגרינדערט פאר עטליכע 30 יאר צוריק, קודם איז עס געווען אונטער מוסדת יטב לב דסאטמאר, פאר 15 יאר צוריק האט מרן רביה"ק בעל ברך משה זי"ע עס אפגעטיילט פון מוסדת יטב לב און געמאכט אן עקסטערע וועד וואס זאל שאפן עקסטער געלט דערפאר, ווייל די הנהלה האט פארשטאנען אז עס וועט זיין עקסטער וועט מען קענען בעסער שאפן געלט.

פאר א 10 יאר צוריק האט הרב החסיד רבי שמואל אויבערלענדר שליט"א, און ר' אביגדור יאקאבאוויטש ז"ל געקויפט א בנין פאר די הייליגע מוסד, ר' אביגדור פלעגט דארט געבן אסאך געלט פאר די מוסד, אביגדור האט אריינגעלייגט אינעם מוסד ר' מענדל דאווידאוויטש, און מיידלך שטערן אז זיי זאלן שאפן געלט דערפאר.

יעצט צום ענין

די זאך האט זיך אנגעהויבען היי יאר פאר פסח, ווען די זאליס האבן געהייסן פאר די מנהל פונעם מוסד הרב הצדיק לוחם מלחמת ה' רבי ברמשה שליט"א מנהל המוסד, וואס פירט שוין אן די הייליגע מוסד שוין 30 יאר מיט מסירת נפש, און רבינו הקדוש והטהור זי"ע האט אים אריינגעשטעלט, ער איז א תלמיד חביב פון הרב הצדיק רבי יעקב משה קרעמער שליט"א, די זאליס האבן אים באפוילען אז זיי ווילן מאכן א בית המדרש דארט אינעם בנין, ער האט געזאגט בלא אז ער האלט נישט דערביי, זענען זיי געגאנגען און אנגעהעצט די טאטעס קעגן די מנהל אז ער איז נישט קיין גוטע מנהל וכו', מענדל דאווידאוויטש מיט מיידלעך שטערן האבן געמאכט א יד אחת מיט דעם ציוני הרב בעדני חבר מועצת חכמי התורה פון די ש"ס פארטיי, וואס ער האט א שטארקע כוח ביי די ספרדים, און ער האט שרעקליך אנגעהעצט די טאטעס און מלמדים אז מען דארף ארויסווארפן די מנהל.

תיכף נאך פסח האבן זיי אריבער געברענגט ר' זאלי פילאפף, און ער איז געקומען בשליחת פון ר' זאלי טייטלבוים און ער האט געהאלטען א דרשה אין חדר אז דער מנהל איז א שייגץ, און ער קומט דא אין נאמען פון ר' זאלי און דער מנהל איז אויפגעזאגט און ארויסגעווארפן, אויך האט מיידלך שטערן גערעדט דארטן, אזוי אז די טאטעס און מלמדים זענען געווארן גוט אנגעהעצט קעגן די מנהל, מען ארויסגעווארפן די מנהל און אויפגענומען א נייער מנהל א פאלנער ציוני אהרן כהן.

די אלטע מנהל הרב בר משה שליט"א איז געווארן צובראכען אויף שברי שברים זעהענדיג וואס מען טוט מיט די הייליגע מוסד, און מען שטעלט דארט אריין א פאלנער ציוני, ער האט גערופען מיידלך שטערן און דאווידאויטש צו דין תורה אבער זיי האבן געזאגט אז זיי גייען נישט צו קיין דין תורה, (אזוי ווי די זאליס טוען איבעראל).

- עס איז כדאי צו באמערקן אז מיידלך שטערן האט שוין אונטער געברענגט די הייליגע מוסד תורת אבות לעדת תימן, וואס ער האט זיך צושלאגען מיט די מנהל בעל מסירת נפש הרב יוחנן סילמאן, און ער האט אים ארויסגעשטעלט פונעם מוסד, און ער האט אריינגעשטעלט א נייער מנהל א ציוני, און יעדער האט געשריגען דעמאלס אז די מוסד וועט אונטערגיין, און א יאר שפעטער האט דער נייער מנהל עס אריבערגעפירט צו די מדינה צוזאמען מיט די בילדונג וואס ר' ליפא קויפמאן שליט"א האט מנדב געווען.

אזוי אויך האבן די זאליס ובראשם ר' זלמן צוזאמען מיט וואלי לעפקאוויטש, אפגעשפארט מיט רציחה די הייליגע מוסד יטב לב דסאטמאר אין נתני', וואס רבינו הקדוש האט אויפגעשטעלט מיט מסירת נפש, און פארקויפט די בילדונג פאר א מיליאן דאלער, און עס געפאקט אין טאש. -

איצט אינמיטען תמוז האט מיידלך שטערן געמאלדן פארן נייעם מנהל, אז בפקודת הקודש פון ר' זלמן טייטלבוים איז אפען קומעדיגען יאר די מוסד פארשפארט! און ער זאל נישט רעגרסטירען קיין שום קינד אויפען נייעם יאר. מען שפארט אפ די מוסד!!! די מוסד איז געשלאסן!!

פארוואס? די זאליס האבן געמאכט א חשבון וואס דארף מען די ספרדישע מוסד, מען שפארט דאס אפ, און מען וועט דאס נעמען פאר די זאליס פאר א שול. די טאטעס וועט זיי זענען געוואור געווארן דערפון, האבן זיי אנגעהויבען צו פארפירען און שרייען, זיי האבן זיך געכאפט און וואספארא נעץ מען האט זיי דא אריינגעפירט. פאר צוויי וואכן צוריק האבן זיי ארויסגעווארפן דער מנהל און צוריקגענומען דער אלטר מנהל הרב בר משה שליט"א.

פאריגע וואך פרייטאג זענען געקומען די צוויי טעראריסטן אשר זאב גרין, צוזאמען מיט מענדל דאווידאוויטש'ס זון, און זיי האבן געטוישט די שלעסער פונעם בנין, די מנהל איז געוואר געוארן דערפון האט ער געריפען די משטרה און איינגעגעבען א קלאגע קעגן די צוויי שקצים, און נעכטן מאנטאג האט די משטרה ארעסטירט די צוויי טעראריסטן.

די עסקנים פון קהלתינו הק' קהל יטב לב דסאטמאר האבן זיך אריינגעלייגט, ארויסצוהעלפען און ראטעווען די מוסד פון די טעראריסטישע הענט פון די זאליס ובראשם פון מיידלך שטערן, און ב"ה מען האט מצליח געווען, אבער פארשטייט זיך אז די זאליס געבן נישט אויף, און טוען אלעס צו אויספירן זייערע פלענער, און אפשפארן פארשליסען די הייליגע מוסד.

וואס גייט פאר די זאליס האבן מער נישט קיין פלאץ אין זייער טרעלער זיי האבן דאך אפילו דארט א כולל      

אוי רבי יונה בין איך דיך נישט מקנא ,ווארט נאר ווארט ר' זלמן לייב פילעפף וועט אהיים קומען פין פליישמאנ'ס ער וועט דיך אזוי אנשלאגן
די רחמנות איז נעבעך די יודען וואס גייען נאך געלט פאר דעם מוסד צי געפעלן דעם פילעפף

די זאליס שיקן שוין לאנג נישט קיין איין דאלער פאר די מוסד, איצט טוען זיי וואס זיי קענען צו פארשפארן די הייליגע מוסד.

אבער בזכות רבינו הקדוש והטהור זי"ע וועלן זיי נישט אויספירן זייער רשעות'דיגע פלענער, און מיידלך שטערן מיט די זאליס וועלן נישט קענען אי"ה אויסרייסן די הייליגע מוסד!!

בשם ה' נעשה ונצליח!!

יעצט פארשטיי איך שוין פארוואס מען האט געמאכט צוויי יומא דהילולא כ''ו מנ''א ביי די ספרדים איינס האט געמאכט דער מנהל בפועל הרב ברמשה שליט''א אין ביהמ''ד סאטמאר אין רח' רמב''ם דאס צווייטע האט געמאכט דער מחרחר ריב ומדון מענדל דוו''ד מיט אשר זב גרין אינ'ם ויז'ניץ'ער ביהמ''ד וואס איז אין דעם בנין פון די ת''ת ,די רשעים הידועים אין להם מנוח  זיי ווילן זיך משתלט זיין אויפן בנין פונ'ם ת''ת בכדי צודעקן זייערע דעפיציטן וואס זיי האבן פון זייער אויסגעשפילט'ער כולל ערב . 

מענדל דאווידאוויטש און גרין האבן געמאכט אן עקסטערע כ"ו סעודה פאר די ספרדישע, זיי האבן געדינגען די ביהמ"ד פון וויזניץ ר' מענדל, זיי האבן עס געוואלט מאכן אינעם ספרדישען ת"ת אבער דער חשוב'ער מנהל הרב בר משה שליט"א האט זיי געזאגט בלא.

זיי האבן גערופן חיים הערשלע פון ירושלים, און געפראוועט די סעודה פארן ריזיען מעכטיגען ציבור פון 12 ספרדישע, און מען האט דארט פארגעליינט דעם מכתב קודש קדשים פון דעם ציוני הרב בעדני חבר מועצת חכמי התורה פון די ש"ס פארטיי, ווי ער שרייבט אז זאלי און חיים הערשלע זענען בעל הבית אין ת"ת און מען ווארפט זיך אונטער זיי.

דערנאך האט חיים העשרלע געפראוועט די סעודה פאר די 7 ארויסגעפאלנע אשכנזים פון סאטמאר, פלוס טאלער פון תימן, די זאליס האבן גערופען אלע רבנים פון שטאט בני ברק, אבער קיינער איז נישט געקומען, די תימן'נער טאלער מיט גרין זענען געוען רופן הגאון הגדול הרב וואזנער שליט"א האט ער זיי געזאגט אז ווילאנג זיי גייען נישט ארויס פון קארט אין בני ברק וויל ער זיי נישט קענען, און אוודאי וועט ער נישט גיין צו זייערע סעודות.