ס'איז ממש אומגלויבליך וויאזוי די מידיא וואגט זיך צו פארווישן אזא מעכטיגע נייעס, און זיי האבן נאך די העזה זיך אנצוגעבן אלס אביעקטיוו. לכאורה וועט עס אבער היינט נאכט און מארגן יא היפש דאמינירן די נייעס נאך וואס מעקעין זעלבסט האט זיך באצויגן דערצו אין א קאמפיין אויפטריט.
אבער ווי מ'האט דא געשריבן איז עס לכאורה צו שפעט אמת'דיג צו העלפן פאר מעקעין, וועלכער איז צו ווייט אראפ, בפרט אין די ערטער וואו מ'האלט שוין פעסט אינמיטן שטימען. אבאמא'ס האלבע פריים טיים שעה דעם מיטוואך וועט נאכמער העלפן פארוואסערן די קאנטראווערסיע פון דעם אויפטריט.
ונזכה ונחיה ונראה.
נשלח ב-27/10/2008 22:16
די ליבעראלן זענען גרייט חרוב צו מאכן דאס לאנד אבי אבאמא זאל אריינקומען
גערעכט טאקע אז פאליטיק איז א ספארט, אבער אין פאקט איז עס אויך נוגע פאר יעדען וויפיל טעקס ער גייט צאלן. בכלל, פאליסיס פון א פרעזידענט קען האבן א יארן-לאנגע עפעקט.
מעגליך מיינסטו צו זאגן אז אונזער וואוט וועט נישט אויסמאכן? אויף דעם געב איך דיר גערעכט.
נשלח ב-28/10/2008 01:34
מען האט ביי קלינטאן די זעלבע נער'שקייטן גערעדט סאיז א שאד די מיה
ער גייט זיין א פיינע פרעזידענט אין די יודין וועלן זיך מחי' זיין מיט אימען, אין איך מיין טאקע די וואס נעמען די פוד סטעמפס אין די מעדיקעד זיי וועלן מאכן א לעבן אינטער די אבאמא פאליסעס
זיסקינד נישט דיך האב איך געמיינט (ווען איך קען געב איך דיר א קניפ אין בעקל)
ווען אבאמא וואלט ווען געווען פרעזידענט די לעצטע אכט וואלטן ווייניגער יודען געזעצן אין תפיסות
ווייל ליידער זיצן אזויפיל יודען יעצט אין תפיסה וואס דאס אלעס איז צי פארדאנקען די בוש/ עשקראפט פאלסיס פין די לעצטע אכט אז מען דארף זיך אנעמען פאר די רייכע
זיצן יונגעלייטלך אין בחורים אין פלוידערן שטותים מיט הבל אין נעמען זיך אן פאר די מעכטיגע רעפאבליקנער גבירים ווי גלייך זיי קוקן אויך אינזער זייט
נשלח ב-28/10/2008 02:44
זיסקייט
האקאבו
עטס זענטס ביידע גוט
נשלח ב-28/10/2008 03:25
איך האב זיך באצויגן אויסשליסליך צו די פאליטישע זייט פון די באמבאסטישע אויפדעקונג, וואס וואלט בשנים כתיקונם געווארן די העדליינס פון יעדע איינציגע מידיא אוטלעט, נאר יעצט ווען די מידיא מוז אריינברענגען אבאמא ווערט עס דערשטיקט מיט אלע כוחות.
בנוגע דעם ריכטונג פון לאנד, אלס איד גלויב איך אין "לב מלכים ושרים ביד השם", פונקט ווי איך גלויב אז יעדער מענטש האט אן אייגענע בחירה. פערזענליך בין איך בכלל נישט איבערצייגט אז קאמוניזם, ריכטיגער געזאגט סאציאליזם, איז ווירקליך אזוי שלעכט! - ווען זי איז באגרעניצט בלויז צו די עקאנאמיע, און ביז א געוויסן פונקט.
איבער די טעמעס איז תלוי וועמען מ'פרעגט. דעם דורכשניטליכן איד וואלט געווענליך נישט אנגעגאנגען די שטייער פאליסי פונעם פרעזידענט, ער וואלט נאר געוואלט וויסן איבער די הילף פראגראמען וואס די רעגירונג וועט צושטעלן, און דערפאר זענען רוב היימישע אידן געווען גענויגט צו דעמאקראטן. אבער פאר יעדן וואס מאכט מער ווי ברויט אויף הויזן יא שטארק נוגע די שטייערן פאליסיס, און ביי אידישע קינדער וואו צדקה איז אין שפיץ פון די היימישע עקאנאמיע איז שטארק וויכטיג צו וויסן פונקטליך וואס דער פרעזידענט פלאנט צו טון מיט אונזער געלט.
לדעתי איז דאס די הויפט סיבה פארוואס דער היימישער עולם איז לעצטנס געווארן מער רעפובליקאנער געשטימט. דער מציאות אין לעבן האט זיך פשוט געטוישט פון סעקשאן 8 צו ריעל עסטעיט בראוקער, וד"ל.
אין כמעט אלע אנדערע פאליסיס בין איך פערזענליך דוקא שטארק איינשטימיג מיט אבאמא, ספעציעל איבער ענערגיע.
איין זאך וואס איך בין באזארגט איז זיין שטעלונג איבער איראק, וואו דאס אריינגיין אין מלחמה איז טאקע געווען א פאטאלער טעות איבער וואס בוש וועט צעמאלן ווערן אין די היסטאריע, אבער אונטער די אומשטענדן האלט איך אז דאס 'אנטלויפן' פון דארט וועט ווערן אומריכטיג אויסגעטייטשט ווי אמעריקאנער שוואכקייט (ווער עס האט גוט צוגעהערט כאסאן נאסאראללא'ס רעדע צוויי יאר צוריק בעפאר די צווייטע לבנון מלחמה איבער די "שפין וועב" וועט פארשטיין וואס איך מיין, כאטש ער האט גערעדט פון מדינת ישראל).
תוקן על ידי - אפשר_דאך - 28/10/2008 3:25:40
_________________
נשלח ב-28/10/2008 04:08
זיסקייט די גייסט מאכן א לעבן אויף מיין חשבון מיין טעקסאס גייען ארויפגיין ווייל איך בין נישט אזוי קליג ווי די אנדערע שווינדלערס וואס עס דרייט זיך ביי די אידען ליידער
אגב, וואלט איך געוואלט צולייגן אז די דעמאקראטישע קריטיק אז דראדזש און פאקס ניוס פארדרייען עטוואס אבאמא'ס ווערטער איז ריכטיג און אויסגעהאלטן, אבער עס מינערט גארנישט פון דעם דראמאטישן אפעקט פון די אומגליקליכע ווערטער.
דראדזש שרייבט אז אבאמא זאגט אז ס'איז 'א טראגעדיע אז די געריכטן האבן נישט איינגעשטעלט דאס רע-דיסטריביוטן פון רייכטום און עקאנאמישער יוסטיץ'. פאקטיש נוצט אבאמא דעם אויסדרוק "טראגעדיע" אויף גאר אן אנדערע טעמע [פארוואס מארטין לוטער קינג האט נישט גענוצט די לאקאלע און פעדעראלע לעגיסלאטורן - און יא, אויך "קאמיוניטי ארגאניזעישאנס"... - אריינצוברענגען א טויש אינעם סיסטעם, און אלעס געלאזט פאר די געריכטן].
פארט נעמט דאס גארנישט אוועק פונעם פאקט אז אבאמא איז א באהאלטענער קאמוניסט (אפשר נישט גענצליכער מארקסיסט, אבער נאך אלץ אויסטערליש לינק), וואס מיט א בליק אויף צוריק קען די דאזיגע אודיאו טעיפ זיין די דעצידירנדע פאקטאר פון די וואלן (זיסע חלומות...).
נשלח ב-28/10/2008 05:54
סאפט ענק צי זארגן איבער די אויסגאנג פין איראק
אין איך בעט די יונגלייט זאלן זיך נישט זארגן איבער די גרויסע דעפציטן פין די רעגירנוג
איך רייס מיך פאר גלעכטער צי הערן ווי יונגעלייטלך בארדארס וואס ווייסן נישט ווען די ברית איז
אבער זיי באדערט די גרויסע חובות פין אמעריקע
