מסר'ן קען מען יעדן!

היות "דער איד" האט די וואך זיך אראפגעלאזט צו א פרישן נידריגן שטאפל אין זייער מסירה קייקל וואס שטעלט זיך נישט אפ - עד כדי כך אז ס'וואונדערט זיך וואו איז דער גרעניץ ווען זיי וועלן שוין ענדליך אפמאכן אז 'דאס' איז שוין צופיל - און גערופן צו אפענע מסירה קעגן איינעם פון די חשוב'סטע בני קהלתינו וועלכער האט זיך נעבעך ביטער פארפלאנטערט אין א שווערן פעקל ביי זיינע פערזענליכע ענינים.

על כן, אן אריינגיין אין די פרעכע שקרים און בלוט בלבולים וואס זיי זוכן צו פארשפרייטן קעגן דעם נשוא פנים מקרואי מועד אנשי שם, האלט איך אז ס'איז וויכטיג זיי איינצומעלדן ברבים אז 'דער שטעקן האט צוויי עקן'.

כ'גלייב אז קיינער דארט ביי די 'סטרא אחרא' איז נישט גרייט אז ס'זאלן זיך נעמען גיסן פעק מיט שמוץ אויף כמעט יעדן איינציגן פון זייערע א.ג. 'ראשי הקהילה'. זיי ווייסן זייער גוט דעם ביטערן פעקל וואס ווארט זיי אויב מ'גייט זיך נעמען קריכן ביי זיי אין די קישקעס. ראו הוזהרנוכם!

הייבט נישט אן קייקלען א ראד וואס וועט אראפשלעפן גאנץ כלל ישראל אין תהום אריין, אריינגערעכנט אלע אייערע אייגענע שפיצן!