הוסיף יום אחד: נאך א טאג אריינצוטראגן "שקלי הקודש" פאר רבינו שליט"א

מיט פרייד ווערט געמאלדן אז צוליב דעם וואס הונדערטער אידן האבן נישט געהאט די מעגליכקייט נעכטן זינטאג אריינצוטראגן די סכום פון $1800 "שקלי הקודש" פאר רבינו שליט"א און קריגן א ברכה פון רבין זאל זיין געזינט.

וועט מען אי"ה מארגן דינסטאג נאכמאל קענען אריינטראגן דאס געלט פארן רבין שליט"א און גלייכצייטיג קריגן א רעסיט פון רבין שליט"א.

די רבי וועט אריינקומען אום 5:15 נאכמיטאג בחדר הפרטי אין ביהמ"ד אויף הופפער סט. ווי ער וועט דארט איבערנעמען די נדבות פון אנשי שלומינו ביז 7:00 ביינאכט ווען ער וועט דאן גיין צום הכנסת ספר תורה שע"י ביהמ"ד איחוד התלמידים אויף וואלעבאוט.

נאכן הכנסת ספר תורה וועט ער ווייטער אויפנעמען דעם עולם כרגיל בביתו נאוה קודש אויף יוז סט.

בכדאי עס זאל גיין מיט א געהעריגען סדר וועט מען מאכן א סיסטעם אז יעדער וואס שטעלט זיך אין די רייע אריינצוגיין צום רבין אל הקודש פנימה וועט קריגן א נומער וועלכער עס וועט אום האלטן אין די רייע ווען אריינצוגיין.