ברעיקינג: בני ברק סכסוך גייט צו דין תורה!!!

כ"ק גאב"ד ירושלים שליט"א האט נאך חדשים לאנג פארהאנדלונגען צוזאמגעשטעלט א בית דין וואס ביידע צדדים האבן מסכים געווען זאל דן זיין אויף סאטמארע נכסים אין בני ברק אריינגערעכנט שיכון קרית יואל מוסדות יטב לב די זאלן און האטעל פון שיכון און בתי מדרשים פון סאטמאר,

דער סכסוך האט זיך אנגעהויבן ווען משה חיים ווייס האט אריינגעגעבן אין די משרד החבורות פון מדינת ישראל אז ער איז דער מנהל און האט מערער געווען אויף די הנהלה פון ר' עזריאל גליק און אנדערע אלטע חברי הנהלה, די הנהלה האט געעפנערט און געפיילט א דעקלערעשאן מיט א היתר פון צוויי בתי דינים, (שלשה רועי בקר לשיטת מהר"א) די ארונים האבן פארלוירן און געריכט און די ארונים זענען געגאנגען אין בג"ץ בלי רשות בית דין, און ווידער פארלוירן,

נאכדעם וואס זיי האבן פארלוירן האבן זיי געזאגט אז זיי זענען גרייט צו גיין לדין תורה, אבער נישט געשיקט קיין הזמנה, זיי האבן געוואלט נאר גיין צו בתי דין פון בני ברק,

די הנהלה האט פארגעשאלגן זבל"א מיט דריי שלישים באמצע, א בית דין של חמש, די ארונים האבן דאס נישט געוואלט, זיי האבן נאר געוואלט א זבל"א מיט איין שליש און דוקא א שליש פון בני ברק, זיי האבן גענומען א בורר א ציוניסטיש געשטימטער קלויזענבארגער חסיד, ר' אברהם יעקב כהן, און דער בורר האט אפגעווארפן דריי פארשלאגן פון שלישים, פון חשובסטע בתי דינים אין די וועלט, בית דין עדה החרדית, בית דין מחזיקי הדת אנטווערפן, בית דין כדתיא לאנדאן,

אויף די בקשה פון סאטמאר בית דין צום גאב"ד אז ער זאל אויסקלויבן די שלישים, און ח"ו נישט לאזן קיין רבנים וואס גיין צו בחירות, האט דער גאב"ד זיך אריינגעלייגט אין די ארבעט און משפיע געווען אויף די בני ברק'ער צו אפלאזן רא"י כהן און גענומען רי"ז גראז פון ניו יארק פאר זייער בורר,  די הנהלה האט גענומען דעם טשאקעווע רב אלס זייער בורר,

די צדדים האבן מסכים געווען אלס שלישים הגאון ר' מרדכי באב"ד און הגאון ר' אברהם ברוך ראזענבערג, אבער אויפן דריטן שליש האבן זי זיך נישט געקענט דורכקומען, די הנהלה האט געוואלט אז די צוויי שלישים זאלן אויסקלויבן א דריטן אבער די בני ברקער האבן געוואלט דוקא א בני ברק'ער וואס איז פון רב וואזנערס בית דין,

דער סוף פסוק האט דער גאב"ד מציע געווען א דיין פון עדה החרדית הגאון ר' נפתלי פרענקל און ביידע צדדים האבן מסכים געווען, דער גאב"ד האט געבעטן הגר"נ פרענקל ער זאל מסכים זיין צו זיין דער דריטער שליש, און חפץ ה' בידו הצליח, און ווי עס קוקט אויס וועט זיך אנהויבן דער דין תורה בקרוב,

אולי וועט דער ירושלים'ער רב יעצט מסכים זיין צו רעדן צו ר' אהרן ער זאל מסכים זיין זיך צושטעלן צו דין תורה איבער אלע סאטמארע קהלות ומוסודת און צולייגן אביסל טינט אויף די שטרי בירורין מיט זיין נאמען.....

אומגלויבליך, אבער הלוואי איז דאס אמת
דוכט זיך מיר אז אלע ערליכע אידן פון ביידע זייטן אין סאטמאר וועלן בענטשן אזא לאנג-ערווארטע טריט
ספעציעל אז דערמיט וועט מען זיך שוין אפשאקלען פון די ציוניסטישן געריכט און אפשטילן די בזיון און חילול השם
ווייל לאמיר באמת אריינטראכטן צו איז דען געווען נאך אזא נידעריגע און אומווערדיגע שריט פאר סאטמאר ווי די בזיון ?

לדעתי דארף מען שוין נעמען פארלעסליכע ערנסטע מענטשן פון ביידע מחנות און דאס צואיילן וואס שנעלער עס זאל נישט פארוואסערט ווערן דורך מענטשן וואס האבן דערביי פריוואטע געלט\נקמה-אינטערעסן........

 

לעקסינגטאן אז עס באדערט דיך אז אדמו"ר מהרז"ל גייט אי"ה פארן קיין ארץ ישראל און האבן כבוד מלכים
קען איך דיר גארנישט העלפן אפשר נאר טרייסטן

אבער צו קומען (פראבירן צו) איינרעדן אז מהרז"ל שטייט אונטער די גאנצע זאך מיט די ציוניסטישע בג"ץ איז שקר וכזב,
און קיינער וועט דיר במיילא קיינמאל נישט גלייבן מיט אזוינע הבלים, ווייל וואס האט ער דען דערפון צו פעלט דען איהם עפעס אין אר"י, ענק אליין שרייבטס אז ער גייט בויען דירות אין ב"ב, און ער האט דארט אויך אַ שיינעם כולל איז מה לו ולזה ?
ער וויל דאס אויפטזעכליך נישט 'אזויווי זיין חשוב'ער זוהן הגה"צ רבי חיים צבי שליט"א סאטמאר-רב אין ירושלים האט דאס שוין עטליכע מאל אויסגעדרוקט' עס האט נישט מיט איהם און ער שטימט נישט צו דערצו.
איך וועל נישט לייקענען עס איז דא מערערע ביי די זאלוינים וואס זעהן דערין אַ נקמה אין בני ברק וואס איז באקאנט אלס בלינדע בעיס פאר מהר"א, אבער מיט מהרז"ל זעלבסט האט דאס נישט גארנישט און פארשטייט זיך אז אויך נישט מיט זיין נסיעה קיין ישראל.

באלאנד טייערער איך האב פאר דיר צוויי קליינע אבער וויכטיגע הערה'לעך:

נפל צום ערשט זאלסטו פארשטיין וואס דו האסט צוגעשריבן און דערנאך ערקלער דאס פאר'ן עולם

איינער האט מיר צוגעשריבן א מליצה אין לשה"ק:
"יבואו אלו הקוראים אותו בעל ויואל משה - ולא יבגדו במה שכתוב בספר ויואל משה"

אין אנדערע ווערטער עס איז די העכסטע צייט אז ר' זלמן לייב זאל אראפנעמען זיינע נעגל פונעם ספה"ק ויואל משה און ארויסציעהן זיין קלאגע פון די בג"ץ הציוני אנטקעגן די סאטמאר'ע מוסדות אין בני ברק

מ'רעדט נישט פון גזל"ן מיט א אכזריות דאס ארעמע ביסן פון מויל פון די ארטיגע מלמדים און מגידי שיעור שוין לאנגע מאנאטן
מ'רעדט נישט פון גזל"ן מיט א אכזריות טויזנטער דאלער רענט פון די אינגעלייט אין ב"ב וועלכע האבן נישט קיין דירות
מ'רעדט נישט פון פאלגן די תורה הק' ואלה המשפטים אשר תשים לפניהם - לפני דייני ישראל

מ'רעדט יא פון שוינען די כבוד פון רביה"ק זי"ע -
מ'רעדט יא פון אויפהערן די חילול השיטה הקדושה -
מ'רעדט יא פון אויספאלגן די בפירוש'ע דעת תורה פון די גדולי רבנים ופוסקי הדור שליט"א

 

מר. אויש פליז זיי נישט ווילד