ברעקינג: קרית יואל שחט מער נישט די כינע'זער פעקין.
די אינפארמאציע וואס איך ברענג דא איז העכסט קראנט, און ווי יעדער קען מיך שוין, וועל איך מברר זיין איידער איך שרייב, און דאס וואס איך האב באוויזן צו דערגיין על בוריו.
די 6 רבנים וועלכע זענען געווען ביי די אסיפה פון סאטמאר'ער רבי'ן האב נעכטן דורכגעטאן דעם ענין פון די קאטשקעס, פון אלע סארטן וואס מ'פלעגט ביז היינט שח'טן.
און עס איז אויפגעברענגט געווארן דורך דעם בארימטן גאון רבי אפרים שמעון לייכטאג אז אפילו' וואס מ'האט געמיינט ביז היינט אז ס'איז מסורה'דיג, וואס איז די פעקין איז אויך פארנעפלט (שיין גערעדט), ווייל ביז ווילאנג מ'ווערט נישט געוואויר קלאר די מסורה פון כינע איז נישט אויסגעהאלטן צו עסן די סארט קאטשקעס, לויט ווי מיר זענען חושש צו די דעה פון רמ"א.
די קאשטקעס וואס קרית יואל האט גע'שחט'ן ווייסט מען דערווייל נישט קלאר וואס דאס איז געווען. די לעב איז נישט צוריקגעקועמן קיין רעזולטאטן, אפשר ווייל ווייל די פארפרוירענע געזאצלצענע פראדוקטן פון פריזער האבן חרוב געמאכט די די.ען.עי. באווייזען אויף 100 פראצענט, אדער צוליב אן אנדערע סיבה.
דער מציאות איז אז די לעב רעזולטאטן זענען נאך נישטא. און דאס האט רבי משולם פאלאטשעק איבערגעבן בפרטי פרטיות פון די רבנים.
איז יעצט אז אפילו מ'וועט יא געוואויר ווערן אז ס'איז זיכער פעקין ווי די שוחטים האבן מעיד געווען, האט מען ווייטער גארנישט דערפון, ווייל די מסורה פון די היייליגע פעקין איז נישט מבורר, און בית השחיטה דקרית יואל וויל עס נישט מתיר זיין, ביז ווילאנג אנדערע רבנים וועלן עס מתיר זיין, ווי עס איז געווען דער פאל מיט די טוירקיס (אינדיקעס).
די אינדיקעס איז טאקע דא אאך וואס זענען זיך מחמיר עס נישט צו עסן ווייל עס האט נישט קיין מסורה, און וויבאלד די תשובה ספרים זענען פול דערמיט, און אסאך זענען עס מתיר, האט מען שוין א בר סמכא אויף וועמען סומך צו זיין.
די פעקין איז יעצט בערך אין אזא קאטאגעריע ווי די מוסקאווי, און קרית יואל בית השחיטה וויל מחמיר זיין.
עס איז שווער צו גלייבן אז אנדערע בית השחיטה וועלן נאכטאן, ווייל ווי באקאנט האבן אנדערע שחט' הייזער (בית השחיטות)קיינמאל נישט קיין פראבלעמען און קיינמאל נישט קיין שאלות. און די פעקין וואס די אנדערע שח'טן, האבן זיכער יא א מסורה פון כינע.
פרעגט נישט וויאזוי.
תוקן על ידי צומתהגידין ב- 28/01/2010 20:35:12
 |
|
|
