לוסטיג און לעבעדיג און ישיבת ''ייטב לב'' י''ם

  איזראלי טייערער, ברשותך, איך מיין ס'איז צו גוטע סחורה מ'זאל דאס קענען לאזן אויף נאך יום טוב...
 ומעשה שהיה כך היה:

ס'איז באקאנט פאר יעדן אז אין די לעצטע דריי יאהר האט אויסגעבראכן א שטארקן געפעכט צווישן דעם צדיק רח"צ ט"ב פון ירושלים מיט זיינע תלמידים אין די ישיבה, א געשלעג וואס האט פאראורזאכט פאר איהם און פאר די הנהגה דארט א גרויסע קענגשאפט עד היום הזה (טייל לייגן די שילד אויף זיינע עקסמעריסטן ארום אין שפיץ פון יוסל שווארץ)

נאך אלעס האט די געשלעג צוגעברענגט אז מ'מוז אפטיילן די עלטערע בחורים אין ישיבה גדולה פון די יונגערע, נאך עטליכע מאנאטן פון געפעכטן האט ר' חיים הערשעלע איינגעזעהען אז ער וועט די עלטערע בחורים נישט קענען ארויסזעהן פון די ישיבה וועלכע איז ביז דאן געווען קוואטירט העכער די ביהמ"ד פון אליעזר קעסטנבוים אין קרית ויואל משה, האט ער בלית ברירה באשלאסן צו אפדינגען א באזונדערן לאקאל פאר די יונגערע בחורים אין די מאה שערים גאס וויט אוועק פון די אלטע ישיבה מיט די עלטערע בחורים זיינע מחוצפים.

די יונגערע בחורים האבן זיך קעגן געשטעלט בכל תוקף צום נייעם לאקאל וואו זיי קענען אפזיצן נאר אין די וואכן ווייל אויף שבת ויום טוב געהערט דאס פאר די נטורי קרתא, ביז ר' חיים הערשעלע האט זיי אפגעדינגען נאך א באזונדערן לאקאל אין די בר אילן גאס אויף יעדן שבת, נאר זיי זאלן זיך נישט טרעפן מיט די עטלערע מחוצפים פון די אלטע ישיבה העכערן ביהמ"ד אין די סאטמארער קריה.

ווי באקאנט איז זינט דאן יעדן יו"ט (פסח און סוכות ווען ס'איז בין הזמנים אין ישיבה) געווען לעבבעדיג ווייל די יונגערע האבן נישט געהאט וואו צו דאווענען און זיי פלעגן זיך קומען צוזאמשטעלן מיט די עלטערע און דאס פלעגט אויפשפרינגען ר' חיים הערשעלע מיט זיינע חברה, ווייל די הנהלת הישיבה האט געפאדערט פון די יונגע בחורים זיי זאלן זיך צושטעלן צו די תפילות באטעס און כינוסים פון די קהילה בראשות ר' חיים הערשעלע, און די בחורים האבן גע'טענה'ט אז זיי האבן ליבערשט צו פארברענגען מיט די עלטערע בחורים אין ישיבה.

יעדער איינער געדענקט די געשלעגן וואס האבן אויסגעבראכן דארט פארגאנגענעם שבת יו"ט סוכות ווען ר' חיים הערשעלע האט נישט געלאזט פאר די בחורים בויען א סוכה און זיי האבן געפיהרט  די זמירות פון שלש-סעודות אליין אין ביהמ"ד און זיי האבן געשטערט די תורה זאגן פון רח"צ און ער האט געגעבן דעם וואונק און דער שלעגער י. וו. הנודע לשימצה איז ארויפגעלאפן מיט א אייזענעם שטאנג אנקלאפן די בחורים און ער איז אראפגעשליידערט געווארן מיט ביטערע קלעפ נאכן פארלירן צוויי פאדערשטע ציין...

המשך יבוא

אזוי איז יעדן יו"ט מועד לפורענות יעדער ווייסט אין ירושלים אז ס'הייבט זיך ווידער אן די געשלעג צווישן די בחורים מיט רח"צ'ן, איז ווי פארשטענדליך אויך יעצט חודש ניסן איז יעדער געשטאנען גריטט צו זעהן ווער ס'וועט געווינען ביי די יעצטיגע פסח'דיגע מערכה די בחורים אדער רח"צ מיט יוסל שווארץ.

ס'איזד וויכטיג צו אנמערקן אז איז די קהילה זעלבסט ערשט גרויסע חילוקי דיעות דערוועגן, ס'הערשט א קול מלחמה צווישן די עלטערן פון די בחורים וועלכע פארדאמען ברבים די מעשים פון יוסל שווארץ דער יד ימין פון רח"צ, זי דערציילן אז ס'איז רדיפה בחינם די בחורים וואלטן שוין לאנג צוריקגעדרייט ווען רח"צ נעמט ווען ארויס דעם יוסל שווארץ פון פיקטשער, זיי טענה'ן אז ער רעדט אפ שידוכים פאר די בחורים און ער באשמוץ זיי אין די גאס אז קיין אנדערע ישיבות זאלן זיי נישט וועלן ארייננעמען אלס פאר'ן זיך נישט בייגן צו די הנהגה פון רח"צ....

וואס האט זיך אפגעטהון למעשה דעם פסח ?
איך האלט דאס אינמיטן זיך נאכפרעגן און איך וועל דאס באלד אי"ה ארויפלייגן           האלט אייך געשפאנט...

אנהייב חודש ניסן האט רח"צ געהאלטן א שארפע דרשה פאר די יונגערע בחורים (פון די ישיבה אין מאה שערים גאס) אנטקעגן זיך צו חבר'ן אדער זיך דרייען מיט די עלטערע בחורים (פון די ישישבה אין קרית ויואל משה) די דרשה האט ביי די בחורים הן די יונגע און כל-שכן די עלטערע זייעהר נישט גוט אויסגעמאכט, מ'האט געזעהן אז דער עקסטרעמיסט יוסל שווארץ מדבר מתוך גרונו.

צווישן די ווערטער האט רח"צ געזאגט אז אויף צו מתקן זיין די פריעריגע געשלעגערייען צווישן די בחורים מיט די הנהלת הישיבה, איז ער מסדר א "ישיבת בין הזמנים" אין די ישיבה אין מאה שערים און יעדער בחור וואס וועט קומען אהין לערנען וועט באקומען אויף יעדן שעה 8 שקל (באלד 2 דאלער), דערמיט האט רח"צ געוואלט גענצליך אפשניידן די יונגע פון די עלטערע אויף אויף בין הזמנים און זיך איינשפארן בזיונות און עגמת נפש און... קלעפ

די עלטערע בחורים האבן זיך ווידער זייעהר גערעגט אויפן זיי אפזונדערן אויף די ימי בין הזמנים, האבן זיי (מיט די הילף פון עטליכע בעה"ב נכבדי הקהילה וואס האלטן מיט זיי) אויך געגרינדעט א "ישיבת בין הזמנים" אין די ישיבה אין קרית ויואל משה, נאר מיט איין חילוק אז ביי זיי האט מען באקומען אויף יעדן שעה 15 שקל (באלד 4 דאלער)

ס'איז איבעריג צו זאגן אז די יונגערע בחורים האבן זיך גמאכט שענעל דעם חשבון, ווי אויך איז די ישיבה פון רח"צ וויט אוועק און די ישיבה פון די עטלטערע בחורים איז אין די קריה, און איבער 40 בחורים האבן זיך איינגערשיבן און באטייליגט אין די ישיבה פון די עלטערע בחורים און אזויפיל ווי 13 בחורים האבן זיך באטייליגט ביי די ישיבה פון רח"צ

יעדער פארשטייט אליין די צארן און ענגסט וואס דאס האט אויפגעשפילט ביי רח"צ און זיינע געהילפן (ס'איז צום באטאנען אז דא האבן שוין מערערע פון הנהלת הישיבה זעלבסט אויך מיטגעהעאלטן מיט די עלטערע בחורים אונטערן טיש, זיי האבן געהאלטן אז דאס צו א ווייטאגליכע שריט אנטקעגן די בחורים, אבער זיי האבן מורא געהאט צו זאגן א מיינונג קעגן דעם יוסל שווארץ וואס על פיו ישק כל דבר)

די תגובה פון רח"צ (ער איז שוין געווען אין אמעריקא) דורך זיינע שלוחים יוסל שווארץ מיט יצחק ווייס איז געוועןו צו פארשליסן די ישיבה מיט א אייזערנעם טויער און ארויפלייגן וידיאו-קעמערעס צו זעהן ווער ס'וויל דאס אויפברעכן, די טויער און קעמערעס איז געמאכט געווארן דורך א פרייע קאמפני וועלכע שיקן ארויס גארדס גלייך ווען די טויער ווערט גערירט.

די בחורים זענען אנגעקומען יו"ט פסח און געטראפן א פארשלאסענעם ישיבה זי האבן שטארק געצערנט און געלאזט רופן די בני הקהילה זיי זאלן זעהן וואספארא שמוציגע מערכה מ'באגייט קעגן זיי, אסאך מענטשן האבן שטארק געקאכט דערויף ספעציעל די אחים שטטיינבערג האבן שארף רעאגירט אויף דעם און ס'האט געקאכט א קעסל גאנץ יו"ט.

די גבאים פון ביהמ"ד הגדול האבן געעפנט פאר די בחורים די אונטערשטע ביהמ"ד זיי זאלן דארט אנפיהרן זייערע תפילות דעם גאנצן יו"ט, ס'איז געווען מערקוועדיג אז מערערע אנשים מכובדים (אויסער עלטערן און זיידעס) זענען געקומען מיטדאווענען מיט די בחורים זיי צו מחזק זיין קעגן די רדיפות.

המשך יבוא 

 ויהי און ס'איז אנגעקומען די ערשטע טאג חוה"מ (צווייטע טאג יו"ט אין אמעריקא) האבן די בחורים זיך צונויפגענומען און בדרך לא דרך אראפגעריסן די ווידיאו-קעמערעס און אראפגעווארפן דעם אייזערנעם טויער, גלייך זענען געקומען צולויפן די גארד'ס פון די קאמפני רויסשע גויים רוצחים און אנגעהויבן צו באקלאפן די בחורים, די בחורים האבן גענומען די פארבליבענע עסן פון קאך פון די ישיבה און באווארפן די גארד'ס, זיי האבן גלייך געקאלט און אריבער גערופן דעם שלעגער י. וו. און משה יחיאל ב"ר מאיר ר. , ערשט דאן האבן די בחורים געזעהן אפן ווער ס'שטייט אונטערדעם און זיי האבן באווארפן די צוויי שלעגער מיט בננות און עפל כמנהג בחורים און די צוויי האבן אפגעטראגן כל עוד נשמתם בם.

אויפגערנאכט האט די קאמפני געשיקט נאכאמאל ארויפלייגן דעם אייזערנעם טויער אבער עטליכע חברי הקהילה האבן זיך געוואנדן צו הגאון רבי משה זאב זארגער שליט"א אז מ'איז מבזה די מועד און ער האט באפוילן אפצושטעלן דאס בויען ביז נאך חוה"מ פסח

אצינד זענען די בחורים ממשיך זייער ישיבת בין הזמנים ביתר שאת ויתר עוז בין כותלי הישיבה און יעדן טאג קומען חשוב'ע רבנים אויפטרעטן מיט שיעורים כליים, נעכטן האט אויפגעטרויטן הרה"ג ר' חיים ווייס שליט"א מיט א שיינע שיעור אין עניני החג אפילו נאך די טעראר וואס ער איז דורך נישט אריינצוטרעטן אין די ישיבה.

אצינד דרייט זיך יצחק ו. דער ווארט זאגער פון"פאר די הנהגה אין ירושלים און ער סטראשעט אז רח"צ קומט נישט צוריק פון אמעריקא ביז ווען די בחורים וואס האבן אויפגעבראכן דעם טויער וועלן זיך נישט קומען מודה זיין, די בחורים ענטפערן אז רח"צ קען צוריק קומען בכבוד גדול אבער אן זיין אונטער-שלאנג יוסל שווארץ מיט שלעגער'ס ארום.

ס'ווארט א הייסן זומער אין ירושלים, פאלגט נאך די ווייטערידגע נייעס    

http://www.bhol.co.il/forum/topic.asp?topic_id=2774607&forum_id=771

עני אפדעיט?