א שרעקליכע איבעקערנישט און כאאס הערשט די לעצטע פאר וואכן אין קווינס ישיבה.
די מערכה ציט זיך שוין א לענגערע צייט, נאכדעם וואס ר' זלמן לייב מיט נפתלי בלומנעפעלד, ברעכן זיך קאפ וואס מען טוט צו מאכן די קווינס בחורים פאר חסידים פון רז"ל, זיי האבן פרובירט אויף אלע מיני אופנים, בלומענפעלד האט געהאלטן העץ דרשות מיט גוטן און בייזן אז מען מיז קומען צו די טישן, מען האט געהאנגען אלע מיני צעטלען אין קווינס, אבער די בחורים האבן זיך אויסגעלאכט, און אפשר 20 בחורים קומען צו די טישן.
כסלו איז געווען א גרויסע מיטונג ביי רז"ל אין שטוב, ווי עס איז געווען בלומענפעלד, שאול פערלשטיין און נאך, ווי זיי האבן באשלאסען גענוג איז גענוג, און די הויפט פראבלעם זענען די "רבי זי"ע בחורים" איבערהויפט די בני יואל, וואס זיי מאכן די ווינט אפצולאכן פון רז"ל, און א בחור זאל זיך שעמען צו זיין א חסיד פון אים, בקיצור די ווינט פון די משוגעים "רבי זכותו יגן עלינו", דארף מען אויסרייסען מיטן שורש.
צווישען וואס זיי האבן באשלאסען, אז מען זאל נישט אויפנעמען קיין רבי זי"ע מגידי שיעורים, נאר מער פרעמדע, מען זאל פטור ווערן פון די גאר געציילטע רבי זי"ע מגידי שיעורים וואס קווינס האט ובראשם ר' לייבוש טייטלבוים, מען זאל לערנען אפען ליטווישען דרך, 2-3 בלאט א זמן, מען זאל עפענען א ישיבה אין קרית יואל, אזוי ארום פטור ווערן פון די בני יואל, מען זאל זעהן פטור צו ווערן פון די רבי זי"ע בחורים.
אזוי האבן זיי אנגעהויבען די ארבעט מיטן פולען אימפעט, זיי האבן אנגעהויבען גאר שטארק צו לערנען ליטוויש, 3 בני יואל בחורים האט מען ארויסגעווארפען, ר' לייבוש טייטלבוים האט מען אנגעהויבען צו פאניקן אויף א שרעקליכער אופן.
אבער עס האט געפלאצט, ר' לייבוש טייטלבוים ווען ער האט געהאט די מייק אין די האנט אין די ישיבה פאר צוויי וואכן צוריק, האט אויסגעגאסען זיין ווייטאג, און געהאלטן גאר א שארפע דרשה פאר די בחורים, ער האט שארף אראפ געריסען די ישיבה פארן לערנען אפען ליטווישען דרך, און ער האט געזאגט אז עס איז נישט דא קיין גערעסער שקר ווי דאס אז מען רופט די קווינס ישיבה אפען נאמען פונעם רבין זי"ע, ווען די ישיבה רייסט אויס בשאט ובנפש זיין רצון און זיינע תקנות, און מען זעהט דאס אויף די בחורים וואס וואקסען אויס די גרעסטע מחוצפים און עזות פנימער, ווייל מען רייסט אויס דעם רבין זי"ע פון די ישיבה.
מער האט נישט געפעלט די הנהלה, האט אים געהייסען דאנקן, אבער ער האט געזאגט אז ער גייט נישט, ווייל ער ווייסט אז רוב בחורים זענען אויף זיין זייט, די בחורים האבן אנגעהויבען ווילדעווען און פארפירען, דערווייל האלט ער נישט ביים אפטרעטען, און די בחורים ווארפן פאשקאווילען קעגן בלומענפעלד, און זיי הענגען עס ארום.
פאריגע וואך איז דאס פייער גרעסער געווארן ווען הרה"ג ר' ירוחם אלשין שליט"א איז געקומען רעדן אין קווינס, צוליב די קאליטש פראגראם געזעץ, ער האט אנגעהויבען זיין דרשה מיט א מימרא פון הרב שך ווי אזוי בחורים דרך הלימוד דארף זיין, טייל בחורים האבן געקריצט מיט די פיס אלס מחאה, אבער מער האט נישט געפעלט, די בחורים שרייען אז בלומעפעלד האט אים געהייסען, פאשקאווילען האבן אנגעהויבען צו פילען, אין אלע זייטן זענען געשריבן געווארן אלשין פוי, בלומענפעלד פוי, און די בחורים האבן אננגהויבען מאכן בלומענפעלד פאר המן.
בלומעפעלד האט געשטעלט א צעטיל דאנערשטאג אז די הנהלה איז חוקר ודורש ווער עס האט געמאכט די פאשקאווילען, און מען וועט זיי ארויסווארפן פון ישיבה און מען וועט זיי מפרסם זיין איבעראל, און די אלע וואס ווייסען ווער עס האט עס געמאכט דארפן קומען זאגן פאר די הנהלה, אז נישט וועט מען זיי אויך ווארפן, די בחורים האבן אלס נקמה געריפען פייערלעשערס צו די ישיבה, און צו זיין הויז.
איצט איז פריילעך און עס הייסט אז היינט גייט מען טייטלבוים מיט אפאר בחורים פארשיקען.
א קאפיע פון איינע פון די פאשקאוויל פאריגע וואך
