שאק: שרעקליכע שמוץ אין "די צייטונג"

מיט שאק האב איך היינט געזעהן אין גראסערי דעם "צייטונג" פון די פארגאנגענע וואך, ווען אויפן ערשטן בלאט פיגורירט א העדליין נייעס איבער אויפגעטראכטע חילולי קברים אין אר"י, וואס דערווייל האט קיין איין ערנסטער רב, אפגערעדט קיין איין רב פון די ביד"צ הדעדה"ח נישט געוואלט זיך אידענטיפיצירן מיט די ליצנות'דיגע מחאות, אבער דא אין "צייטונג" ווערט דאס באריכטעט באגלייט מיט א וויסטע העצע פון אתרא קדישא קעגן די ערליכע אידן אינעם ועד למניעת חילול קברי ישראל, אזש האלטנדיג דעם צייטונג האט זיך מיר געדוכט אז איך ליין יעצט דעם חומת הדת!

דער עיקר נקודה דא איז נישט בלויז אז ער שרייבט שקרים פון אתרא קדישא איבער א"ג חילולי קברים, ווייל דאס איז נישט קיין נייעס, און דאס קען אריינפאלן אין בלאט אויך, און אז איר ווילט קענט איר ארויסנעמען די "צייטונג" פון די לעצטע יאר צייט, וועט איר זעהן ווי די נייעס איבער יפו שטימט נישט איין וואך מיטן צווייטן קיין כי הוא זה, ווארום די נייעסן זענען צושמירט געווארן יעדע וואך לויט וויאזוי עס האט בעסער געשפילט פאר א"ק, גייענדיג מיט זייער כלל אז די מערכות זענען בלויז א מיטל צו גרויסן דעם הייליגן נאמען פון אתרא, ווי איידער אויפצוטוהן, און אין צייטונג איז עס יעדע וואך אריין גאנצערהייט לויט ווי די שקרנים האבן עס געשריבן.

די נקודה דא איז אבער עפעס אנדערש.

ווי איך האב שוין געשריבן, באשטייט דער נייער ועד פון א אלטער ועד וועלכער איז שוין עוסק דערין 20 יאר, און האבן זיך יעצט רעארגעניזירט נאך וואס זיי זענען געווען אפגעשטעלט זינט זייער מנהל איז מוטל על ערש דוי.

ביז היינט, האט א"ק פרובירט אראפצומאלן א בילד ווי די נייע ועד איז עפעס א יאקטער (וועמען זיי האבן אויסגענוצט ביזן לעצטן טראפן בלוט ביז ווען ער האט געכאפט דעם שקר) וואס קיינער שטיצט אים נישט, און עס איז אפילו נישטא פארוואס צו קוקן אויף זיין זייט, און, שפעטער איז די טאן געגאנגען אפילו שארפער, ווען הרב יאקטער אי מיטאמאל געווארן א חופר קברים, און אזוי ארום האט מען נישט געמוזט ענטפערן אויף זיינע ברענענדיגע פראגן, ווען אלעס איז אוועקגעמאכט געווארן מיט א פשטות אז ער איז א צודרייטער, אדער גאר צומאל א רשע (עפ"ל), און ער האט שוין אפילו זוכה געווען צו פאשקעווילן אין ירושלים און אין ב"ב, און צו א פראטעסט ביי זיין שטוב.

אצינד אבער, האבן זיך די טערארסיטן דערזעהן, אז דאס גייט מער נישט. זיי האבן זיך דערזעהן אז די פערמיטן אויף צו זיין משגיחים וואס זיי האבן פארלוירן צוליב זייער אוממענטשליכע ברוטאליטעט קעגן יחידים, זענען געגאנגען פאר דעם נייעם ועד, און שלום פריד וועלכע האט אלעמאל געארבעט מיט א"ק האט שוין אויך באשלאסן צו ארבעטן מיטן נייעם ועד, און דער סך הכל איז אז כהיום שטייט אתרא קדישא "אוט אוו דע פיקטשער", עס איז אויפגעשטאנען א ועד וואס ווערט געפירט דורך גדולי הרבנים, און זיי זענען שוין מפקח אויף אלע ניייע פראיעקטן, און אתרא קדישא איז געבליבן מיט א ארגאניזאציע וואס קען זיך שון בלויז רופן "אגודת אתרא קדישא לעריכת הפגנות", אבער אויסער דעם זענען זיי ממש א פארגאנגענהייט, און דאס טויג דאך נישט, סיי 'געלט' איז נישטא מער, און סיי 'מאכט' איז נישטא מער, וואס טוט מען דא? ווייטער שרייען 'יאקטער שמאקטער'? יעדער וועט דאך זעהן מיט די צייט אז די ועד איז אונטער א פעסטע קאנטראל פון ערנסטע מענטשן מיט די הדרכה פון ערנסטע רבנים?

האט מען אנגעהויבן אנערקענען אינעם ווייטאגליכן מציאות, מען האט אנגעהויבן ארויפצולייגן אויפן טיש נאך נעמען, פון די וועלכע פיגורירן טאקע אינעם ועד, און מען שרייבט אז זיי זענען "משתף פעולה" מיט די ארכילאגן, זיי זענען פרומע שקצים, און מיט גרויס חכמה גיבן זיי אזא מאך א טשולנט קוגל מיט נעמען פון חברי הכנסת פון ש"ס, צו צומישן די מוחות ווי כאילו די מענטשן האבן סיי וואסערע שייכות מיט ש"ס אדער מיט די ציונים בכלל, און מען גיט נאך א ווארף צי אז דער שלום פריד איז א שייגעץ, א פארעטער און א חופר קברים, אפגעזעהן צו א טאג צוריק האט א"ק געארבעט מיט אים האנט ביי האנט, אבער אצינד אז ער ארבעט מיטן נייעם ועד איז ער אוטאמאטיש א קברים גרעבער, און אזוי ארום וועט דער עולם ווייטער פראטעסטירן.

דהיינו, מען שיקט דעם עולם פראטעסטירן, לדוגמה, אין בית שמש, צו א פראיעקט וואס האט א פולשטענדיגע השגחה פון די נייע ועד, און עס געפינט זיך נישט קיין איין קבר דארט, ס'איז נישט אויפגעשווימען קיין זכר פון קיין מערה, אבער פארן עולם זאגט מען אזעלכע האלבע וועטער, ס'איז דא קברים און מקען נישט וויסן וואס דארט טוט זיך און די פרומע רשעים העלפן גראבן קברים, בקיצור, עפעס אזא סארט טשולנט: מ'וויל גראבן און מ'קען גראבן און מ'גראבט טאקע ממש און די פרומע גראבן אויך, עפעס אזוי, און א געוויסער פראצענט תמימות'דיגער עולם פון בית שמש לויפט פראטעסטירן.

און וואס פארדינען זיי? זיי האפן, אז א קבלן וועלכע וויל בויען א פראיעקט, און ער דארף צוקומען צו די ארכילאגן זיי זאלן איבערקוקן דאס פלאץ, זאל ער וויסן אז אויב וויל ער נישט האבן קיין פראטעסטן, איז נישט גענוג אז ער גראבט נישט קיין קברים, און ס'איז אויך נישט גענוג אז זיי וועלן נעמען א השגחה פונעם ועד בהוראות גדולי ישראל, נאר זיי מוזן אויך נעמען השגחה פאר גוט באצאלט פון א"ק בהוראות רב שמידל. (איר פארשטייט גוט? איר האט ארויס וואס עס מיינט היינט א פראטעסט קעגן 'חילול קברים'?).

דאס איז זייער מהלך יעצט. ביזדערווייל גייט עס נישט, ווייל דער ועד ווערט גערופן יעדן טאג צו נאך פלעצער פאר השגחה, און חיים טויסיג פון א"ק מוז נאכפארן די קאר'ס פון די משגיחים געוואויר צו ווערן וואו מען ארבייט און אזוי ארום לויפט ער דערנאך צו עפעס א כולל זיך איינבעטן זיי זאלן רחמנות האבן אויף די ביינער פון 'זייערע אייגענע עלטערן'.. וואס ווערן אויסגעגראבן, און ער זאגט עדות אז ער זעהט במו עיניו די ביינער, און ער זעהט ווי זיי ווערן רח"ל צוריבן (איך קען עס אפשר אויך זעהן?..), אבער למעשה, קיין איין רב וויל מער נישט אונטערשרייבן אויף קיין קול קורא איבער חילול קברים, און אוודאי נישט זיך משתתף זיין ביי די הפגנות, וויבאלד זיי ווייסן אלע דעם אמת אז עס איז נישט פאראן לע"ע קיין חילולי קברים ב"ה, און אז די אלע פראטעסטן זענען בלויז קעגן די "מחוצפים" וועלכע וואגן זיך צו נעמען אזעלכע משגיחים וועלכע זענען שוין היינט נישט אונטערגעווארפן אונטער הרב שמידל און די טעראר קאמפאני, נאר אונטער די ועד בהוראות הרבנים, און דעריבער איז דער יעצטיגער מצב, אז אתרא קדישא ווייסט נאך דערווייל נישט וואס זיי וועלן טוהן מארגן.


-----------


נחזור לענינינו, א"ק האט אנגעהויבן פרובירן צו באשמוצן די ערליכע עסקנים ווי זייער נוסח איז (אזוי אויך האבן שון רוב פון זיי געהאט פראטעסטן ביי זייער שטוב!!), און צו אונזער ווינדער, האבן זיי געטראפן א צייטונג וואו דאס צו טאן! און דאס איז אין "די צייטונג".

דארט האבן זיי יעצט געשריבן נעמען פון די נייע ועד, מיט די אלע פאלשע לגיונות, מיט די מישמאש פון ש"ס, ציונים, משתפי פעולה עם רשות העתיקות, וגו' די גאנצע נוסח, און, די אידן וועלכע ווערן אויסגערעכט אין "צייטונג" מיט זייערע נעמען ווערן באשולדיגט דורכן "צייטונג" אין גראבן קברים.


וויל איך פרעגן פון ר' אברהם'ען:

צו האלט איר טאקע אז ר' נסים קרליץ ובית דינו גראבן קברים? צו האלט איר טאקע אז דער ראב"ד העדה החרדית גראבט קברים? צו האלט איר טאקע אז היימישע אידן וועלכע האבן ביז 10 יאר צוריק געארבעט פאר אתרא קדישא גראבן היינט צוטאג קברים? צו האלט איר טאקע אז אלע גדולי ישראל ובראשם דער ביד"צ עדה החרדית שווייגט שטיל ווען מען גראבט אויס קברים, און מיר מוזן צוקומען צו ליינען לגיונות אין "צייטונג" געווארויר צו ווערן אז מיר דארפן ווייטאגן?

אויב האלט איר אזוי, דאן ברויכט איר בייטן דעם נאמען פון אייער אויסגאבע, פון "די צייטונג" צו "חומת הדת תניינא".

אויב האלט איר נישט אזוי, דאן וויאזוי קענט איר לאזן אין אייער צייטונג - וואס דארף צו זיין ריין פון פאליטיק און לשה"ר - מען זאל דארט באשמוצן יחידים מיט אויסגעזויגענע שקרים וואס איר ווייסט אליינס אז דאס האט ר' מנשה אדער א צווייטער שקרן אויפגעטראכט?

עס איז נישט אמת וואס דו זאגסט, ווייל די וועד משמרת חומתיך איז שוין געווען עטליכע מאל פארמישט און א הייסע קאמף מיט אתרא קדישא, טאלידא שפאניע איז געווען די הויך פונקט דערפון, ווען די וועד האט עפענטליך געשלאגן מיט אתרא קדישא און געווינענן , און אתרא קדישט האט ביטער באשמיצט דעמלאטס די וועד, אזוי אויך האבן זיי זיך שוין נאך אפאר מאל עפענטליך גוט אויסגעשלאגען,

עס איז קלאר יא דא א סיבה ארויסצוקימען עפענטליך מיט די שטיצע פאר די וואס העלפן ראטעווען קברים,
און די וועד טוט עס סיי ווי, דערפאר איז א פלא פארוואס זיי האבן אנגענימען א מויל מיט וואסער, בנוגע די אגודה למנוע חילול קברים

גרעכט, מיין נישט אז מיטן באשמיצן יואל וועבער מיט תוא"י, וועסטו קענען אראפ נעמען די שאנדע פון תולדות אהרן'ס גיין אין קארט

די וועלכע גיהערן צו אונז ווייסן אז "אדמת קודש" מיט "ועד משמרת חומותיך" זענען צוויי באזונדערע זאכן לגמרי, די וועלכע גיהערן נישט דא, נאר דרייען זיך אין אונזער מקוה צו נאשן אינפארמאציע דא-דארט, די ווייסן דאס טאקע נישט..

יא, 'אדמת קודש' איז עוסק אין הצלת קברים, און זענען דערפאר אין א מלחמה פנים אל פנים מיט די מחריבים 'אתרא קדישא', אבער נישט אין ארץ ישראל, נאר אין איירופה, וואו אתרא קדישא פלעגט אויך אמאל האבן די מאנאפאל, ביז זייער כח השקר איז דארט ב"ה צונישט געווארן עד לעפר.

יא יא, גיב עס אפאר טאג... און דער צופארענער איד נעבעך (א 

אז מען רעדט פון זייערע 'קראנטע' באשולדיגונגען אז יאקטער באקומט [ווי פארשטייט זיך..] גרויס געלט פון אלקטרה (אדער שוין פון דריי פלעצער? וואס ווייסן מיר), איז כדאי צוצולייגן 'ווער נאך' עס באקומט אלס געלט.

דער ראב"ד שליט"א און הג"ר נסים קרליץ באקומען אויך!...

פאלגנד איז א פאשקעוויל וואס די שמוציגע פארשוינען פון 'אתרא קדישא' האבן פארשפרייט אין ירושלים, נאך וואס זיי האבן פארלוירן די פרייע זכות כניסה וואס זיי האבן געהאט אלע יארן ביי ר' נסים:




נעכטן נאכט האבן די [פארלוירענע] טעראריסטן געווארפן ענליכע פאשקעווילן קעגן דעם ראב"ד שליט"א, איך האב נאכנישט קיין קאַפי דערפון.

תוקן על ידי FiveBoro ב- 22/06/2011 00:48:10