היינט האט דוד עקשטיין געזאגט אז צוליב דעם גרויסן פרעשור וואס די ראשי האהרונים האבן אויף אים געלייגט נאך די שטורעמישע פראטעסטן קעגן ר' אהרן טייטלבוים אין וויליאמסבורג און אין קרית יואל, וועט ער הערשט פארזעצן מיט די גראבונגען ביי די רעבעצינ'ס ביהמ"ד ווען ר' אהרן וועט וויילן אין ניו העמפשער אינמיטן זוממער אזוי זאל מען נישט קענען מאכן קיין פראטעסטן.
 
ווי באקאנט, נאך יענעם זונטאג פארטאגס ווען דוד עקשטיין האט אראפגעשיקט טרעקטאר'ס גראבן ביי דעם ביהמ"ד, זענען פארגעקומען פראטעסטן ווי אימער דער ראש הממשלה ר' אהרן טייטלבוים האט זיך באוויזן, אנגעהויבן זונטאג נאכט אין קרית יואל, וואו ער איז אנטלאפן קיין מאנסי. אין מאנסי האט אים אפגעווארט א פראטעסט. דינסטאג נאכט ווען ער איז אריינגעקומען קיין וויליאמסבורג האבן זיך טויזענטער אידן פארזאמעלט פארנט פון זיין וואוין ארט אויף היוז סט. און מוחה געווען פאר שעות ארוכות קעגן די רשעות וואס ר' אהרן פירט אן אין קרית יואל, א.א.וו.
 
די שווענץ וועלכע זיצן אין די קהילה ביי ר' אהרן, האבן נישט אויסגעהאלטן אז דוד עקשטיין לאזט צו אז פאר זיין פערזענליכן נצחון זאל ר' אהרן ווערן פארשעמט אין די גאנצע וועלט, האבן זיי אנגעהויבן געפערליך פארפירן אז דוד זאל אפשטעלן די ארבעט ביי די רעבעצין. ביי א אסיפה וואס איז פארגעקומען מאנטאג אינדערפרי פרשת קרח, האט אליעזר ווייס געהאקט אויפן טיש אז מ'טאר דאס נישט צולאזן, ר' אהרן ווערט בזוי ומבוזה פאר צינישע תאוות הניצחון פון דוד עקשטיין. דעריבער האט דוד באשלאסן אז מ'גייט באנייען די גראבונגען הערשט אינמיטן זוממער ווען ר' אהרן וועט זיין אין ניו העמפשער, אזוי ארום וועט נישט האבן קעגן וועם צו פראטעסטירן.
 
ונזכה ונחי' ונראה!