הערליכע שבת אין ק"י, ארוינישע פראוואקאציע דורכגעפאלן

מחמת קוצר הזמן וועל איך פון דא און ווייטער שרייבן בקיצור עטליכע טריקענע פאקטן
נאך די דערהויבענע טיש און נאכ'ן טיילן פירות און זינגען אז ביום השביעי איז דער רבי שליט"א אהיימבאגלייט געווארן דורך דעם גאנצן ציבור, די גאס איז געווען שווארץ פון מענטשן וואס האבן אפגעגעבן די כבוד למלכות - מאן מלכי רבנן און אהיימבאגלייט רבינו שליט"א צו זיין אכסניא בבית הרה"ח ר' מענדל שווימער שליט"א ראה"ק דקהילתינו בקרית יואל,

די ארוינים האבן פרובירט צו מאכן פראוואקאציעס אבער לחרפתם וכדרכם זענען זיי געבליבן מיט א הוילע דורכפאל, צווישן די דאווענען און די טיש איז די גאס אויף העיס ביי גארפיעלד געווארן באווארפן מיט טויזענטער (בלי גוזמא) פאשקווילן, מען רעדט דא פון די אלטע אויסגעדראשענע פאשקווילן פון סידור קידושין מיט א פיקטשער פון די אינגעלייט אז מען זאל זיי אנקאלן און רודפ'ן וכו' וכו' ווי עס איז שוין באקאנט

זייער חשבון איז געווען אז ווען רבינו שליט"א וועט גיין צום טיש פון די אכסניא בבית ר' מענדל שווימער שליט" אויף העיס קט. וועט דער רבי דורכוואקן די אלע פאשקווילן און דעמאלס... און דעמאלס וואס? איך ווייס אויך נישט... דעמאלס וועט זיך דער רבי אסאך צוקראצן....

למעשה זענען זיי נישט געווען גיט אינפארמירט... ווייל נאכ'ן דאווענען איז דער רבי געגאנגען צו די הויז פון הרה"ח ר' שלמה מיכל ראזנער שליט"א מראשי הקהילה וואס געפינט זיך נאנט צום בית מדרש און פון דארט איז דער רבי געקומען צום טיש אזוי ארום אז דער רבי האט בכלל נישט געזעהן און דורכגעוואקט די בעבישע פאשקווילן

למעשה האבן אונזער עולם אויפגעהויבן די פאשקווילן גייענדיג צום טיש אזוי אז ווען דער רבי איז אהיימגעגאנען פון בית מדרש נאכ'ן טיש איז שוין נישט געבליבן אויף די ערד פארנט פון כולל אוהל שיע נישט מער ווי ארום צוואנציג דרייסיג פאשקווילן, וואס אויפ'ן וועג ווען דער רבי איז געווארן באגלייט דורך דעם ריזיגן ציבור נאכ'ן טיש האט מען מיט די פיס עס געגעבן א ריק אין די זייט און בליץ שנעל איז אלעס געווען געריקט אויף די זייט פון די גאס נישט דארט ווי דער רבי גייט דורך

די ארוינישע בעיבי'ס זענען מיט א פחד געשטאנען ביי די טיר פון די שיע כולל און נאך דעם וואס דער רבי האט שוין געהאט דורכגעוואקט האבן זיי געגעבן א שיס אויס נאך א בעג מיט די פאשקווילן, אונזערע בחורים האבן זיך געגעבן א לאז ארויף אויף די סטעפס פון די כולל און אנגעהאלטן די טיר פון די כולל אז זיי זאלן נישט קענען ארויסקומען און ווארפן

עד כאן המעשה

איך האב שוין דא געשריבן בקיצור און אויב איך וועל האבן צייט וועל איך ווייטער שרייבן איבער די מוצאי שבת'דיגע פאשקווילן געווארפעכטס, ווען אונזער עולם האט געשפאנט אויפ'ן וועג צו די אכסניא פונעם רבי'ן און בשעת מען האט געזינגען כי רוצה השם האט פלוצלינג אנגעפאנגען צו פליען פעיפערס פון די ווייט האוז שוהל פארקינג לאט, דער גאנצער ציבור האט זיך געלאזט מיט א פרייד זינגען די ניגון וכל קרני רשעים אגדע....
 
ארוינימלעך אז דאס איז ענק מחזק דאן פארגינען מיר עס ענק בחפץ לב