וויליאמסבורג - הצלה און פייער דעפארטמענט זענען די נאכט, ארום 4:30 פארטאגס, ארויסגערופן געווארן צו א פייער אינעם סאטמארן ביהמ"ד אויף 109 סאוט אכט סטריט, דורך צוויי אינגעלייט וואס האבן געלערענט אין ביהמ"ד, אז זיי פילן א שטארקן רויעך
הצלה און שומרים האבן עוועקיואירט די משפחות וואס וואוינען העכערן שוהל, מען האט געדארפט באהאנדלען אפאר נפשות פארן אריינאטעמען רויעך, ב"ה מען האט קיינעם נישט געדארפט אריינפירן אין שפיטאל
געטרייע שומרים וואלונטירן האבן געראטעוועט די ספרי תורה צו א דערנעבענדיג הויז, די 2-אלארם פייער האט אנגעמאכט גרויסע שאדנס פארן ביהמ"ד און פאר די דערנעבענדיגע נייע ביהמ"ד וואס האלט אינמיטן געבויעט ווערן
די פייער דעפארטמענט זאגט אז די פייער האט זיך אנגעפאנגען פון א עלעקטריק פראבלעם, מן הסתם פון די דרייערס אין בעיסמענט, די נייע ביהמ"ד איז נישט שטארק געשעדיגט געווארן ב"ה נאך וואס די ספרינקלער סיסטעם האט זיך אנגעצינדן אין צייט, עס האט גענומען איבער א שעה צו פארלעשן דאס פייער, די פייער דעפארטמענט האט געדארפט אריינרופן הילף פון דערנעבענדיגע געגענטער
(קרעדיט אידישע וועלט)
|
|
