לאאנצוט, דא עקא אז טיילמאל האלטסטו אליינס אז עס איז גאר א מצוה, א שטייגער ווי די הייליגע מערכה קעגן סידור קידושין, אדער קעגן די מורדים וואס זענען זיך מתחצף צו א בפירושע תשובה אין דברי יואל אז עס מעג נאר זיין איין מוסד אין פעטראוואסעלא, און צומאל איז דא וואס דער רב פון די קהילה אליינס שטעלט זיך אויף ברבים מוטיגן די בחורים'לעך צו גיין שלאגן און טעראריזירן די עזות פנימער מיט א "צווייטע שפראך",

דערפאר איז גוט אנצואווארענען די בחורלעך און קינדערלעך אז פונקט ווי מען קען נישט היינט מקיים זיין די מצוהפון מחיית עמלק כראוי, צוליב מוראה של מלכות, אזוי אויך די גרויסע מצוות פון רודפן די שקצים און עזי פנים קען מען אויך נישט מקיים זיין נאר אויב מען איז גרייט צו ליידן די קאנסעקווענצן.

---------------

אז מען רעדט שוין פון דעם ענין, איז אינטערעסאנט דא אראפ צו ברענגען, עס איז געווען א מלמד אין וויליאמסבורג ר' ש. ג. ע"ה, ער איז געווען באקאנט פארן עולם פון קעמפ, לעצטנס אוועק אין טיפן עלטער פון אריבער הונדערט יאר דוכט זיך, בקיצור ער איז געווען א סאטמארער תלמיד צי חסיד פונדערהיים, און בעת די גרויסע מחלוקה אין קראלי איז ער געווען גאר אקטיוו, ווי אסאך אנדערע בחורים,

שפעטער, נאכן קריג ווען עס איז געווען די מחלוקה מיט קלויזענבורג, איז ער געווען גאר שטיל און צוריק געהאלטן, און מאנכע האבן אים געפרעגט צי גאר מזרז געווען ער זאל נעמען שריט, האט ער זיי געענטפערט, נאומאר! איך בין געווען אקטיוו ביי די קראלע מחלוקה, און היינט ווען איך קום אריין צום רבי'נס טיש זע איך ר' הערשעלע ספינקער זיצן אויבנאן, איך גיי נישט זיך פארשווארצן יעצט נאכאמאל און אפאר יאר ארום וועט מען ווייטער שלום מאכן, און איך וועל בלייבל אויסגעשפילט פון ביידע זייטן. 

רבותי דאס איז א באלערנדער מוסר השכל פון איינעם וואס האט עס אליינס געשפירט, און א וועג שפירן דאס יעצט אלע מיטל יעריגע אידן וואס האבן זיך בשעתם געקאכט מיטן גרעסטן אייפער קעגן בעלזא, נישט אומזיסט שלינגען זיי עס שווער אראפ,

עס איז נישט קיין צופאל אז די זעלבע מענטשן וואס האבן אויפגעהאנגען דעם טעדי בער אויפן בריק פאר דרייסיג יאר צוריק, האבן ארויסגעליעקט דעם בריוו פון די דיינים צום איד, עס איז אלעס פון דעם זעלבן שורש.

זייט נישט קיין צועקים על שעבר!