דער קשר פון ביד"ץ "העדה החרדית" מיט "סאטמאר"

ווער ס'האט ארומשפאצירט אינעם ארונישעם פורום כל העולם כולו, זעט ווי ווייט זיי זענען פארגיפטעט מיט זייערע גייסטישע "אני אמלוך" פירער, עד כדי כך אז ווער ס'גייט מיט זיי נישט אין שפאן איז טמא טמא יקראו לו (עפ"ל).

איך וועל מיר נישט דא אריינלאזן אין זייערע אויפגעטראכטע שקרים וכזבים, נאר איין ווארט וועל איך דא יא ברענגען וואס כ'האב געהערט פון א גוטן איד, האט ער געזאגט אזוי: די כת האהרונים זענען באוויסט אלס אזאנע וואס האבן אן אייגן אויסגעטראטענעם וועג, מ'האט נישט קיין שייכות צו די פריערדיגע, נו, ווען ס'גייט נאר אזוי, זעט דאך יעדער איינער וואס זיי זענען, אבער די פראבלעם איז אז ווען ס'קומט זיי יא עס גוט צו ניצן פאר א שטעקן די פריערדיגע, דעמאלטס קוקט עס אויס ווי זיי זענען אדוק ומקושר צו אבות אבותינו ורבותינו הק', ע"כ ודפח"ח.

דאס איז א קלארע אפשאצונג אויף די מערכה קעגן דער גרויסע בי דינא רבא העדה החרדית בארה"ק ובראשם מרן גאב"ד ירושלים שליט"א, יומם ולילה זענען זיי פארנומען משנה צו זיין און אויסרייסן מנהגי רבותינו הק' זי"ע, אויפטרעפן חידושים און ווייזן פאר דער וועלט אז איך בין אויך עפעס א רבי וואס קען מאכן און טוהן פאר אידישקייט (הלוואי), און פלוצלונג ווען ס'קומט א מערכה קעגן ביד"ץ העדה החרדית קומט מען און מ'פראבירט מסביר צו זיין אז אונז האבן מיר זיך פון וועם צו לערנען די שקצות, פון אונזער גרויסע פעטער לבן, דער דברי יואל (עפ"ל), ער האט זיך אויך נישט פארשטאנען מיטן ביד"ץ עדה החרדית, דאס הייסט אזוי: ווען מ'איז אין א קלעם אז דער גאס קוקט עפעס אן די זאך אז מ'לעבט נישט גוט מיטן עדה החרדית, אדער ווען מ'דארף גיין באזוכן פרעמדע רבנים אד"ג, דעמאלטס לייגט מען ארויף דאס פעקל און רשעות אויפן פעטער לבן, אבער ווען אלעס איז כימים הטובים, דעמאלטס נעמט מען דעם פעטער און מ'שטופט אים אריין טיפער אין די אדמה.

יעצט לגבי די היסטאריע וואס זיי פארקויפן דארט איז מיר באמת נישט מעלה ומוריד, ווייל רוב זאכן זענען הלכה'דיגע חלקים וואס ער ברענגט דארטן, און דאס מיינט נישט קיין צופליקט מיטן עדה החרדית, ווייל ביים פאריגען שמיטה האט זיך סאטמאר אויך געהאט געדינגען מיטן ביד"ץ העדה החרדית איבער עפעס א געוויסע ענין, דאס איז ווי חז"ל זאגן ע' פנים לתורה.

און אגב אז מ'רעדט וועגן די בחירות פאר די שטאראט, איז באקאנט די מעשה אז אין יאר תשכ"ה פאר די רבי זי"ע איז אוועקגעפארן פון ארץ ישראל האט זיך די רבי אויפגעהאלטן אין חיפה, און האט דאן געשיקט רופן דעם תולדות אהרן רבי זצ"ל, און אים געזאגט אז מתחילה האט ער טאקע נישט געוואלט ארויסגעבן אן איסור אויף די בחירות, כדי שלא יאמרו אז דאס איז גלייך צו די בחירות פאר'ן כנסת המינים, אבער היינט צו טאגס - האט די רבי געזאגט - אנערקען איך אז עס איז זייער גוט אז דאס ביד"ץ העדה החרדית האט יא ארויסגעגעבן אן איסור אויף די בחירות פאר די ערייה, צוליב די שרעקליכע מכשולות וואס קומען ארויס פון די ערייה גופא.

און בכלל איז באקאנט דאס מוראדיגע קשר עזה און ידידות וואס האט געהערשט אלע יארן ביי רבותינו הק' צום ביד"ץ העדה החרדית, בפרט מיטן מחזק זיין דעם יהדות החרדית אין ארץ ישראל ביי יעדן געלעגנהייט און ביי יעדן באזוך, און אזוי אויך להבחל"ח כ"ק מרן אדמו"ר שליט"א האלט אן א שטארקן קשר און ידידות מיטן ביד"ץ העדה החרדית בכל עת ועידן, (די גרעסטע הבחנה וואס מ'קען זעהן דא איז: אז ווען מ'האט איינגעשפארט הרב עמרם שפירא משב"ק של מרן גאב"ד ירושלים שליט"א, האט זיך געהערט פון גדולי ישראל ובראשם כ"ק מרן אדמו"ר מסאטמאר שליט"א א שטארקן קול מחאה אויף דעם שוידערליכן אקט פון מבזה זיין א מרא דארעא דישראל, משא"כ פון דעם ר' אהרן האט מען נישט געהערט קיין מילה אחת, ביי אלע קנאישע דרשות איז נישט ארויפגעקומען קיין מילה וחצי מילה פון די רדיפת הדת בארה"ק אין די לעצטער וואכן).

המה כרעו ונפלו ואנחנו קמנו ונתעודד....
בשם ה' נעשה ונצליח

לאנצוט + מקורות נאמנים = היידפארק. ‎​
 
ברענט ביטע איין נארמאלע באווייז אז ר' עמרם שפירא איז א סיקריק, אדער לאזט נאר אריין סיקריקים צום גאב"ד שליט"א. ‎​
 
והשנית, דעם גאב"ד פירט מען שוין אויך ביי די נאז אזוי ווי משה גבאי האט געפירט דעם ברך משה? ‎​
 
וועגן בני ברק דין תורה קומט ברייט צו לאכן, פאר נישט לאנג צוריק זענען דער גאב"ד מיט ר' עמרם שפירא געווען הירא'ס פארן ברענגן דעם בני ברק'ער סכסוך צו דין תורה. אבער איינמאל דער די"ת גייט נישט ווי מ'וויל, איז שוין דער גאב"ד סתם א שייגעץ פארן שלעפן די דין תורה צו א אנדערע ריכטונג וואו די אהרונים האבן געוואלט. גאנץ שיין.