| נשלח ב-29/7/2004 23:00 |
 |
| |
וועלכע נייע טעיפ איז גוט?
עס זענען ארויסגעקומען עטליכע נייע טעיפס. (ווי איך הער קומען נאך.) וועלכע טעיפ איז גוט? משה גאלדמאן? מרדכי בן דוד? אנדערע?
|
|
|
|
| נשלח ב-29/7/2004 23:22 |
|
| |
א וואונדער! אבער איך האב אויך נישט געהערט אז אפרים מנדלסון איז ארויסגעקומען מיט א נייעם טעיפ. דערווייל האב איך עס נישט געזען אין די געשעפטן.
|
|
|
|
| נשלח ב-30/7/2004 02:24 |
|
| |
לידיעתך. דברים כסידרם.
חברת first class music הוציאה לרגל פתיחת החנות הראשונה שלהם את הטייפ הזה (זה חנות שיש בה את כל המוסיקה היהודית ואפשר לצרוב שירים. כאשר כל שיר עולה כסף -כך אם אינך רוצה את כל הטייפ אלא שיר אחד אתה יכול לצרוב את זה שם -החנות נמצאת בסנטר 1 ) .
אולי בארה"ב אין להשיג
השירים הם .1)מלפני אוריאל.2)שמע ישראל .3)אזכרה.
תאמין לי שווה לשמוע
|
|
|
|
| נשלח ב-4/8/2004 21:21 |
|
| |
זיידיאנטשי שרייבט
אייזיק האניג בהר המוריה - גאלדמאן ודבריו
נאך חמשה עשר באב קען מען דאך שוין הערן מוזיק אין גרויסן, צוויי נייע חסידישע טעיפס זענען ארויס געקומען, משה גאלדמאן ודבריו און אייזיק האניג בהר המוריה. וועם עס אינטערעסירט וועל איך שרייבן מיין מיינונג און לאמיר הערן וואס איר האלט.
ר' משה גאלדמאן ווייסט שוין יעדער אז חמשה עשר באב געבט ער ארויס א נייער טעיפ יעדעס יאר. כאטשיג אלע זיינע טעיפס זענען שיין איז אבער שמחתי מיט כנשר מסתמא די באוואוסטע און צום מערסטענס אויפגעכאפט. איך האב נאך נישט געהערט ודבריו ממילא קען איך נישט זאגען קיין מיינונג דערוועגן, איך שטעל מיר אבער פאר אז עס אז די זעלבע ווי אלעמאל, חסידיש מיט שיינע מוזיק (משה לויפער) און א פונקטליכער קינדער קאור וואס איז מסודר מיט שיינע סאולאס, אבער וואס פעלט דאס יאר איז אייזיק האניג אלץ גאסט סאולא און בצלאל גאלד אלץ געהעריגע סאולא.
אייזיק האניג'ס בהר המוריה איז אבער א חידוש פון א זאך, איך האב שוין לאנג נישט געהערט א טעיפ (חסידיש נאך דערצו) וואס זאל האבען אזא שלימות, פון אנהייב ביז'ן סוף ממש א דבר השלם. ערשטענס די ניגונים, האט ער ארויס דערווישט פינעף ניגונים פון פינקי וועבער איינס בעסער פון צווייטען, איין קנאקעדיגס פון משה גאלדמאן, צוויי חסידישע לעבעדיגע ניגונים פון דעם בעלזען קאמפאזירער אליעזר קאליש, און דריי פון א נייעם שטערן שלום עזרי (פרידמאן) וואס מיט די הילף פון אייזיק זענען זיינע ניגונים הארציג און געשמאק און וועלן בלי שום ספק ווערן זייער פאפולער, אבער לאמיר נישט כאפען די פיש פאר די נעץ.
די טעיפ הייבט זיך אן מיט א צבאות שובנה/שירו למלך סטייל ניגון, דודי פון פינקי וועבער איז א נייער מהלך וואס פינקי האט נאך קיינמאל נישט געטאן ביז היינט, א מייסטערהאפטיג גיטאר פירט אונז אריין צום ניגון, און צוביסלאך אנטדעקט דעם צוגעלאזענעם הארציגען גאולה ניגון, אייזיקס שטימע איז מסתמא די בעסטע פון אלע זיינע פריערדיגע טעיפס. די קאור איז אויך געוואלדיג (קול דודי, דוד ובנו) און אראנדזשירט דורך גדעון לוין.
בהר המוריה איז א דריי שטאקיגער בנין פון פינקי וועבער, די ערשטע פאל איז א בעטענדיגער טאן אנהייבענדיג מיט די ווערטער וזכר לנו וועגן די עקידה, דער צווייטער פאל גייט ארויף א שטאפל לייגענדיג א דגוש אויף די תחנונים וואס מיר בעטן אז דער באשעפער זאל געדענקן די עקידה, און דאס דריטע פאל אויף אראפ אויף אן איבערבעטענדיגער טאן פון הכנעה און האפענונג. אלעס צוזאמען איז עס א שטארקער ניגון וואס מען דארף הערן עטליכע מאל צו דערגיין יעדעס קנייטש און טיפקייט. גדעון לוין האט אראנדזשירט קאור.
עשה ווייטער פון פינקי איז א לעבעדיגע חתונה ניגון חסידיש און הארציג, אין מיינע אויגען האט עס די לעבעדיגקייט פון הכל יודוך און די הארציגקייט פון תהא השעה הזאת, די קאור זינגט אסאך מיט מיט אייזיק וואס געבט א געפיל פון טאנצען צוזאמען אויף די פאראנטשעס. הערשל בריסק האט אראנדזשירט קאור.
די פערדע ניגון רחם וואלט ווען געדארפט זיין די צווייטע ניגון, הגם פאשרטייט זיך אז מען האט מסתמא נישט געוואלט א נאמען געבן פאר דעם טעיפ רחם (איים סיק אוף רחם), איך מיין אז דאס וועט ווערן די חסידישע אידישע ווערסיע פון דעם אלוועלטליכען רחם, דער ניגון כאפט זיך זייער שנעל אויף און מען קען גראד מיטזינגען, די הארציגקייט איז עד לב השמים, גענוג שוין צרות געליטען, מ'שרייט רחם נא! דערמאנט פון פעקעלעך צרות (שניצלער), די קאור איז די איינציגסטע וואס איז אראנדזשירט דורך חזקי' בריסק און איז אויסערגעווענליך, דער ניגון איז פון די טאפ פינעף.
כן תזכנו שמעקט גראד ווי א קאליש ניגון, אזויווי עשה איז עס לעבידיג הארציג חסידיש וואס מען קען זיך הייבען דערמיט אויף די פאראנטשאס, עס האט אבער דער חן וואס קאליש ניגונים האבען, הערשל בריסק האט אראנדזשירט קאור, עס איז בקיצור א חסידישע קנאק ניגון.
משה גאלדמאןס מלך שוכן עד איז טאקע נישט קיין משכיל לדוד, אבער זייער זייער זייער א שיינער ניגון, אויפ'ן נוסח פון פנה לעלבון מיט די מתיקות פון אייזיק האניג א קלאסישער גאלדמאן היט, צום פארדאנקען איז אויך משה לויפער וואס האט דא אביסעל אפגענויגט פון זיין טיפיקעל סטייל ביי גאלדמאןס חסידישע ניגונים, און ארויסגעברענגט דעם ניגון מלא טעם, ליפא שמעלצערס טאלאנטען ביים קאור איז אויך קענטיג, א אויסגעצייכענטער ניגון.
שהחיינו פון קאליש איז ווייטער א חסידיש לעבעדיגער ניגון, הגם איך גלייך דאס נישט צופיל ווייל עס איז זייער טיפיקעל איז עס אבער א שיינע ניגון, ליפא אראנדזשירט קאור אבער זייער שטארק אויפ'ן נוסח ווי ביי זיינע סקווירא טעיפס, די ווערטער פארמאגען אביסל חידוש סאו מען קען טאקע מאכען א שהחיינו.
דער זיבעטער ניגון קדש, איז א ניגון ווי פינקי באווייזט ווידער זיינע כוחות, אהער שטעלענדיג א ניגון מיט עטליכע פעלער. קדש הייבט זיך אן רואיג מיט זייער שיינע קאור דורך גדעון לוין, אייזיק לייגט דאס זייער גיט מיט א בעטענדיגע שטימע כעבד המתחנן, דערנאך פארוואנדעלט זיך דאס צום הויכען פאל ווי ער ציעט זייער שיין ארויף, און נאכדעם קומט דער חידוש ווען אלעס ווערט שטיל, אבער מען נארט זיך בלויז אויף אפאר סעקונדעס מיינענדיג אז דער ניגון ענדיגט זיך, אבער דאן לייגט אייזיק אראפ חזנות מיט אלע מפרשים, שטיל, הויעך, קנייטשען, קאפשטיק, וכו' וכו', עס איז פונקט גענוג נישט קורץ נישט לאנג, און עס ענדיגט דעם ניגון זייער ריכטיג, דער ניגון איז א מעסטערפיעס.
ובדבר איז לעבעדיג אבער נישט טאנצענדיג, קאמפאזירט דורך שלום עזרי מיט אייזיק, א רואיג לעבעדיגער און געשמאקער ניגון. הערשל בריסק אראנדזשירט קאור.
אנא מלך איז מסתמא פינקי וועבערס בעסטער ניגון אויף דעם טעיפ, באמת א חסידישע הארציגע שבת ניגון, מען כאפט דאס זייער שנעל אויף און עס וויל זיך מיטזינגען, באגלייט מיט א זיסען אינגעל שטימע (אלימלך לוריא) וואס ער צוזאמען מיט אייזיק לייגן אראפ זעלטענע מתיקות און הארציגקייט. דאנק גאט אז פינקי האט נישט אוועק געגעבן דעם ניגון פאר עפעס א יוקעל, נאר פאר וועם עס געהערט דאס בעסטע, הערשל בריסק קאור ארבעט איז אויך זייער צוגעפאסט.
דער לעצטער ניגון איז בעצם די בעסטע ניגון נישט נאר פון דעם טעיפ נאר מסתמא פון אלע אידישע ניגונים פון די לעצטע פאר יאר, איך ווייס נישט פארוואס מען האט דאס פארשטעקט אזוי צום לעצט (אפשר ווייל סאיז לאנג) עס וואלט אבער געקענט זיין דער נאמען פונעם טעיפ "א אידעלע".
א אידעלע איז געשריבען געווארען דורך אייזיק, און קאמפאזירט דורך אייזיק מיט די הילף פון שלום עזרי (אדער פארקערט?), דער תוכן איז הפלא ופלא, און דער ניגון צוגעפאסט ממש צו יעדעס ווארט. די מעלה פון דעם ניגון איז אז עס ברענגט דאס בעסטע ארויס דאס שיננקייט פון אייזיקס שטימע, ווען אייזיק זינגט אידיש האט דאס א באזונדערן חן (ווער עס האט נאר געהערט על נהרות בבל ווייסט וואס איך מיין), און דער אופן ווי ער שפירט זיך באקוועם מיט יעדע תנועה איז הפלא'דיג, ער זינגט מיט שטארקייט און געפיל, און באנעמט דעם רגש.
עס האט אלעס אין זיך, א אינגעל שטימע (משה ווייס), א מייסטער קאור (הערשל בריסק), שטייטע תנועות ארויפציענדיגע תנועות, מה רבו מעשיך השם איז א געזונטער שטיקל, און די צוויי פזמוןס זענען געוואלדיג (בפרט ווען אייזיק ציעט צום סוף ארויף "אידעלע!"), דער וועג וויאזוי דער ערשטער און לעצטער שטיקעל זענען זיך מצרף (געשריי/געטריי) סיי אין טאן און סיי אין תוכן זענען מערקבאר, דער שטיקל אן ווערטער איז אויך זייער שיין.
עס קען זיין איך בין טאקע נישט דער גרעסטער מבין, אבער איך האלט אז הכל מודים אז דער ניגון איז עפעס וואס איז נאך נישט געווען, א אויסערגעווענליכער חידוש מיט אלע צוגעהערן לכל פרטיה ודקדוקיה, איר וועט דאס הערן נאכאמאל און נאכאמאל און עס וועט נישט שנעל נמאס ווערן.
אויפ'ן גאנצען טעיפ זעהט זיך אן אז מען האט אריין געלייגט אסאך כח און מח יעדן פרט, אנגעהויבען פונעם שיינעם דעקל און געענדיגט ביי די שיינע ניגונים, מוזיק, קאור, אידעלע ניגון, אלעס צוזאמען איז דאס א טעיפ וואס אויב איר גלייכט חסידישע טעיפס מיט טעם וועט איר נישט חרטה האבען פארן דאס קויפן.
עס איז צום פארשטיין פארוואס די פראדוצירער האבען אריין געלייגט שאלות צום עולם וועלכער ניגון איז דאס בעסטע, איך בין זיכער יעדער פארמאגט אן אייגענעם געשמאק, אבער איך האלט אז די בעסטע ניגון איז "א אידעלע", נאכדעם קומט אזוי: רחם, מלך שוכן עד, אנא מלך, דודי, בהר המוריה, כן תזכנו, קדש, עשה, שהחיינו, ובדבר.
הערט און האט הנאה!
(ווער עס האט געהערט ודבריו זאל ביטע שרייבן וועגן דעם)
 |
|
|
|
|
|
| נשלח ב-4/8/2004 21:24 |
|
| |
וועגען דעם נייער אייזיק האניג טעיפ בין איך מסכים מיט דיר.
עפעס א געלונגענער טעיפ, מיט אלע מעלות.
|
|
|
|
| נשלח ב-4/8/2004 22:32 |
|
| |
זיידניו, האסט מכוון געווען לאמיתו של מענטשעלע. יו אר דהי בעסט!
צוויי פראגעס נאר. 1) ווער איז דער שלום עזרי? 2) דעם ניגון "רחם נא" האב איך שוין אמאל ערגעץ געהערט אבער איך קען זיך נישט דערמאנען וואו. דו ווייסט פון נאך א פלאץ וואו דער ניגון ווערט געזינגען?
|
|
|
|
| נשלח ב-4/8/2004 22:37 |
|
| |
זיידאנטשי,
האסט אראפגלייגט א געוואלדיגע אנאליז איבער "בהר המוריה"
האסט אבער פארגעסן פון איינעם, וואס דוכט זיך, אדאנק איז איז דער טעיפ בעסער פון אלע אייזיק'ס טעיפס ביז היינט.
און דאס איז צוליב די ארבעט פון חזקי' בריסק וואס האט אריינגעלייגט די ארבעט פון ארעינדזשען, ארקעסטרירן און טרעירונג פון איזייק און אלע קינער.
חזקי' בריסק (א קאזען פאר הערשל בריסק פון ארץ ישראל) האט ארויסגעברענגט אייזיק האניג'ס פאכמאנישע טאלאנטן און אים אהערגעשטעלט אלס א מייסטערהאפטע שלימות, וואס דערקענט זיך אויף יעדען ריר אינעם טעיפ.
"רחם" און "א אידעלע" האט די פינגער-אפדריקן פון חזקי' בריסק. ער האט עס געמאכט דיפרענט, ווייברענט, וויוויד צויבעריש, און UNIQUE, וואס מאכט דעם ציהערער צעגיין פאר געשמאק.
זיידאנטשי, איך גלייך דיינע קאמענטס.
קיפ איט אפ.
|
|
|
|
| נשלח ב-4/8/2004 22:43 |
|
| |
איטשע ביסט גערעכט, זעט אויס אז די ווייסט אינערליך וויאזוי דער טעיפ איז געמאכט געווארן, עס שטייט טאקע אויפן דעקל אז חזקי בריסק האט געקאוטשט אייזיק, דאס זעט מען אויך אז דער טעיפ איז א דבר השלם במלוא מובן המלה, איך האב נאר נישט געוויסט אז אלעס איז חזקי בריסק ארבעט/קרעדיט (אייזיק געבט אים טאקע א עקסטערע ייש"כ)
אדרבה פארצייל וואס נאך די ווייסט
תוקן על ידי - זיידיאנטשי - 04/08/2004 22:54:28
|
|
|
|
| נשלח ב-4/8/2004 22:49 |
|
| |
מענטשעלע
איך האב געהערט אז שלום עזרי הייסט פרידמאן (עזרי) און איז א מלמד, אויפן דעקל שטייט אז יוסי פראמאוויטש (כמיין פון ויזניץ) איז זיין אגענט, כווייס נישט ווי די האסט געקענט הערן רחם, סאיז א נייע ניגון, אפשר אין א קעמפ איינער האט מיר געזאגט אז מען האט דאס שוין געזונגען דעם זומער אין קעמפס
תוקן על ידי - זיידיאנטשי - 04/08/2004 22:53:17
|
|
|
|
| נשלח ב-4/8/2004 22:53 |
|
| |
איטשע
איז דאס דער ערשטער טעיפ פון חזקי בריסק?
|
|
|
|
| נשלח ב-4/8/2004 23:12 |
|
| |
חזקי מאכט נישט קיין טעיפס. אבער ער איז א פראפעשאנעל און א מומחה אין שטעלן STARS אויף די פיס, און זיי מאכן פערפעקט.
חזקי האט געשטעלט ליפא שמעלצער אויף די פיס נאך עטליכע יאר צוריק, אן אים געגעבן די טרעינג אויף VOCALS, די כאר און די מוזיק ארעינדזשמענטס, און די MIX, וואס איז די גרעסטע חכמה אין די STUDIO. מ'קען האבן די שענטסע זינגער אויב איז די טעיפ נישט גוט געמיקסט, הערט זיך עס ווי א קיה קטנ'ט אויף בלעך.
איך מיין אז חזקי האט אויך געמאכט א טעיפ פאר שיע מענדלאוויץ אפאר יאר צוריק.
כ'דארף טשעקן.
|
|
|
|
| נשלח ב-4/8/2004 23:27 |
|
| |
איטשע
חזקי איז טאקע א גרויסער מומחה אבער וועגן מיקס ווייס איך נישט
מיט וועם איך האב גערעדט וועגן די טעיפ האט מיר געזאגט אז אייזיק איז נישט געווען 100 פראצענט צופרידן מיט די מיקס וואס בריסק האט געמאכט ביי לאשינסקי און ער האט למעשה איבערגעמאכט אפאר ניגונים ביי געיטס
|
|
|
|
| נשלח ב-4/8/2004 23:38 |
|
| |
וואס רעדסטו?
חזקי איז דאך געזעצן מיט לערי געיטס גאנצע נעכט, ביים מאכן די MIX.
חזקי גייט צו לערי געיטס און עלען ספעירס, און נוצט נאר זייער סטודיא און STYLE.
וואס די זאגסט איבער לאשינסקי, ווייס איך נישט.
איך האב נאך פון אים קיינמאל נישט געהערט. אפשר מישטו אויס מיט הערשי בריסק. מיט חזקי האט עס גארנישט.
|
|
|
|
| נשלח ב-5/8/2004 03:04 |
|
| |
טעות לעולם חוזר
די זעסט אויס ווי א אינסיידער מסתמא ווייסטו בעסער כהאב געזאגט אז סאיז נאר מפי השמועה און אדרבה זאג אונז וואס די האלסט וועגן די ניגונים
|
|
|
|
| נשלח ב-5/8/2004 03:12 |
|
| |
מרדכי בן דוד - נחמו/חכה לו/עד מתי
MBD נייע טעיפ איז בעיני אבי געזונט סתם ארויס געשאסען, ערשטנס פארשטיי איך נישט וואס די גימיק פון נאר דריי ניגונים איז, איך ווייס נישט אויב זיי מאכען מער געלט אזוי, איך האלט אז אדער זאל ער ארויס געבן א נארמאלע טעיפ אדער אינגאנצען נישט
מרדכי'ס קול הינקעט שוין אונטער לעצטענס, פאר דעם האט ער אדאפטירט דעם נייעם קומזיץ סטייל ווי ער איז מער באקוועם, די טעיפ איז טאקע אויך אויף דעם גאנג.
די שטארקייטען פונעם טעיפ זענען: 1) אלי לויפער (ב"ר משה) קונצליכע מוזיק וועלכע געבן פארן טעיפ א פנים, די מוזיק איז זייער גיט געמאכט און ווייזט אויף אליס טאלאנטפולע פעאיגקייטען וואס איז שוין לאנג נישט קיין סוד, 2) דער אינגל עזריאל גרין וועלכע געבט אריין אביסל לעבן אין מרדכיס דעפרעסיע, טאקע א נייע שטימע אבער אויסערגעווענליך גיט.
די ערשטע ניגון נחמו איז געקוועטשט און געדרייט און פארפעלט צו זיין עפעס ערנסט, נישטא צופיל קאור, מרדכיס קול איז אביסל אווער די טאפ געצויגען ארויף און אראפ אבער נישט סטעבל, בקיצור קנאפע טרוקען.
חכה לו איז נישט קיין שלעכטע ביעט, אבער ווייט פון זיין א ניגון וואס מזאל קענען נאכזונגען, סאיז אבער געשמאק צו הערן, גרין זונגט הערליך, הארמאני איז זייער גוט. וואלט עס ווען געווען אויף א געהעריגע טעיפ מיט נאך ניגונים, נישט געפערליך, אבער אלץ א ניגון אליינס איז עס נישט ווער ווייס וואס.
די לעצטע ניגון עד מתי איז שוין יא עפעס מענטשליך, קודם די געוואלדיגע מוזיק וויאזוי סהייבט זיך אן מיט די קאור, נאכדעם מרדכיס נבהלה וואס ער לייגט גיט אראפ, די הויכע פאל עד מתי איז א געלונגענע שטיקל ארויס ברענגענדיג דעם תוכן ווי אויף די ענדע טאטע עד מתי. גרין געבט דא אויך אריין חן זינגענדיג עד מתי זייער הארציג, און די קאור איז זייער זייער שיין. מרדכיס זיפצען און קוויטשענדיג זינגען עד מתי איז נאריש לדעתי, כמיין סווייזט אז ער שפירט זיין קאריערע קומט באלד צו אן ענדע און פרובירט אלע וועגן זען וואס ער קען.
איך מיין די בעסטע וועג וויאזוי אראפ צו לייגן די טעיפ איז דורך ארויס ברענגן אז סהאט בעצם נישט קיין נאמען, האסט שוין אמאל געזען א טעיפ מיט דריי נעמען? די גאנצע טעיפ איז אזוי, סתם אין די וועלט אריין. חוץ פון עד מתי איז נישטא וואס צו פארפאסען דא, אויב זענט איר אבער א געשוואירענער מרדכי פען, דעמאלס לייגטס דאס אויך אריין אין די קאלעקשען.
נו יעצט לאמיר הערן וואס דער עולם זאגט.
|
|
|
|
|
|
