היידפארק בלעקאוט 2005
דער עולם געדענקט דעם בלעקאוט זומער צוויי יאר צוריק? דאכט זיך אז ווער סהאט עס מיטגעלעבט וועט דאס נישט פארגעסן אזוי שנעל, די וועלט האט זיך האלבוועגס אפגעשטעלט, מענטשן זענען געווען רואיג געהאט צייט צו שמועסן איינער מיטן צווייטן, קינדער מיט עלטערן, זיך נישט געיאגט לויפן כאפן מהאט זיך געשפירט נאענט און היימיש מיט יעדן, סהאט איבערגעלאזט אן אנדערן קוק אויפן לעבן
נעכטן פרוביר כדא אריין צו שפאצירן אין פארק כדרכי בקודש אבער כבאגעגן א בלעקאוט, מקען נישט אריין גיין אין יוצא ואין בא, נאכאמאל און נאכאמאל די זעלבע מעססעדזש און אזויווי יעדער איינער רעד כמיר ערשט איין אז סאיז ביי מיר די פראבלעם, ביז כגליטש מיר אריין בשתיקה צום מעין פעידזש ווי מהאט יא געקענט זען די לעצטע פאר תגובות און כזעה א דבר פלא
ערשטענס איז יעדער אינעם זעלבן שיף, אבער די אינטערעסאנסטע פון אלעם אז קיינער שלאגט זיך נישט, פיינט זענען פריינט מגיבט זיך עצות וויאזוי אריין צו שמוגלען, איינער זאגט דורך גוגל איינער זאגט דורך דף אישי, מרעדט זיך דורך וואס מקען טון, קוקן פיקטשערס וכדומה, וגר זאב עם כבש
סהאט מיך דערמאנט אינעם בלעקאוט, מהאט ארויסגעקוקט פון פענסטער און געזען אז אנדערע זענען אינעם זעלבן מצב, מהאט זיך געבארגט בעטעריס פלעשלייטס רעדיאס און טעלעפאנס, יעדער האט געגעבן היטשעס און ווי געזאגט האט מען זיך געמאכט נייע ידידים
נו נו, לאמיר האפן אז פונעם בלעקאוט דא זאל אויך עפעס גיטס ארויס קומען
 |
|
|
