אנטלויפט פון וויליאמסבורג

סאטמער רב ז"ל האט אמאל געזאגט אז ס'איז א סכנה צו וואינען היינטיגע צייטן אין ארץ ישראל.

האט עם אמאל א חסיד געפרעגט. פארוואס ער בויעט דארט מוסדות. האט ער געענטפערט צו ברענגען אפאר טויזענט משפחות אן א חשבון ווי זיי צו פלאצירן קען זיין א גרעסערע סכנה.

איך זאג נישט אז מ'טראכט פון אנטלויפן אבער אז דו קומסט אויף מיט א המצאה דארפסטו ברענגען א שטיקל פלאן אויך. מ'קען דאך נישט לויפן אין וואנט אריין אז ס'איז דא ווי צו גיין קען מען אפשר טראכטן פון אויפגעבן מצוות יישוב ארצינו הק'

דא האלט איך טאקע אז דער "ראצער" איז גערעכט, מאה אחוז!
די בעסטע עצה פאר איינעם וואס קומט מארץ הגר, איז, צו זיך אוועקציען פון די מרה שחורה'דיגע וומסב"ג ווי עס וואוינען טויזענטער אידן מארץ הגר - מיט גלאנציגע שיך - אינאיינעם, און גאנצע געגענטער איז כמעט ריין פון גויים, מ'זעט כמעט נאר אידן פאר די אויגן, און עס זענען דארט דא שולן און מוסדות פון אלע סארט שיכטן און קרייזן ווי סאטמאר, סאטמאר, סאטמאר, בעלזא, בעלזא, קלויזנבורג, קלויזנבורג, גור, מיר, באיאן, פאפא, קאשוי, טאהש, וויען, ספינקא, ספינקא, ספינקא, אגודה, נדבורנה, קראלי, ועוד...
און זאלן זיך אלע אריבערציען צו די לעבעדיגע לעכטיגע פרייליכע שטאט "קרוין הייטס", ווי עס וואוינען נישט דוקא אידן מארץ הגר, ליבערשט איז דאס פול מיט רוסישע אדער אוקריינישע, און אידישע אימיגראנטן פון אלע דריטע וועלט לענדער. ספעציעל איז שטארק אנזעעבאר די נישט אידישע געשמאקע שכנים, וועלכע זענען טונקל (נישט ח"ו מרה שחורה) און זיי זענען די מובחרי יוצאי ארצות האפריקא וגם מארץ האיטי הנודע לשבח ולתהלה, וקצת מארץ גואטאמאלא והגלילות.
אויך איז דארט א גרויסע מעלה וואס לפי דברי הראצער איז געפערליך אין וומסב"ג, דאס צוטיילונג און פארשידנארטיגע מיינונגען, ווייל אין קרוין הייטס זענען ממש אלע דבוק איינער אין צווייטן בלב ונפש, און אלע זענען מיט אלעם ביי די זעלבע מיינונג, אלע האלטן מיט אלעם דאס זעלבע, למשל משיחיסטן מיט אנטי משיחיסטן זענען גאר שטארק באחדות, דוברי אידיש ורוסיש זענען גאר שטארק צופרידן מיט די וואס זענען דוברי רק עברית, וכדו', דאס אחדות איז דארט א מוסטער פאר כלל ישראל (ח"ו).
אויך איז דארט דוקא דער דגוש נישט אזוי שטארק אויף SUV'ס כאטש עס פעלט נישט דארט פון דעם, דארט פארן די חסידישע אידן פונקט אזוי מיט ספארטס קארס אדער צומאל מיט מאטאר סייקלס, אויך איז דארט נישט דא די "פרעשער" פון אזויפיל טויזנטער און טויזנטער אידן אויפן קאפ, חוץ פון דאס וואוינען אידן מיט שחורים צוזאמגעמישט ווי א קוגל, איז דארט ב"ה א פלאץ וואס שטייט שוין ביי זעלבע מינימאלע צאל משפחות פאר די לעצטע 20 יאר, בערך טויזנט פאמיליעס, העכסטנס איז דאס נאר פוחת והולך - כפרי החג.
איך יאג זיך מוראדיג, איך דארף שוין ענדיגן. ווער עס האלט אז איך בין אפשר נישט אזוי גערעכט, זאל ביטע מגיב זיין.
אנטשולדיגט אלע אז איך האב אזוי מקצר געווען במקום שאמרו להאריך, איך האב נאך זייער אסאך געבליבן אין מיר.
ועוד חזון.

משיח, משיח, משיח, איי איי איי איי איי איי.

בן מלך נאדיר

ראצער תיקון טעות, נישט SUV נאר VUS.

לדעתי איז ROTZER א סאטמארער וועלכע זוכט מאכען פראוואקאציעס

איך ווייס נישט צו "ראטצער", איז סתם א פראוואקאטור אזוי ווי "צבי" שרייבט, צו ער מיינט ערענסט וואס ער שרייבט אזוי ווי "בןמלך" האט פארשטאנען, אבער אויף אזוי פיל טוה איך איהם רעספעקטירען, אז ער ברענגט עפעס א קלאסישקייט צו פארום...

ניין?

לדעתי מיינט ער די אלע נייע געגנטען אין פענסילוועניע און אפסטעיט בעיסוואטער וכו' וואס איז גארנישט גיווארען
ובחנם תפסתם אותו

אויב שוין יא פלאגן וואלט איך מיך ענדערש געפלאגט אויף א שטיקל קצות ווי אויף א שטיקל ראצער.