חילולי השם דעם שבת אין וויליאמסבורג

איך האב שוין געהערט די אלע מעשיות אויף אים אפאר מאל.

אבער למעשה בין איך געווען א שבת אין ווילי אין איך האב איך אים געזען שרייען אין ער איז זייער זיס, איך האב אים געפרעגט עפעס האט ער מיר נישט גענטפערט, ער האט קיינעם נישט צוגערירט נאר געשריגען מיט מעשוגענע קולות, אין דער עולם ארום האט זיך געהאלטען ביי די זייטען.

ר' דיפלאמאט, בארואיגט'ס אייך!

פון דער גאנצער דעמאגאגיע זייערע, פון זייערע אן נעמען זיך פאר דעם טונקעלען מנוב/רוצח איז גאר ארויס א גרויסער תועלת. די אלע עמך יודען וועמען די זארגסטעך אז זיי ווערען נשפע פון צעטאלעך, נישט דאס מאל.

די ביהמ"ד ווי איך האב היינט צופרי געדאווענט איז געווען באהאנגען מיט די פאשקעווילען. איך האב אביסל צוגעלייגט אויערען צו די שמועסען, האב איך איינגעזעהן אז דער עולם נישט נאר קויפט נישט די בלאפעריי זייערע איבער דער לעצטער פאסירונג, נאר מען זעהט צו ביסלעך איין אז די אלע באמבאסטישע קלעימס פון די אנטי עירוב כעוורע במשך די לעצטער דריי יאר, איז אלץ געווען פוסטע שטותים - - -
 
- אנפאנגענדיג מיט מ"ר דער שטאטס שיכור אום געלונגענעם בלוט בלבול, און אזוי ווייטער די אלע פרעכער שקרים וואס די שונאי ישראל פיטערען דעם עולם די לעצטע דריי יאר, סיי די שרעקליכער טעראר פון די עירוב טראגערס, סיי די איידילקייט פון די "פרידלכער מוחים".

די באשעפער זאל העלפען אז זיי זאלען האבען א גרויס הצלחה, מיט א מיטטיילונג פון א גרויסען עולם. עס זאל קיינער נישט קומען צו גיין זאגען אז דער צעיושעטער רוצח, וואס לויפט נאך פרויען אן קיין שום בושה אן חס זיין אויף דעם מושג פון צניעות, גורם זיין צענדליגער הסתכלות מיט איין שאס, שרייענדיג מיט יאמרעלעכער קולות די גרעסטער שטותים והבלים וואס יעדער האלט זיך בגדר נארמאל שטייט אוועק פון אים כמטחוי קשת, ולעל כולם א בלוט דארשטיגען רוצח וואס האט מיט'ן גאנצען כח זיינע געשפרינגען אויף'ן קאפ פון א יודיש קינד - זאל קיינער נישט קומען צו זאגען אז ער פארטרעט זיי נישט -

אדרבא זאל יעדער זעהן אז דער רוצח/מנובל איז נישט נאר זייער'ס א מענטש, נאר איז גאר דעם לוחם ראשי פון זייערע מלחמות און איז ביי זיי גאר א העלד! זאל יעדער זעהן אז דאס וואס דער מנובל טוט איז ביי זיי דאס געוואונטשענע! זאל יעדער זעהן צו וואסערע תכלית מען איז מחנך ביי זיי אין די בתי חינוך וישיבות! זאל יעדער זעהן וואס עס פארלאנגט זיך צו זיין ביי זיי נערץ!

געזאגט יקירי. כל דבריך אמת צדק.  .

אין לך משפחה שיש בה מוכס(רשע) שאין כולם מוכסין (רשעים)(שבועות לט) די אלע וואס זענען מחפה אויף דעם משוגענעם רשע מנוול. די וועלען זיך טיילן חלק כחלק מיט עהם. יכול יהא כולם בכרת ח"ו ת"ל אותו . וכולם ח"ו ביסורין.(ויקרא כ פסוק ה) 
   אז מען לאזט צו און מען שטיצט אזא מנוול פאר א שליח ציבור אויסצושרייען בשליחותם . אויף פרויען צו דערצערענען דעם רבונו של עולם .  א_לקיהם של אלו שומא זימה(סנהדרין קה). . שליח ציבור שטעה (וואס פארפירט דעם גאנצען עול) סימן רע לשולחיו.(ברכות לד)
אז מען לאזט אויפהענגען צעטלען אין ביהמ"ד ואין פוצה פה ומצפצף. און מען לאזט בחורים צוקוקען אזא מין ניוול אז איינער שרייט נאך פרויען. און ער איז נאך חובר חבר (וואס איז במיתה) כאילו וויא עהם גייט אהן צניעות הנשים.
דעמאלס זעהט יעדער נארמאלער טאטע קלאר ווער זענען די פינסטערע טעראריסטן.
מען וועט נישט קענען אין פאר יאר ארום זיך אפשאקלען און פארקויפן תורת לאקשען . ארופיווארפן דאס שולד פון טעראריזם אויף צווייטן.

א חשובער רב האט געזאגט דעם שבת. אז פונקט אזוי וויא מען זעהט אין מירון אז דרויסן שטייען א פאר צודרייטע מענטשען וואס רופן זיך בכלומערשט ברסלב . און טאנצען א גאנצען טאג וויא משוגעים.  און אזוי וויא מען פלעגט אויסלערנען די קינדער אז ווען די ליובאוויטשע פלעגען דורכגיין יו"ט די גאסען זינגעדיג . האט מען געזאגט פאר די קינדער "קוקטס אהן די משוגעים"  אזוי דארף מען יעדער ביי זיך אין שטוב אנקוקען "די שרייערס" פאר סתם משוגעים צורודערטע מענטשען. 

עפ"י הלכה קען א מענטש זיין שוטה לדבר אחד און ער האט די הלכה פון א עכטען שוטה. 

פונקט וויא הלן בביה"ק ומקרע כסותו (עיין חגיגה ג ע"ב אי דוקא עביד כולהו) . דאס נאכצושרייען מענטשען אויף די גאס דאס איז . א משוגעת וויא אלע משוגעתן...   אמאליגע צייטן האט יעדער איינער גלייך  געוויסט דעם חילוק פון נארמאלשאפט מיט משוגעתן. היינט ליידער איז דא א בלבול המוחות . אפילו ביי גויים להבדיל. אז מען קען זאגען אויף עכטע משוגעתן אז דאס איז נארמאל.
אבער סוף כל סוף דער וואס זאגט אויף משוגעתן אז דאס איז נארמאל . דער איז אויך משוגע וד"ל.
 

שיע,

עס פעלן ליידער נישט קיינע מטורפים אין ווילי. ברוך ה' אז אויך מיט דעם איז דער שטאט געבענטשט. אבער איך שטעל זיך פאר אז ווען דו האסט צוגעזען דעם שוטה איז עס געווען אינמיטן איינע פון זיינע דרשות און איז דאן נישט געווען פארנומען מיט נאכלויפן א יונג ווייבל וואס גייט עסן צו אירע עלטערן און טראגט דעם וועגעלע רואיגערהייט, ביז דער כלב שוטה מיט זיינע צוהיצטע בנים שפרינגען ארויס פון איינע פון זייערע לעכער און הייבן איר אן נאכלויפן מיט באנומענע קולות וואס אין אזא פאל איז עס שוין גארנישט קיין געלעכטער, און קען אפקאסטן שווערע געלטער פאר די משפחה פאר טעראפי נאכן דורכגיין אזעלכע בזיונות, ווי איך ווייס פון אזא פאל, וואס איז זיכער נישט דער איינציגסטער.

(גוט) געזאגט,

איבער זייערע צעטלעך און פאשקעווילן האב איך געקלערט צו עפענען א באזונדערע אשכול, אבער עס פעלט נישט אויס צו באהאנדלען אזעלכע פאפירן וואס קינדער אין חדר קענען מאכן א פיל בעסערער ארבעט. מיין איינציגער פראבלעם דערמיט איז וואס זייער אפט זע איך דארט אז דער אדער יענער נגיד האט מנדב געווען לע"נ אדער אויף א שמחה דעם פלוג בלעטל. און דאס איז שוין א ווייטאג. ווי נאריש מענטשן קענען זיין, און ווי נידריג מען קען זיך אראפלאזן.

פאריגע וואך איז שוין זייער משמרת חומותינו (אדער ווי איין שרייבער דא האט זיך גוט אויסגעדרוקט: משמרת חלומותינו, וואס דער צעטל ברויך אנצודייטן זייער פארלוירענער קאמף און זייער אויסגעבלאזענער חלום אנצוהאלטן זייער מאנאפאל איבער דער תורה) וואס קומט ארויס יעדע עטליכע וואכן איינגעשרינקען אין א פארקלענערטער סייז, אבער די וואך לכבוד די באנייטע מחאות האבן זיי גאר צוגעשטעלט נאך בלעטלעך.

איך וועל נעמען א מעשה וואס זיי שרייבן די וואך איבער דעם גאו"צ ר' מאיר שמחה מדווינסק זצ"ל, וואס איז אמאל געגאנגען אויף א געוויסע גאס און געזען א איד וואס האט פאררייכערט א ציגאר אום שבת, איז ער צאמגעפאלן פון גרויס צער. א צווייט מאל ווען ער האב געברויכט אריבערגיין דעם פלאץ האט דער גאון געמאכט אן אומוועג, כדי חלילה נישט צוצוקומען נאכאמאל זען א איד מחלל שבת זיין.

איך וואלט פון דעם סיפור ארויסגעלערנט נישט צו גיין אין די גאס זוכן טרעגער וואס באנוצן זיך מיטן עירוב. זיי לערנען ארויס אז פונקט פארקערט. מען דארף זיי גיין אויפזוכן...

איך זעה נישט זייערע פוסטע צעטלעך. מיט זייערע לגיונות . אפשר קען עס מיר איינער שיקען באישי. ווייל עס איז נישט גלייך ארויף צו שטעלען עס דא אויפן פורום צו געבען פירסום . פאר זייערע שייגעץ שטיקן צעטלעך. וואס איז מבזה די תורה און די מצות עירובין

עס איז נאך דא אלטע צעטלען פון די צייטן פון די צדוקים וקראים פון זמן פון רבינו סעדיה גאון . וואס זיי האבען ארום  פארפירט. אז די ערליכע יודען עסן טשאלענט(ווארעמס) שב"ק און זענען עובר אויף די תורה "לא תבערו אש בכל מושבותיכם ביום השבת" ) . די אמאליגע צדוקים האבען מרעיש עולמות געווען אז זיי זענען די ערליכע יודען און אונזערע מקבלי התורה רבינו סעדיה גאון און די אנדערע גאונים זיי זענען מחללי שבת רח"ל.   יארן שפעטער שרייבט דער הייליגער אוהח"ק אויף זיי . יאבדו הם וכל אשר להם וירדו חיים שאולה. די אלע מענטשען וואס האבען מפיץ געווען דעמאלס זייערע צעטלעך. נשרפו ל"ע בשאול תחתי' רח"ל. כי נאצו האנשים האלה את השם . את לרבות ת"ח. זיי האבען מבזה געווען די מצוות מדברי סופרים . צו עסן ווארעמס. און צו מאכען א עירוב.

ווייל זיי האבען געשריגען אז זיי זענען די אמתע שומרי שבת און זיי נעמען זיך אהן פארן שבת.

אבער יענע צדוקים למיניהם האבען נישט דערוואגט ח"ו נאכצושרייען פרויען רח"ל אזוי וויא די היינטיגע צדוקים למיניהם.
אין די סאטמארע ישיבות אמאליגע צייטן פלעגט מען ביי די מאכל טשאלענט זינגען "וכל המינים כרגע יאבדו" מהאי טעמא.    ווייל אונדז עסן מיר דאס להוציא מלבן של צדוקין.. דאס זעלבע די וואס טראגען שבת מיט דעם הייליגען עירוב. זענען מקיים חוץ די מצוה פון עונג שבת. אויך דעם "להוציא מלבן של צדוקים" 

והשי"ת יצילנו מהם ומהמונם . אזוי וויא מיר האבען ב"ה איבערגעלעבט די אמאליגע צדוקים ונצח ישראל לא ישקר . כלל ישראל האמיתי איז א נצחי. 

מוצאי שבת קודש לסדר לא יחרץ כלב לשונו.

אונזער נייער שרייבער שויתי ווייסט נישט פונעם מנהג נישט צודרייט צו מאכן די ליינער און עפענען צוויי אשכולות איבער דער זעלבער טעמע, שרייבט אין זיין אשכול איבער די געוואלדיגע הצלחה וואס די כאפטע שוטים האבן געהאט דעם שבת.

כדי מען זאל אים נישט קענען באשולדיגן אין שרייבן ליגן, באווארנט ער זיך גראד ביים אנהייב אז ער האט זיך 'ליידער' נישט געקענט באטייליגן אבער וויל מיטטיילן דעם עולם מיט אן ערשטהאנטיגן באריכט...

איך בין גראדע יא געווען די וואך. און כאטש איך בין מקפיד נישט צו געבן שטיצע פאר אידן וואס ווילן אויסרייסן דברי חז"ל בין איך געווען אין געגנט צוליב א שמחה, און פונדערווייטנס בין איך געווען עטליכע מינוט ווען דער איד איז ארויסגעקומען פון ביהמ"ד דלאנדסבורג, און האט זיך געשטעלט רעדן זיין וועכנטליכער דרשה.

געווען זענען דארט אונטער א הונדערט בחורים. אידן מיט שטריימלעך איז זייער שווער געווען צו טרעפן, אזש איך האב זיך געשעמט דארט צו זיין, און אפגעטראגן ווי אמשנעלסטן. עס זענען זיכער צוגעקומען נאך אידן שפעטער, אבער עס זעט אויס אז אויך אין זיינע רייען האט ער שוין היבש אויסגעוועפט. והראי' אז אפי' אונזער שויתי האט זיך נישט באטייליגט אין א צייט וואס ער דארף דא פארטרעטן זייער צד.

די גאסן וואס איך בין דורך איז ברוך ה' געווען פארהעלטניסמעסיג רואיג און מען האט כמעט נישט געהערט די ווילדע געשרייען, טראץ וואס עס האט מיר אויסגעזען אז עס איז דא מער טרעגער ווי געווענליך.

שויתי   שרייבט:

הערליכער מעמד קידוש ה' דעם שב"ק אין וויליאמסבורג

א זעלטענע און הערליכע מעמד קידוש ה' וכבוד השבת איז פארגעקומען היינט בעצם יום השבת אין די גאסען פון "ירושלים דאמעריקא", עיר התורה והחסידות וויליאמסבורג

ליידער האב איך דעס מאל זיך נישט געקענט באטייליגען, אבער כהאב באקומען א ערשטע האנטיגע ריפארט, און כוועל עס דא מיטטילען:

סהבאען זיך פארזאמעלט פילע הינדרעטער יודען זקנים ונערים, תלמידי חכמים עובד ה', מיט ערענסטע בעלי בתים, צוזאמען מיט בני תורה און בחורי חמד פון מערערע ישיבות הקדושות, און ארויס אין א פרידליכער "מעמד השבת", ווי מהאט במשך פון נאנט צו א שעה ארומשפאצירט אויף די גאסען פון שטאט אין א זעלטענע סדר, מיט שירה וזמרה, זינגענדיג ווארעמע און לעבעדיגע ניגונים לכבוד השבת

און אפילו אין אפאר פעלען האבן ליידיגע יונגען געטרייט צו פראוואצירען און אויסגעטוהן די שטריימלעך אדער הוטען, אדער אויפגעהויבען הענטשקעס און דעיסגלייכען, האבן זיך די איידעלע עולם נישט געמאכט צו טוהן דערפון, נאר געלאזט אנן בדידן ואינהו בדידהו, אויב זיי האבען פאר זיך א פינסטערען ציל, און זענען גרייט צו מאכען חוזק פון דעם הייליגען שבת צו גרייכען זייערע ציהל, אויף דעם זאגט שוין דער פסוק ופושעים יכשלו בם

א גרויסער עולם וואס איז געווען ביזי מיט שמחות, האבען כאטש געטרייט אריינצוכאפען מיטגיין כאטשיג איין אדער צוויי בלאקס, אדער סתם אדורכגעגאנגען און געווינטשען פון ווייטענס מיט חיזוק און א גוט ווארט

ביים ענדע פון דעי מעמד, האט הרה"ח ר י.ו. גרינבוים שליטא געהאלטען א קורצע רעדע פאר די פאליס אין ענגליש, ווי ער האט זיי באדאנקט פאר זייער שמירה (ווען נישט די פאליס וואלט דאך שוין ליידער געווען סאך מער שפיכות דמים פון די וואס ווילען אונטערדרוקען די פרידליכע מוחים, נאך איין מזל פון פאליס האבען זיי אויך מורא)

די אלע יודען זענעם אוועקגעגאנגען שטארק מחוזק, און מיט א פרישע החלטה צו אנהאלטען ווייטער מסורת אבות אויפן אלטען אויסגעטרעטענע וועג, און זיך נישט לאזען אונטערברעכען נישט פון טעראר און נישט פון שלעק

ביז אהער די ריפארט. 

איך האב נישט וואס צו צוגעיבען, איך געהערט ענדליכע ריפארטס פון אפאר מענטשען, דעיס האב איך יעצט פריש גענומען, און אין קורצע ווערטער ארויס אלעס

א גוטע וואך

א] רוב שטאט באשטייט פון ערליכע יודען

פיין געזאגט, מזעיט טאקען אין שטאט וויפיל מענטשען טראגען שבת, קוקט אויס אז דו פארשטייסט אויכעט אז די מיעוט שבמיעוט וואס האט פארדארבענע אינטרעסען, און קיין בין אדם למקום און קיין בין אדם לחבירו איז נישט דא ביי זיי, דעי חברה טראגען, יעדער מיט זיינע פריוואטע אלטע חשבונות, צו אויסרייסען יעדע סארט רוחניתדיגע געפילען דא אין שטאט, צו וויי טוהן און נעמען אלטע נקמות דורעך דעי פעולות, און וויבאלד קיין בין אדם לחבירו או אדם למקום איז נישדא זענען זיי גרייט צו בעולהנען אנדערע מענטשען מיט אנדערע זאכען, היינט איז עס מיט רייצען, אויפהייבען "מילעך קעסטלעך", טראגען אלטע צייטונגען אין א שאפינג בעג, רייסען קול קוראס "וואס זאגט א מיינונג, די דעת תורה וואס רבנים וגדולי ישראל האלטען וועגען טראגען דא אין שטאט, און מארגען (בעסער געזאגט נעכטען) גייט עס צו מסירה ומלשינות, און אנרייסען די ביינער און רייסען בערד פאר די פרידליכע מוחים וואס רירען נישט אן קיין פליג אויף די וואנט, זיי זענען מוחה מיט דעם קול קול יעקב לויט די פסק "פון זייער רב" (כלשון עבד עברי)

אזוי פארשטיי איך פון דיינע ווערטער

שוין דעיס צווייטע מאל וואס דו רירסט אן אזעלעכע הייקעלע ווערטער, ווי "קדושה ענינים" אדער דברים שהשתיקה יפה... און ווען מלייגט נאך צו צום סוף דעי דריי שרעקעדיגע אותיות וד"ל...

דעיס ווייזט צוויי זאכען, איינס אין וואס דיין קאפ ליגט, אז דו האסט שוין נישט דא קיין נארמאלע זאכען צו אםפענפערען, זאגט מען "קדושה, צניעות, שששש"...

און דעיס ברענגט אויך ארויס די רשעותדיגע און טרויעריג באוויסטע מהלך וואס די אנשי רשע וואס ווילען עוקר זיין כל דבר שבקדושה פאר זייערע ענגע נקמה געפילען, און קענען זיך נוקם זיין אין "רבי יואליש" כלשונם (וואס דער רבי יואליש האט פאקטיש אהערגעשטעלט עכ"פ א גרויסען חלק פון יודישקייט אין אמעריקא), און צו קענען ווייזען ווער איז דא בעה"ב אין שטאט, זענען זיי גרייט צו מאכען דעם שבת פאר זייער כפרה הינדעל, און גיין מיט פעטש, רציחה, מסירה, בזיון תלמידי חכמים, ניבול פה וואס זיי שרייען אויף די חשובע מוחים, און דא אין פארק וועט מען איבערחזרן די מהלך זייערע, יענער שרייער, בעסער נישט צו רעדען וועיגען קדושה...

דא זעט מען ווי ענקער קאפ ליגט אין טינופת!  און דעיס הערט מען פון ענק יעדען שבת אויף די גאסען, בשעת די מוחים קוקען אראפ מיט שמירת עינים און געבען אפ די מחאה מיט אפגעהיטענקייט, אויסרופענדיג מיט די הייליגע ווערטער "שבת" וואס דעיס איז שמא דקוב"ה,  וואס זעיט אויס די הייליגע ווערטער שטעכען ענקערע פארטעמפטע הרגשים, וועלען ענק אלעמאל צוריקשרייען כל מיני ניבול פה

און יעצט דא אין היידפארק הייבסטו אויך אן מיט דעים חוזק ענפער ווען דו האסט שוין נישט בעסערס וואס צו ענפערען, דעיס ווייזט אויף דעים חוזק אינאיינוועיגס מיט די נידעריגע דרגות אין "קדושה" ווי דו האלטסט נעבעך.

און פאר דיין אינפארמעישען, דער ת"ח עצום הרב י.וו. ג. שליטא וואס איז פון די הויפט מוחים פארן כבוד פון שבת קודש, איז א יוד וואס ביי אעים איז דא תורה עבודה און גמילות חסדים, חוץ פון דעים וואס ער האט זוכה געווען ב"ה צו תורה וגדולה במקום אחד

שיוותי

איך האב א פראגע אין די נושא וואס באדערט מיר שוין לאנג , איך דארף א תירוץ

עס קיקט אויס אז די ביסט בתוך הדברים, { אפשר ביסטי גאר א טרול?} קען זיין אז די וועסט מיר קענענן עפענטפערן דערויף, אין  אויב די ווייסט נישט א תירוץ פרעג דיך נאך ביי די ראשי המערכה, אין קים צוריק מיט א תירוץ

1} די תורה באשטיי פין תרי"ג מצוות דאוריתה'ס, פין די אלע תרי"ג מצוות איז דא די דריי הארבסטע עבירות, גילו עריות, שפיכת דמים, עבודה זרה, די דריי זענענן ביהרוג ועל יעבור
שבת איז אויך פין די תרי"ג מצוות, מען האט עס נאך באקימען פאר מתן תורה, וועגן דעם איז עס אזוי חביב, אבער עס איז נישט פין די דריי הארבסטע, אז עס זאל זיין ביהרוג ועל יעבור
מיין קשיא איז, פארוואס האט פינקט די מצווה פין עירובין אין ווילי, וואס כמעט לויט יעדעם איינעם, איז עס נאר א איסור דרבנן, ווייל עס איז נישט קיין רשות הרבים דאוריתה, פארוואס איז פינקט דאס אריין אין די קאטעגריע אז עס איז א ענין פין מחאה, מחלוקות, אין עס איז דא חיוב דערויף זיך צי שלאען דערויף וועכענטליך,
אין ווילי איז ליידער דא אסאך איסרים וואס מענטשן זענענן ליידער עובר בשאט נפש טעגליך ברבים, איסורם דאוריתה'ס, וואלסטע דען  פארשטאנען אז מען זאל אנהייבען מאכען טעגליך מחאות קעגן יענע אידן??? אויב נישט, פארוואס עירוב יא??!! עס איז דאך נישט קיין גרעסער איסור!!  קען מען דען קלויבן דאס וויל איך יא, אין דאס נישט,??!!
איך וועל דיר געבן א עטליכע משלים וועסטע בעסער פארשטיין מיין קשיא


א} גיין מיט א אפענע שייטל וואס זעט אויס ווי האר, איז לויט שיטת דברי חיים א איסור דאוריתה, סאטמער האט אנגענימען דעם דברי חיים, אלץ זייער  מכריע אין יעדן אופן
היתכן אז די משלחים וואס שיקען מוחה זיים קעגן עירוב, פארוואס שיקען זיי נישט מוחה זיין טעגליך קעגן אפאנע שייטלען??? עס איז א גרעסערע איסור!! אין סאטמער איז דא שיינע אידן וואס זייערע ווייבער אין קינדער גייען אנגטיען בניגוד דת תורתינו, יא!! זיי גייען אין גאס אויך אזוי!! פארוואס אויף עירוב איז מען יא מוחה אין אויף דעם נישט?? אלמלא ווען מען שרייט ווען נישט אויף פרויען בנוגע עירוב,, החרשתי, אבער יעצט אז מען שרייט אין מען לויפט נאך פרויען, איז מיין קשיא מוראדיג שטארק, מען זאל אנהייבען מאכען פראטעסטען קעגן דיפרויען, אין מענער פין סאטמער וואס זייערע ווייבער גייען שלא בצניעות אין  פאר'מיעס'ן וומסב"ג ??!!!!!!!!!!! זייערע קינדער זאלן נישט מעגן גייען אין די מוסדות, זיי זאלן נישט מעגן עולה אין ביהמ"ד , נישט מעגן מאכען קיין שמחות אין די סאטמערע זאלן, בקיצור זיי זאלן באקימען די גאנצע פעקעדש  וואס די עירוב טראגער באקימען,


ב} אין ווילי ברענט שוין א פייער פין מחלוקות פאר די לעצטע ניין צען יאר בערך, איך וועל נישט אריינגיין אין די נושא "ווער" עס איז גערעכט
אבער וועסט מודה זיין אז עס איז א חילול השם איום ונורא, וועסט מודה זיין אז זיצען אין קארט איז א מייקר שם אלולים אויפן הארבסטען פארנעם וואס עס איז שייך, וועסטע מודה זיין אז גיין רעדן צי די פרעסע איז א חילול השם איום ונורא,
איז מיין קשיא מאי אולמא האי מהאי, פארוואס די משלחים וואס שיקען זייערע חסידים מוחה זיין אויף עירוב, פארוואס מעגן זיי עובר זיין אויף איסורי דאוריתה, אין אנדער טארן נישט??  ווי אזוי וואלסטע פארשטאנען, ווען אלע עירוב טראגער נעמען זיך ציזאם, אין הייבען אן מוחה זיין קעגן די וואס מאכען א חילול השם??, וואלט דיר עס געשמעקט?? משל דיר אויס אז די עירוב מאכער וועלן מאכען א פראטעסט קעגן ראדני ביהמ"ד, אדער קעגן די אנדערע בתי מדרשים, פין סאטמער, אדער קעגן די גרויסע הויז אויף בעדפארד עוו, אלמלא ווען זיי מאכען ווען אזא פראטעסט וואלסטע ווען געשוימט פאר כעס,
אבער, די פראטעסט וואלט געווען אסאך מער אמת אין וויכטיגער ווי א פראטעסט קעגן עירוב!!!!!!!! 


דאס זענענן נאר צוויי משלים, אבער עס איז דא נאך צענדליגער דוגמאות ווי מענטשן פאלן דארעך טאג טעגליך בסתר ובגלוי, אין ענקער ראשים זעען עס, אין שטיצען יענע מענטשן, מיין פראגע איז פארוואס????????? מען דארף מוחה זיין!!!!!!!!


די ענין איז קלאר אפילו טראגן אין ווילי וואלט געווען א דאוריתה, וואלט נאך נישט בארעכטיגט געווען קיין מחאות, וויבאלד זיי האבן היתרים, פין זייערע רבנים ודיינים, לויט זיי איז עס א מצווה פין עונג שבת,
עס איז דא אין ווילי ליידער אסאך אסאך אסאך אויף וואס  מוחה צי זיין, אין אויב הייבט מען מוחה צי זיין, הייבט זיך עס נישט אן ביי עירוב, אין עס ענדיגט זיך נישט ביי דעים, מיין קשיא איז פארוואס האט פינקט דאס באקימען די גרין לייט??

נ.ב. איך טראג נישט מיטן עירוב

געלייכט נאכאמאל, פאראכטן טעות הכתיב