די אכזרי'שע מדינת ישראל פאליציי

ביי אונז היימישע ערליכע אידן, די ברכים אשר לא כרעו לבעל, ווייסט מען דאך אז אלעס וואס מ'ליינט אין 'אונזערע' היימישע ערליכע צייטונגען איז תורת לאקשאן. און די גאנצע וועלט דרייט זיך ארום דעם. דארט הייבט זיך עס אן און דארט ענדיגט זיך עס. (ווי געוויסע מענטשן מיינען אז נאך פלאשינג עוו. פאלט מען אראפ).

עס איז אן אנגענומענער פאקט ביי אסאך היימישע אידן, אז נאר די ארץ ישראל'דיגע פאליציי זענען אזעלכע אכזרים, און שלאגן מענטשן - פרידליכע מוחים - אויף די גאס, מיט אזעלכע בארבארישע קלעפ, און ברוטאלע מכות רצח. ווי עס איז קלאר מבואר אין די בילדער פון דער איד/בלאט.

איך האב א בילד ביי מיר אין שטוב, ווי דא אין אמעריקא, ביי א געוויסן פראטעסט, שטייען די 'אמעריקאנע' ראיאט פאליציי, און פארטרייבן מענטשן. דו דארפסט זעהן די אכזריות דארט. איך מיין אז די ארץ ישראל'דיגע פאליציי קענען זיך פארשטעקן פאר די אמעריקאנע 'פיינע' דעמאקראטישע פאליציי. (ווען כ'וועל האבן א געלעגנהייט, וועל איך עס אפשר אריין סקענען).

נאר וואסזשע דען, דא פארשטייט יעדער, אז אויב א פראטעסט גייט ארויס פון די גלייזן, און מ'פירט זיך אויף ווי חיות [אנטשולדיגט, ווי א פרידליכער מוחה] מעג די פאליציי אפשטעלן די צעווילדעוועטע משוגעים. נאר אין ארץ ישראל טאר מען נישט.

דא וועל איך ברענגען א ווידיאו קליפ, פון אן אנדערן מקום. קוקטס ענק גוט צו וויאזוי די פאליציי פירט זיך אויף, טאקע צו פרידליכע מענטשן, וואס ווילן פארשטעלן א רעליגיעזע פארשטעלונג.

http://www.cbsnews.com/htdocs/videoplayer/newVid/small_player/cbsnews_videoplayer.shtml?clip=/media/2004/12/23/video662774.wmv&sec=202&vidId=202&title=Christmas$@$Clash$@$In$@$Peru&hitboxMLC=world

אגב. אויף זייער אסאך בילדער פון ארץ ישראל, קען מען זעהן ווי דער ארעסטאנט ווארפט זיך דירעקט פאר'ן בילד, עס זאל אויסקוקן מער דראמאטיש. און די איזראעלי שנארערס זאלן קענען אריין רוקן נאך א דאלער פון די אמעריקאנע טיפשים.

עס דערמאנט מיך, פון א דרשה וואס הרב טויב, דער מנהל פון צעהלים האט געזאגט בנוגע די מכה פון ארטיסטן אין וויליאמסבורג.

אז די ארטיסטן קומען קיין וויליאמסבורג נאר מיט איין ציל. זיי ווילן אונטערברענגען דאס אידישקייט אין וויליאמסבורג

עס איז דא א טעיפ דערפון און יעדער קען עס הערן.

כ'מיין טאקע אז זיי ווילן א מדינה נאר כדי צו קענען אונטער ברענגען אידישקייט.

חכם עדיף מנביא...

משיח_השם

איך ווייס נישט וואס עס דיר שווער געווען

אבער פון דעם וועסטו נאר שווערער מאכן

................................................

ווען בריסקער רב זי"ע האט געזאגט אז די ציונים ווילן נישט אונטערברענגן אידישקייט, צו האבן א מדינה, נאר ווילן ענדערש האבן א מדינה אונטערצוברענגן אידישקייט, איז דאס געווען אין די בחינה פון חכם עדיף מנביא, היינט זעהט דאס יעדער

שלאגן מוחים, איז נישט די קרענק, עס איז איינע פון די סימפטאמען פון די קרענק, די זעלבע ווי פאלמעסן, חילול קברים, תוכנית ליב"ה, נחל חרדי

מילא חילול שבת, זוהמא, האט צו טאהן מיט וועלן שוואוילטאגן, נישט אז מען מעג, אבער דאס קען מען פארשטיין אז זיי ווילן א מדינה

אבער די ערשטע זאכן, איז קלאר, אז זיי ווילן די מדינה, אונטערצוברענגן אידישקייט