שאלה: מעשר געלט

געלט וואס מ'פארדינט פון הכנסת חתן/כלה דארף מען געבן מעשר?

אז איינער געט געלט פאר א ספציפישע זאך, יענער זאגט קויף דאס און דאס מיט מיין טשעק, דארף מען געבן מעשר דערפון? (לאוו דווקא הכנסת כלה, בכללית)

איך האב געפרעגט אויך מקוה געלט א.ד.ג. האט מיר געפסקנט א חשובע דיין אז איך זאל בעטן די משמש זאל מיך לאזן גין אומזיסט און איך וועל איהם געבן דערפאר א נדבה פון די זעלבע סכום....
כאפסט?!

איך האב אמאל געפרעגט מיין דיין צי מ'מעג באצאלן מי שברך נדבה פון מעשר, האט ער געזאגט נאר אויב מען האט אינזין געהאט פון פאראויס, ביים קויפן די עלי' אדער ביי מאכן מי שברך, אז די נדבה וויל איך באצאלן פון מעשר.

אמת אז עס שטייט אז פאר די אייגענע משפחה איז דער גרעסטער צדקה, אבער אין געוויסע ראשונים שטייט אז צו בויען א שול אז דער ערשטער חיוב.

אקעי קעי דזשעי צוריק צו מעשר
די שרייבסט

אבער דאס איז בקיצור, די מדריגות אין צדקה
1- צדקה פאר משפחה
2- צדקה פאר א אייגענע מוסד
3 צדקה פאר א יחיד

פין ווי נעמט איר דעם סדר?

KJ

עס קען זיין אז עס שמעקט דיר נישט משיח ה' דעות, אבער ער ברענגט ארויף אינטערסאנטע נושאים וואס עס איז אינטערסאנט פארן עולם צו דעבאטירען.

געווענליך די וואס זענען באקאנט אין די נושאים האבען הנאה פון אזא דעבאטע, פארשטייט זיך ביז א גרעניץ.

בדרך כלל די וואס זענען נישט באקאנט וויאזוי אפצופרעגען ווערען בייז.

לאז אביסל דעם עולם זיך אויסצוטשוכען אין באקומען א עדוקעשאן.

בארא פארקער

'קערעקטער עסעסינעישאן' טוט מען געווענליך, ווען מען האט נישט וואס צו ענטפערן

אבער דא איז אנדערש

אז מען גייט צו א תגובה, און מען דרוקט אויף דעם גולש'ס נאמען קומט ארויס די לעצטע 100 תגובות,

יעצט הער בארא פארקער, קוק ביי מר מושיאך האשעם, און קום צוריק צו מיר, און זיי מיר מסביר, וויאזוי ער איז נישט מינומום, א ענטוישטער שלימזל, אדער וואס זעהט אויס מער און מער, א פארביטערטער און אנגעפרעסענער מענטש

אנטשולדיגט, איך האב הנאה פון א גוטע קאווערסעישאן, אפילו פון די אהרוני זאלוני פאליטיק, האב איך געגליכן מר. "טלית בייטל" ווייל ער האט גוט גע'ענטפערט, אבער נאר צו דעם זאל

אבער פון די צווייטע זאך, די אלע אויבער חכמה און השקפה זאכן, באלאנגן ענדערש אין "בחדרי חדרים", איך גלייב אז רוב גולשים, ווען זיי זוכן די סארט זאכן גייען זיי אהין, אויב זיי האבן בכלל א מאגן פאר דעם

ווי למשל איצט מיט צדקה, אוודאי קען מען טרעפן, דאס צו א מוסד איז א אנדער סארט צדקה, אבער נישט להלכה, אבער מער פון דעם, די אינטערלאגע פון דעם קומט פון ערגעץ, און פון די 'ערגעץ' רעד איך, דאס איז א לשיטתי' מיט אייגענע האר, וכולי וכולי

דעריבער, בין איך מחולק מיט דיר מר. בארא פארקער, און איך האלט אז אזא פערזאן שלעפט אראפ א גאנצן פורום ווי עס איז שוין געשעהן מיט פילע אנדערע פורמים

יעצט, צוריק צום ענין פון מעשר............

איך בין מוחה אויף דעם וואס מען אטאקירט משיח אז ער איז שוואכער אין אמונה ווי א צוייטער. ביז מען האט נישט קיין באווייז אויף דעם איז עס סתם א ראי' אז די מוחים האבען מורא פין דעם וואס ער שרייבט און פראבירען דאס פארוואסערען דורך אטאקירען, נישט דורך זיך טענה'ן.

שלום עליכם, בארא פארקער, שמעק טאביק

א נחת, אז מען פאר א טשעינדזש רעדן אביסל תורה, און נאך תורה לשמה, דאס וואס איז נוגע למעשה

בארא פארקער, מושיאך האט געשריבן אז א מוסד איז נישט צדקה ער האט נישט געשריבן לגבי געבן מעשר פאר א מוסד, און דאס איז טאטאל פאלש

צווייטענס, זיכער איז דא א חילוק וואס דער מוסד איז, א תלמוד תורה, צו ח"י לייפליין, ביקור חולים, אגב, שטייט אין איינע פון די פוסקים, אז אפילו א חלק פון די געלט גייט נישט פאר צדקה, ווי למשל אז דער קאלעקטער נעמט למשל 25 פראצענט, גייט אבער די גאנצע 100 פראצענט אויף דעם נותן'ס חשבון

ואקצר בזה, און אדרבה מיינע טייערע בארא פארקער און שמעק טאביק, לאמיר זיך לאזן וואוילגיין, און שמועסן, א "געשמאקע" שמועס

איך זעה אז מענטשן נעמען די ווערטער פון דעם "מושיאך האשעם" זייער ערענסט

איז רבותי, סאיז שקר מיסודו, אן אריכות האף איך צו שרייבן אין דעם וויקענד

אבער דאס איז בקיצור, די מדריגות אין צדקה
1- צדקה פאר משפחה
2- צדקה פאר א אייגענע מוסד
3 צדקה פאר א יחיד

און יעצט הייב איך אן טראכטן, אז דער מושיאך האשעם, איז סאך א גרעסערער פארביסענער - איך וועל נישט שרייבן אז ער איז א אפיקורס, משום מעשה שהי' מיט דעם יעב"ץ, איך האף צו דעם אויך צוצוקמען - און פארביטערטער פערזאן

און טייערע דזשובוי, אויב האט דיר יענער געזאגט אז ער גיט דאס פאר די הוצאות שמחת התנאים, ביזטו זיכער פטור פון מעשה, ווי דער בעל מנחת יצחק שרייבט קלאר, לגבי געלט וואס א שווער גיט פאר אן איידעם צו באצאלן רענט, אז דער איידעם דארף נישט געבן קיין מעשר, און דאכט זיך אז הגאון ר' יעקב בלוי שרייבט אויך אזוי אין זיין ספר

איך וועל בל"נ, מאריך זיין, אין די נעקסטע עטליכע טאג

און נאך איין זאך
איך האב גאר שטארק הנאה פין די אמונה פשוטה פין אונזער מנהל הרב דזאבוי.

איך האב זעהר הנאה אז מען שמועסט תורה דא, סוף כל סוף געט עס אביסעל גערעכט פארן פארוויילען דא.
בנוגע מעשר כספים.
אפאר הערות
א. בנוגע די שאלה פין די מנהל האשכול. לכאורה דארף מען געבען מעשר פין א מתנה פונקט ווי געלט מען פארדינט. אבער ווען דער וואס געט די געלט זאגט אז ער געט פאר די זאל וכו', הייסט עס אז ער מאכט דיר א שליח צו געבען די געלט פאר איינעם, ממילא הייסט עס כאילו עס איז קיינמאל נישט געווען דיינס, דארף'סט די נישט געבען קיין מעשר. א ראי' איז דא, טאמער וואלסט די באקומען פין צוויי מענטשען געלט פאר די זאל, וואלסט די געווען מחוייב מודיע צו זיין פאר איינע פין זיי אז איינער האט דיך שוין געגעבען געלט, דאס איז פשוט.

ב. שמעק טאבאק
דאס וואס די שרייבסט איז האלב אמת. עס הייסט נישט קיין מעשר נאר אויב מען איז מפריש, (עס מיז נישט זיין בשעת מעשה אזוי ווי די האסט געשריבען, עס קען זיין א צייט שפעטער, און עס פעלט נישט אויס הפרשה, עס קען זיין סתם געלט וואס מען זאגט הרי זה מעשר), אבער צדקה הייסט עס אפילו מען איז נישט מפריש, און מעשר איז נישט קיין חיוב, צדקה איז א חיוב. און שו"ע שטייט (רמ"ט) אז מען דארף געבען צדקה נישט מעשר.

ג. צאלען חובות פין מעשר געלט וואס מען האט אפגעשייד, האט נישט קיין שום היתר, עס שטייט בפירוש אין ט"ז און אלע פוסקים, אין אדם פורע חובו ממעשר, אנגערעדט חובות פין מענטשען וואס די גאנצע מצוה דערפין איז מוטל בספק, נאר אפילו חובות אויף עניני מצוה טאר מען נישט אנצאהלען פין מעשר.

די איינציגסטע אופן וואס מען וואלט געמעגט איז אויב מען האט אינזין פאר די זמן הפרעון צו באצאלען פין מעשר, דעמאלס קען זיין אז מען מעג, עיין בט"ז ותבין.

ד.משיח, דאס וואס די שרייבסט וועגען א מוסד צו עס האט א דין צדקה. ביי מיר איז זיכער אז עס ווענדט זיך אין די מוסד, למשל א מוסד וואס דארף געלט צו צאלען מלמדים הייסט צדקה, א מוסד וואס גיט געלט פאר אפאר מנהלי המוסד הייסט נישט קיין צדקה. אבער זאגען אז א קיין שום מוסד הייסט נישט קיין צדקה איז אביסעל איבערגעטריבען.

אבער ביסט דאך אביסעל גערעכט. אין רמ"א רמ"ט שטייט אז מעשר געלט זאל מען נאר געבען פאר עניים נישט פאר קיין שום צורך מצוה. אין ט"ז און ש"ך ווערט געברענגט א מהר"ם, וואס זאגט קלאר אז מען מעג יא געבען מעשר געלט פאר א מצוה. און דארט אין פתחי תשובה ווערט געברענט א חתם סופר וואס זאגט אז עס איז נישט קיין מחלוקת, נאר עס ווענדט זיך אין די מנהג פין די מענטש, אויב די מענטש האט זיך דריי מאל געפירט צו געבען פאר עניים טאר ער נישט געבען פאר קיין אנדער מצוה, אויב אבער ווי באלד ער האט אנגעהויבען געבען מעשר האט ער באלט אנגעהויבען געבען פאר "מצות" מעג מען יא.

איך וואלט מאריך געווען לענגער, נאר די הענט ערלויבען נישט.

jewbow
זאג מיר שוין ווי דו פארסט יעצט, איך ציטער אז דו וועסט אריינקראכן אין מיר....

ליצנות אין א זייט געלייגט, דער אייבירשטער זאגט צו א געוואלד מיט שכר פארן געבן צדקה, און פארן געבן מעשר, און פארן געבן פאר א מוסד. די עיקר "מדובר" איז יעצט, אז מ'דארף "אפשיידן" דאס געלט, אזוי קען מען אריינכאפן 4/5 מצוות אויפאיינמאל [מעשר, צדקה, גמילת חסד, פיקוח נפש ועוד ועוד].

לכל המעוניינים
די ווערטער פון משיח ה' זענען נישט ריכטיג, שפעטער וועל איך מוסיף זיין.

מיט מיר איז די מעשה אזוי.

יעדע 10 סענט אדער 10 אגורות (איזראעלי געלט) וואס איך פארדין נעם איך אייביג אראפ א צענטל, איך טוה דאס שוין יארן.

איר שרייבט דא אז געבן פאר א מוסדות איז נישט קיין צדקה אדער פון די מעשר געלט, סאמטינג לייק דעט, אלע יארן פלעג איך געבן מיין מעשר געלט פאר מוסדות רמ"א אין ירושלים, אדער פאר תומכי שבת פון ב"פ, און פאר נאך חשובע ארגעניזאציעס, אדער סתם פריוואטע ארעמעלייט. ווילט עטץ מיר זאגן אז דאס הייסט נישט געגעבן קיין צדקה?

פון אייגענע עקספירענס:
איך האב אמאל געדינגען א קאר אין א געוויסע לאנד אין דער וועלט, און למזלי הרע האב איך געמאכט א עקסידענט, וואס פונקט די מעשה איז געווען איז נישט קיין חילוק און ווער עס איז שולדיג, באט איך האב גלייך אנגעקאלט מיין רב מיט א ויצעקו "דאס קומט מיר פאר זיין א פיינער יוד?" מיין רב ענטפערט מיר ג'ובויל זיי נישט אזוי ווילד, דאס קומט פון איין סיבה: די סיבה דערפון איז ווייל די לעצטע אנדערהאלבן יאר האסטו נישט געגעבן קיין מעשר און פאר דעם האט דיין געלט געדארפט אוועק-גענומען ווערן פון דיר.

איך האב עקספטעט זיינע ווערטער, ווייל איך האב געזעהן אז ער ווייסט וואס ער רעדט. (איך האב נישט פארציילט אז איך האב אויפגעהערט געבן מעשר)

זייט יענע מעשה בין איך זייער מקפיד אויף מעשר, נישט קייו חילוק און וועלכע מצב איך שטיי, צו איך האב יא געלט צו לעבן אדער נישט, מעשר גייט אידערוועי.
אפי' איך טרעף געלט אויפן גאס גייט אראפ מעשר אקיצור פון יעדע סענט וואס איך מאך.

יעצט ביי הכנסת כלה האב איך בעיקר געוואלט וויסן אויב איינער געט א טשעק און זאגט קויף דאס אדער דאס.

איך וועל אייך געבן אן עקזעמפל:
איך האב באקומען פון איינעם 3500$ פאר מיין תנאים, יענער האט געזאגט אז דאס איז פאר זייגער מיטן האלל פאר די תנאים, און וכו'. האב איך געדארפט אראפ נעמען מעשר פון דעם? למעשה האב איך נישט!