| נשלח ב-12/8/2005 23:24 |
 |
| |
לאנגע פיאות - וואלענע ציצית אויפ'ן העמד
איך באמערק לעצטענס אלץ מער די ערשיינונג פון חסידישע יונגעלייט וואס לייגן אוועק-ארויף-ארונטער די פיאות אדער שניידן דאס גאנץ קורץ און דער טלית קטן ווערט איינגעטוישט אויף א קאטאן ציצית אונטערן העמד.
איך האלט אז לאנגע פיאות מיט א וואלענע ציצית אויפ'ן העמד איז א גדר, דו ביזט א חסידישער איד, דו קענסט זיך נישט דרייען אין די מבואות המטונפות, יעדער קוקט אויף דיר, עס פאסט דיר נישט צו טוהן פארשידענס.
מה שאין כן אז מען איז משנה, מען פארשטעלט זיך, מען ענדלט מער צום מאדערנעם איד, מען איז נישט אזוי אויפפאלענד, דאס מיינט אז מען וויל אריין פאסן און געפעלן ערגעץ אנדערש
ביי אונז אין ראדני, קענסטו גיין מיט'ן געלן טלית קטן און צולאזטע פיאות, פארוואס דען באהאלטסו דאס?
ביזט א היפאקריט, ביזט נישט קין מאדערנער איד, האלסט זיך פרומער און מער ווי זיי, אבער ביזט אפילו שוואכער פון זיין אין געוויסע זאכן
און אפילו לו יהא אז דו טוסט דאס נישט דוקא ווייל דו ווילסט גיין ערגעץ ווי דו דארספט דיך נישט דרייען,
אבער דו פארלירסט א גדר און א שמירה.
דעריבער בעט איך אייך בלייבט מיט די לאנגע אראפגעלאזטע פיאות, און טראגט א גרויסן טלית קטן ציצית אויפ'ן העמד, א געלע-ציצית איז נאך בעסער,
שעמט אייך נישט מיט די אידישקייט!
 |
|
|
|
|
| נשלח ב-16/8/2005 22:35 |
|
| |
הייליגער זשיד, אינגערמאן איז גערערכט, און ברענגט ארויס עטליכע שטארקע שפיצן, וואס מ'קען נישט געבן א מאך אוועק.
דו האלטסט כסדר אין איין אויפברענגען די חילוק פון "זיי" און "אונז". איך ווייס נישט וואס דו מיינסט מיט "זיי". די שורה התחתונה איז קלאר, אז א אינגערמאן וואס זיין טאטע און שווער און משפחה גייען מיט לאנגע געקרייזעלטע פיאות הענגענדיג איבערן צלם אלוקים, און ער איז משנה. איז ער געפאלן א דרגה אראפ!. איינער וואס פלעגט גיין מיט א שיינע וואלענע טלית קטן אינדרויסן, (ס'מוז נישט זיין געל און שמוציג), און ער באהאלט דאס אונטערן העמד, איז ער געפאלן א דרגה (אדער עטליכע דרגות) אראפ!
פארשטייט זיך אויב עס איז דא ריכטיגע סיבה דערצו צ.ב.ש. ער ארבעט אין אן אפיציעלער אפיס אין מאנהעטן, אדער אין א פלאץ וואו מ'דארף האנדלען מיט נישט אידן וכדו'. ווי מ'זעט פיל אידן וואס גייען אינדערוואכן אזוי בלית ברירה'דיג באהאלטן מיט די פרומען לבוש.
ווער רעדט נאך ווען דער בארד הייבט אן צו קלענער ווערן רח"ל, דאס ווייזט שוין אויף גאר טיפע וואונדן אין תוך תוכיות. אבער שבת און יו"ט וואקסט צוריק ארויס דער לעכטיגער אידישער צורה. מהיכי תיתי, מ'זעט דאך אז ס'איז בלית ברירה.
ווער רעדט נאך ווען דער בארד הייבט אן צו קלענער ווערן רח"ל, דאס ווייזט שוין אויף גאר טיפע וואונדן אין תוך תוכיות.
אנדערש איז ביי אנדערע קרייזן, ווי מ'גייט קיינמאל נישט מיט די ציצית אינדרויסן, און מ'גייט אן א בארד וכד' וועט נישט הייסן געפאלן אויב דער זון טוט נאך דעם טאטן און זיידן און גייט אויך אן א בארד.
אבער דער פאקט (חוץ ממש"כ בספה"ק בענין חיצוניות משפיע על הפנימיות) איז אז א איגערמאן מיט אגרויסן טלית קטן, אדער ווייסע זאקן וועט זיך נישט געפונען באקוועם אין די הרי חושך אין וואודבוירן... (מוצש"ק וכו').
דער יוד מיטן פולן לבוש וועט זיך נישט טרעפן דאס פלאץ אין די אלע מקומות המטונפות. דאס איז פשוט "קאמאן סענס". והראי' אז אפילו די היימישע וואס מ'האט ליידער געטראפן וואו מ'דארף נישט. איז קיינער נישט געווען מיט דעם גרויסן טלית קטן..
ועל כולם איז דאס נישט קיין אישו פון סאטמאר אדער קלויזנבורג צי גור וואס מוזן גיין מיט א מסויים'דיגע לבוש, דער מציאות אין אלע דורות איז געווען ביי אלע חסידות'ן פון ארץ ישראל, רוסלאנד, אוקריינע, פוילן רומעניע און אונגארן ועוד האבן די חסידישע אידן זיך נישט גערירט פון לבוש קיין זיז כ"ש. און נישט נאר חסידישע, נאר אפילו אשכנז'ישע און ליטווישע אויב איז מען ביי זיי אוועק פון די אריגינעלע לבוש, האט מען געוואוסט אז יענער איז ל"ע נחמץ... ממילא האט דאס נישט מיט קיין ספעציעלע קרייז וואס נאר זיי מעגן, מוזן, אדער טארן נישט...
|
|
|
|
|
| נשלח ב-15/8/2005 20:27 |
|
| |
זאגסט עס נאר בספק?
אבער אפילו עס איז דא איין פלאץ ווי מען האט נישט געלאזט מאדערענע אידן קויפען, לעומת דעם טרעף מיר אפילו איין נייער יישוב ווי מען האט יא געלאזט חסידישע אידן קויפען.
|
|
|
|
| נשלח ב-15/8/2005 20:01 |
|
| |
דאכט זיך מיר אז אין אירמאונט האבען זיי זיך געשלאגען מיט מאדערנע יודען ווען די עכט חסידישע האבען נאך נישט געטראכט אהין צו גיין.
|
|
|
|
|
| נשלח ב-15/8/2005 19:41 |
|
| |
האסט נישט געזען?
צו פיינט האבען דעם איד אונעם לבוש דארף מען זיין א אנטיסמיט, צו פיינט האבען איד מיט דעם מאדנע לבוש איז א נארמאלע זאך.
האסט אמאל געזען א גוי זאל מאכען פראבלעמען פאר א מאדערענע איד צו קויפען א הויז?
|
|
|
|
| נשלח ב-15/8/2005 04:48 |
|
| |
ביי וועם די לבוש איז א נושא, דער דארף זיך שטארק האלטען דערמיט, ווייל אויב לאזט ער נאך דערפון הייבט זיך אן ביי אים א ירידה אין יידישקייט.
ביי וועם עס איז נישט קיין נושא וועט נישט (אזוי גרינג) פארשטיין דעם ביי וועם עס איז יא.
איך האב נאך נישט געזען אז די גוי זאל מער גלייכען דעם מאדערניזירטע יוד ווי דער יוד מיט'ן גאנצען טראגע..
|
|
|
|
| נשלח ב-15/8/2005 04:08 |
|
| |
איך האב געהערט אין א שמועס פון רביה"ק מהר"ש מבאבוב זצוק"ל זי"ע אויפן פסוק שוש אשיש בה' תגיל נפשי באלוקי כי הלבישני בגדי ישע וגו' אז די בגדים פון א יוד זענען א ישועה. ער האט מאריך געוועהן אויפן זעלבן אופן ווי אינגערמאן, אז דאס טראגען חסידישע בגדים, דאס היט אפ א מענטש פונעם יצה"ר ווייל ער שעמט זיך אנצוקומען אין אלע מקומות הנידחים.
|
|
|
|
| נשלח ב-15/8/2005 01:54 |
|
| |
מען קען זאגען אז דער חסידישער לבוש גייט נישט אריין אין דעם ענין פון שלא שינו את לבושם.
דהיינו אז כדי מען זאל דערקענען אז איך בין א איד איז גענוג צו גיין א יארמולקע, אבער די רעסט איז צו זעהן צו וועלעכע חסידות איך געהער, קומט אויס אז עס איז גאר א לבוש פון "פירוד"...
אז איך בין א גערער און איך גיי נישט קיין הויזען זאקען בין איך גארנישט ווערט פאר מיין פארטיי.
|
|
|
|
| נשלח ב-15/8/2005 01:40 |
|
| |
אינגערמאן ידידי, ס'איז דאך היינט ת"ב נאךמיטאג, קיין סאך האבען מיר נישט וואס צו טוהן איז אלזא לאמיר גיין איינס אויף איינס.
1)שרייבסט <דזשיד, עס זעהט אויס ווי דו האסט דיר גענומען א מיסיע צו אטאקירן סאטמאר אין יעדן אשכול>
ס'שיינט מיר פון דיין תגובה, אז ווי אימער א איד זאל ערקלערען "איך האלט מיך נישט ווייניגער אין יהדות ווי א סאטמארער", על אף וואס איך בין נישט אזוי רוישיג מיט מיין יהדות, האט ער אטאקירט סאטמאר... דהענקס פאר מעקינג מיי פאינט.
2)<דער ענין פון לבוש איז א גדר לכל הדיעות, און טאקע ווייל אונזער חצוניות איז מער ווי אונזער פנימיות פעלט דאס נאך מער אויס ווי אמאל>
הא מנ"ל? דער גלייכער סברא זאגט פארקערט, אויב די האלטס אז דיין חיצוניות איז אסאך מער ווי דיין פנימיות, דארפסטו זעהן ווי מער דאס אויסצוגראדען, קיין חילוק צו מרבה זיין אין פנימיות צו ממעט זיין אין חיצוניות, עכ"פ מרבה זיין אין חיצוניות אודאי נישט!
3)<יא, מיר זענען ערליכער אין אסאך זאכן ווי די מאדערנע יודן, מיר גייען אנגעטוהן אידישער>
איך וועל דיר ענטפערען אויף ענגליש "its all a matter of perspective" וע"ז גופא אנו דנין, ווער האט דיר מגלה געוועהן וואס דאס הייסט אהנגעטוהן מער אידיש? רעד נאר מיט אזוין מאדערנע אידעל, ער וועט דיר שוין מגלה זיין ווי פונקט ווי די, איז ער זיך קיינמאל נישט טועה און ווער איז א איד.
4)<די צניעות ביי נשים איז ביי אונז פיל שענער>
איך בין נישט איבערצייגט.
5)< לענינו א חסידישע יונגערמאן וואס באהאלט די פיאות און די ציצית איז דאס ראנג!
איך בין שטארק מחולק מיט דיר, איך מיין אז די נאטירליכער וועג פון א מענטש איז נישט זיין אויפפאלענד מער ווי ער ברויך. ער איז גענוג בולט אלץ איד כמו שהוא, ער מוז נישט גיין אהנגעטוהן אויף א וועג וואס לפי דעתו איז עס בעיני הגוים א דבר המעורר גיחוך.
אלענפאלס, אז א איד האלט אז ער טוט א מצוה מיט דעם וואס ער גייט יא מיט דעם ט"ק אינדערויסען, איז אשרי חלקו, און דער עיקר איז אז ס'זאל זיין ביי איהם "לבו שלם עם אלוקיו".
אבער מאכען פון דעם א געראטשקע, איז לדעתי "ראנג!"
בהוקרה,
דזשיד
|
|
|
|
|
| נשלח ב-15/8/2005 00:54 |
|
| |
איך דריי מיך גראדע נישט.
קענסט פרעגען יעדער וואס טוט א ביסעל אין קירוב.
בארס, קלאבס, שוויצען, און אטלנטיק סיטי זיינען פון די קלענערע עבירות.
מ'האט היינט געליינט בחורים טחון נסעו כי בבית ז**** נמצאו.
"Never argue with an idiot. They drag you down to their level and beat you with experience.
|
|
|
|
| נשלח ב-15/8/2005 00:11 |
|
| |
אינגערמאן
ווילסט איך זאל דיר אויסרעכענען וואס פארא פלעצער מ'האט שוין געזעהן יונגערלייט מיט ווייסע זאקען? אדער כאפ א שפאציער אויף נארטסייד
"Never argue with an idiot. They drag you down to their level and beat you with experience.
|
|
|
|
| נשלח ב-14/8/2005 23:39 |
|
| |
קוק נאך די גאר אלטע בילדער פון אונגארען און פולין פאר הונדרט יאר צוריק וועסטו זעהן אז א בעל בית איז ביי די ארבעט געגאנגען אנגעטון ווי א ארבעטער.
|
|
|
|
| נשלח ב-14/8/2005 23:25 |
|
| |
דזשיד, עס זעהט אויס ווי דו האסט דיר גענומען א מיסיע צו אטאקירן סאטמאר אין יעדן אשכול
דער ענין פון לבוש איז א גדר לכל הדיעות, און טאקע ווייל אונזער חצוניות איז מער ווי אונזער פנימיות פעלט דאס נאך מער אויס ווי אמאל.
יא, מיר זענען ערליכער אין אסאך זאכן ווי די מאדערנע יודן, מיר גייען אנגעטוהן אידישער, די צניעות ביי נשים איז ביי אונז פםיל שענער, כאטש ס'קען נאך נוצן א תיקון, און מיר זענען סאך מער מובדל פונעם גוי ווי זיי
זיי האבן געוויסע מעלות בעסער ווי אונז, איז אויך ריכטיג, אבער לענינו איז דאס נישט נוגע,
דיר צו מסביר זיין דעם חילוק, איז ווען א חסיד טוט אויס זיין שטריימעל איז ער א שייגעץ, אבער א ליטוואק צו א מאדערנער וואס טוט אן איז א משוגענער... פארשטייסט?
לענינו א חסידישע יונגערמאן וואס באהאלט די פיאות און די ציצית איז דאס ראנג!
|
|
|
|
| נשלח ב-14/8/2005 07:29 |
|
| |
אינגערמאן ידידי,
<ביזט א היפאקריט, ביזט נישט קין מאדערנער איד, האלסט זיך פרומער און מער ווי זיי, אבער ביזט אפילו שוואכער פון זיין אין געוויסע זאכן>
ס'איז פארשטייט זיך דברים הנוקבים לעומקא דליבא.
איך שטעל זיך אבער פאר אז דער פסוק האסטו געשריבען לפי דיינע הרגשים, אז די האלטס דיך פרומער און מער ווי "זיי"...
איך בין ב"ה נישט נתחנך געווארען אין סאטמאר, און ממילא האב איך ב"ה נישט דער סארט הרגשים.
לאמיר זאגען אז די ביסט יא גרייט צו גיין ווי אימער מיט דיין וואלענע ט"ק איבער די העמד, און אפילו גרייט נישט אויסצוטוהן דיינע שמונה בגדים ווי נאר די ווילסט זיך דרייען,
ביסטו פארדעם עפעס "מער" בנוגע אידישקייט ווי דיין ברודער וואס האט פשוט באקומען א אנדערע חינוך אין וואס יהדות באדייט ווי דיר?
האט ער דען מוותר געוועהן עפעס אין יהדות פון וואס רבותיו ואבותיו האבען "איהם" געלערענט?
ולעניינינו, האבען אונזערע עלטערען דען געטראגען די "וואלענע ט"ק" איבערען העמד בשעה וואס זיי האבען גע'ארבעט אין שווערע היצען צו ציווישען גוים?
דאס אז מ'איז היינט משנה להקל, איז א פאנטאזיע שאין כדוגמתה!
דער פארקערטע איז אמת, אין חיצוניות זענען מיר אסאך מער "פרום", ווי סיי וועלכע תקופה אין יהדות.
וכבר אמר החכם, די חילוק פון היינט ביז אמאל, איז נאר איין קלייניגקייט.
אמאל האט מען גאר שטארק מקפיד געוועהן נישט עובר זיין אויך א ל"ת,
היינט איז מען גאר שטארק מהדר מקיים זיין מ"ע.
ודוק.
בהוקרה,
דזשיד
|
|
|
|
|
|
