מר ראזען .VS מר גרינבוים

די צוויי זענען די מערסטע באקאנטע שבת-שרייערס מיט וואס מיר וויליאמסבורגער אידן זענען באשאנקן געווארן. די זענען אזעלכע וואס שפירן אז דאס ווילדעווען און טעראריזירן דעם עולם וועט זיי פירן גראד אין גן עדן אריין... און אז אויפוועקן אידן אינמיטן שלאף, איז א חלק פון די מצוה. (איך בין שוין אויפגעוועקט געווארן א שיינע פאר מאל. און נישט אין די צייטן וואס מענטשן זענען נאך אויף, נאר דייקא אין צייטן וואס "יעדער" שלאפט נאך. צו איז עס נאך חצות שבת צונאכטס אדער דריי נאכמיטאג ווען די גאסן זענען שטיל און יעדער איז איינגעזונקן אין א טיפן עונג שבת'דיגן שלאף.)

עס איז מעגליך פאראן נאך צדיקים וואס פארפירן און געוואלדעווען אבער זייער קול ווערט ווי פארשטומט און פארלוירן פון די באסאווע שטימעס וואס די צוויי לאזן ארויס. און טוען דאס אן אויפהער, און וויפיל מען זאל זיי רודפ'ן און צימבלען דערפאר, וועלן זיי נישט אויפהערן מיט זייער מאדנע התנהגות. כאטש איך ווייס נישט פונקטליך דער ציל זייערער ווייל דער עירוב איז דא און וועט בעזר ה' בלייבן ביז משיח'ס טאג קען איך זיי אבער פארשטיין ווייל דאס איז דער איינציגער געווער וואס זיי פארמאגן, און אן דעם וועט פארגעסן ווערן אז עס איז פארהאן א שטימע קעגן דעם עירוב.

אבער עס איז פאראן א וועזנטליכער און שטארקער נפקא מינה צווישן די צוויי. אין די צייט ווען מר גרינבוים שרייט און פארפירט קען מען זען אז ער מיינט עס ערנסט, און אז עס עסט אים דאס הארץ. ער האט שוין אפי' געכאפט א הארץ אטאק דערפון (כך שמעתי. פארעכט מיר אויב עס איז נישט אמת) יעדן שבת לאזט ער זיך ארויס מיט זיינע בנים חשובים און אויף א סקעדזשועל טוען זיי יעדן שבת צוועלף אזייגער קורסירן ארום וויליאמסבורג און בעטן זיך און וויינען צו די וואס טראגן. ווער עס האט א זכי' כאפט אריין אפילו א קללה (וואס איז דערווייל ב"ה נאכנישט מקוים געווארן...) אין די זייט. אבער אפי' א אינגל באמערקט אז דער איד מיינט עס נעבעך זייער ערנסט.

אנדערש איז עס אבער מיט דעם ראזען, וואס איז סתם א צולאזטער אינג, און האט א שרעקליך-מיאוסער מויל, וואס זיינע פערל ווערטער טאר מען אפי' נישט נאכברענגען. ווער עס האט אים שוין אמאל געהערט, ווייסט וואס איך מיין. און עס קען זיך זייער שווער דאכטן אז ער מיינט עס לשם שמים.

****************************

איך האב אים געזען דעם שבת און מיין הארץ איז אויסגעגאנגען פון רחמנות ווי נעבעכדיג ער האט אויסגעזען. ווי שרעקליך צוביילט ער איז געווען. און איך בין גארנישט מקנא די וואס האבן געהאט א חלק דערין. דערווייל זעט אבער נישט אויס אז די פרשה וואס ער האט דורכגעמאכט אין קליוולאנדער מקוה זאל האבן פאסירט דורך איינע פון די עירוב חברה, ווייל אויב יא וואלט די פרעסע זיך שוין לאנג צוגעכאפט דערצו, ווי זיי טוען כסדר ווען זיי האבן עפעס שטאף אויף די חסידיקס. והדברים ידועים.

אבער אין די ווינע פרשה איז ער שוין גארנישט געווען אזא שעפעלע, ווי עס דערציילן פריינט פון דעם ס. אויף וועמען ער האט זיך איזדיעקעוועט, ביז פון הימל האט מען צוגעשטעלט א באטל וואס האט געראטעוועט זיין לעבן.

****************************

ווען מען רעדט פון שרייען אין די גאסן ווי די געמיינע צווישן די גוים, איז וויכטיג אז אויב שוין יא שרייען, זאל מען אויסלערנען "ווי אזוי" און "וואס" צו שרייען, ווייל איך וועל ברעגען א ביישפיל פון ראזען וואס איך האב געזען ווי ער שרייט אן א איד וואס האט געטראגן, און באפעלט אים ער זאל זאפארט אראפלייגן דעם חפץ וואס ער טראגט. וואס מען דארף נישט זיין קיין גרויסער תענית חלום צו וויסן אז עובר צו זיין אן איסור הוצאה לחוץ ברויך זיין סיי א עקירה און סיי א הנחה און ווען דו הייסט איינעם אראפלייגן דאס וואס ער טראגט ביסטו גורם ער זאל מקיים זיין די מצוה פון טראגן בשלימות...

דער גראף מישט אויס דיפלעמאטיע מיט פאליטיקעל קארעקטנעס


תוקן על ידי - findodort - 18/11/2005 16:38:35

באטשי
ביטע לאז מיך וויסען ווען ס'קומט ארויס די ספר. איך וויל איינץ באשטעלען.

קוטשמע

אשקויעך פאר דעם שיינעם מענה לשון

כדאי געוועהן צו זאמלען די אלע לשונות שבדו להם החכמים האלו, און דערנאך ארויס צו געבן ולהפיצם בישראל לתועלת הרבים

מיין הצעה

ילקוט ודבר דבר על הלכות עירובין
עם פירוש ומקללך אאור מאת צועקי הדור
מועיל מאוד לחינוך הבנים, למלמדי תינוקות, וגם לשלום בית.

גראף

איך ווייס נישט וואס דו האסט זיך אנגעטשעפעט אין דיפלאמאטס ניק, א נייער וועג נישט צו ענטפערן צו דער זאך?

לשיטתך: ער איז אזא דיפלאמאט ווי דו א גראף

דיפלאמאט

עס קען זיין אז דו ביסט גערעכט, די מענטשן וואס שרייען אין די גאסן פארלירן זייער אנאנימיטעט, אבער אין די קארידארן פון די דיפלאמאטישע קלאסן אין די סטעיט דעפארטמענט האט מען אנדערש געלערנט.

יעצט, ווען איר האט זיך אראפגעזעצט צום קאמפיוטער און מחליט געווען צו עפענען א ניק אויף היידפארק, איז אייך נישט בחנם אריינגעפלויגן אין קאפ דעם געדאנק צו ווערן פלוצלינג פון איין מינוט אויפן צווייטן א 'דיפלאמאט'. איך גלייב אז איר האט אריינגעקוקט אין אייערע אינערליכע אייגנשאפטן, און געפונען אז איר האט די מדות תרומיות וואס א דיפלאמאט ברויך האבן צו זיין באזיס.

אלזא, פארוואס פארפאטשקען אזא שיינע ניק מיט עפענען א רובריק איבער צוויי יחידים וואס פירן זיך אויף אומדיפלאמאטיש אין די גאסן פון שטאט?

זאל דאס שוין איינמאל פאר אלע מאל זיין קלאר דער הייליגער סאטמאר'ער רבי זצק"ל אויף וועם די גרויסע קנאים און לוחמים קעגן דעם עירוב פארופן זיך האבן פארגעסן איין זאך דער סאטמאר'ער רבי זצק"ל איז געוועהן שטארק אקעגן אזעליכע אקציעס ער האט ווער עס געדענקט נאך זיין צו גאנג וועט אייך מודה זיין צו דעם דאס איז פסול לכל הדעות

די סמערק אויף (גרי***) ג. בשעת זיינע דרשה איז פשוט שמחה של מצוה

תוקן על ידי - findodort - 18/11/2005 5:26:51

תוקן על ידי - findodort - 18/11/2005 5:27:39

פונקט אזוי, באטשי. אויך מיר יחידים. יא יחידים וואס פרובירן זיך משתלט זיין על הציבור. וזהוא.

דיפלאמאט, איך האב נישט קיין אנונג פין ווי די נעמסט דאס אז עס זענען פארהאן אזעלכע וואס מיינען עס ערנסט. האסטו שוין געהערט די קללות? לשיטתם אז עס איז א מצוה, איז דאך אבער נישט דא קיין גרעסערע מצוה הבא בעבירה.

דאס שמיציג שפראך וואס זיי פארמאגן איז אינגאנצן נישט איינשטימיג מיט די געווענדליכע פיוטים וואס מ'זאגט ביי אנדערע "חשובע" מצוות.

ווי למשל (נישט אין סדר) זאלסט נישט אויסלעבן דאס יאר, זאלסט נישט זעהן קיין נחת פין דיינע קינדער, זאלסט שט**** מיט א מי** משונה, זאלסט נישט קומען צו קבר ישראל, צו א מאמע וואס האט געשטיפט אירע קינדער אין א קערידזש: זאלסט מער נישט האבן קיין קינדער, (איך האב דאס אליינס געהערט.)

דארף איינער נושאי כלים? פאר מיר איז עס זעלבסט פארשטענדליך. ערנסטקייט איז אבער נישט א חלק פין די הסבר.

געערטער גראף,

האסט געטראכט פאר דו האסט געשריבן די ווערטער?

ווילן אויך די צוויי אידן בלייבן אנאנים, הגם זיי שרייען און פארפירן אין די גאסן פון שטאט

דו האסט באמערקט די מאסקעס וואס זיי האבן אן, כדי אנצוהאלטן זייער אנאנימיטעט?

גראף

דער חילוק איז א פשוטער

ראזן אין גרינבוים טוען זאכן ברוב עם, זיי רעספקטירן נישט זייער אייגענער PRIVACY

משא"כ דער ס. איז א פריוואטער מענטש וואס דער צוווילדעווערטער האט איהם באפאלן. פארוואס זאל מען שרייבן זיין נאמען?

אטאז

איך האב נאך נישט געהערט קיין היתר אויף מידת רציחה.


יעצט א שאד די זאלסט זוכען א תירוף דיין שאלה אז די קענסט אפילו נישט די טענות פון די אנשי העירוב.

וואס ווילסטו מען זאל דיר זאגעו אז די פאקויפט דא מקוה געשפרעכן?

קיינער זאגט נישט אז די פערטע וואנט איז עומד מרובה על הפרוץ אין די דריי ווענט נישט.

גיי קוק ארום ברוקלין ועוסטו זען איבעראל אפען.