מעל גיבסאן לאזט זיך ווייטער הערן

דער קאנטראווערסיענאלער אקטיאר און פראדוצירער מעל גיבסאן, וועלכער איז טרויעריג בארימט געווארן מיט זיין באוואוסטע "פעשאן אוו די קריס..." פילם, ווי ער שפילט אפ די פגירה פון יוזל, און טאדלט די אידן פארן קרייצן אים און הרג'ענען, און איז אין זיינערצייט אויסגעשטאנען פיל קריטיק פון אידישע און נישט אידישע ארגאניזאציעס.
איז יעצט צוריק ארויף אויפן אויבערפלאך מיט א נייע ווערק, א שילדערונג פון א האלענדישע גוי וואס האט אויסבאהאלטן און גערעטעט א אידענע אין די צייטן פון וועלטס קריג.
די קריטיקירער האבן שוין אקטיווירט זייערע אפעראטן, און אנגעשטעלט די ביקסן אויף אים גרייט צו שמייסן נאך פאר עס קומט ארויס אויף די גאס.
די אקטיוויסטן פארפירן אז עס איז זיכער פול מיט קאנטראווערסיע און אויסגעשפראכענקייט, ווי ער האט שוין באוויזן אין די נאנטע פארגאנגענהייט.

דזשיד

ביזט כשר גערעכט. סאיז אטריק פון פאקס, אשקויעך פאר מעורר זיין דעם חשובן היימישן עולם

א באנטש אף קרוקס זענען זיי, זיי מיינען אז מיר זענען יאלדן, מיר דארפן זיי לערנען דרך ארץ

פארדעהם בין איך מקבל אז מהיום והלאה וועל איך נישט גיין קוקען קיין שום פילם פון מעל גיבסאן, נישט נאר פון איהם, נאר אותו ואת בנו ובן בנו עד סוף כל הדורות.

אין נישט נאר דאס, נאר איך מקבל עלי אני וביתי ועל זרעי לדורותי נישט גיין קוקן קיין שום פילם פון פאקס,

אפילו דער שטערן וועט זיין קאפי עלענבויגן אליין

אפילו מיכאל שניצלער וועט זינגען, און ליפא וועט שפרונגען, דער שבת פייפער וועט קלינגען, מיט היימישע באבובער/מונקאטשער יונגען,

אפילו די נשים שפילערס וועלן זיין בעצם מהודר'דיגע לא ילבש מענער, און שפילען נאר חוה"מ שחל להיות בפורים קטן, און נאר אין ברוקלין קאלעדזש, מיט מחיצות גמורות וגבוהות עשויות בידי אדם, בהכשר הרבנים הגאונים,

אפילו ווען דאס געלט וועט גיין פאר קופת חתנים פאר בלויז קיילעכיגע יתומים וואס דארפן זיך אליין חתונה מאכן,
וואס זייערע טאטעס זענען עקלוזיוו היימישע תלמידי חכמים, חשוכי בנים, אלע גרויסע בעלי חובות וואס דארפן דאס געלט נאר פאר צורכי רפואה פאר נישט געזונטע קינדער

NO WAY JOSE

מיט פאקס האב איך גענדיגט

YOU CAN QUOTE ME ON THAT

זאלען זיי וויסן



תוקן על ידי - baachi - 09/12/2005 20:32:46

באטשי,


איך ראל זיך פאר געלעכטער.... זאג מיר נאר וועלכע זעסטו יא?

פון ווי נעמסטו אז דער ישו תלמיד ר יהושע בן פרחיה איז נישט דער זעלבער חברה מאן?

און דאס אז יוסיפין (בכלל א פראבלעמאטישע ספר, כאטש גדולים וטובים ברענגען אים נאך. ועח"ל) דערמאנט אים נישט איז נישט קיין ראי' ווייל בחייו (ליין די היסטאריע ביכער) איז ער געווען גאר קליין און איז געווען אין א שווערע צייט פאר אידן, וואס עס האבן זיך טעגליך געיאוועט צענדליגער אזעלכע משוגעים וואס האבן געהאט גרויסע פאנטאזיעס אז זיי גייען אויסלייזן די אידן. ער האט נאר געהאט מזל אז מיט א הונדערט יאר שפעטער איז געקומען "פאול" און אים געמאכט פאר וואס ער איז היינט.

עס איז נאך דא אסאך צו שרייבן וועגן דעם נושא, אבער איך האלט אינמיטן צוגרייטן א ערשטהאנטיגער באריכט איבער די ציונים וואס האבן אנגעווערטשאווט דא ביי אונז אין געגנט.... ימ"ש... איך האף עס נאך היינט צו לייגן

דיפלאמאט

עס שטימט נישט מיט די יארען.

דאכט זיך מיר עס איז דא א 150 יאר געפ.

באטשי שרייבט: "דאס איז אין א דור ווען עס זענען געוועהן אסאך שרייבער ווי יוסף בן מתתיהו".

ווער עס קען אביסל היסטאריע ווייסט אז פונקט קאפויער, אין יענע תקופה איז כמעט נישט געווען קיין שרייבער, יוסיפיון איז געווען פון די איינציגסטע און דערפאר האבען אים די רומים איינקוואטירט, וואס טאקע צוליב דעם איז נישט אלעס וואס ער שרייבט קען מען אננעמען בנאמנות כידוע.

דזשיד זאגט א אמת'ע נקודה, ווי מער קאנטראווערסיע עס דרייט זיך ארום א פילם, אלץ מער זענען די אויסזיכטען אז עס זאל מצליח זיין ווייל עס באקומט קאווערעדזש (אדווערטייזינג) בחינם, ופעשאן אף די קרייסט יוכיח.