ס'איז געווען אויסטערליש א שיינער שבת ב"ה, ס'איז געווען ממש וואונדערליך אז דער עולם איז מיט גארנישט אפגעשטאנען ווי פאריגע וואך, בפרט ביים טיש וואס איז געווען אזוי שפעט.
די טיש איז געווען גרעסער אויסגעשטעלט, מיט מער פלאץ ווי פאריגע וואך, אבער ביי קידוש איז ווייטער געווען איבערגעפולט. ס'איז געווען אויסטערליש א ווארעמער טיש אזויווי נאר רבינו שליט"א קען אהערשטעלן.
ביי ש"ס איז ווייטער געווען אזויווי פאריגע וואך די גאנצע ביהמ"ד, און ס'איז געווען ווייטער איבערגעפאקט, א גרויסער עולם איז שוין געשטאנען אויף זייערע "מקום קבוע'ס"...
די זמירות איז געווען ממש מעין עולם הבא, מיט דעם נייעס סיסטעם וואס האט געברענגט א געוואלדיגן קאך און ווארעמקייט ביים הערן די הייליגע שטימע פון רבינו שליט"א נאך יעדן שטיקל. דער ה' מלך איז נישט צום באשרייבן.
די תורה איז ווייטער געווען א ווארעמע תורה, כאטש שוין נישט מיטן שובבי"ם נוסח, דער רבי האט ארויסגעברענגט אז דורך לימוד התורה קען יעדער איד צוקומען צו זוכה זיין "לשעבד בזה תאות ומחשבות לבינו" וואס איז באמת נאר געזאגט געווארן ביי די בני עלי'.
|
|
