איך זע נישט דא קיין אנטי ציוניזם, אדרבא, איך זע דא פארמישט אסאך באהאלטענע גיפט.
דעם שרייבער'ס פראבלעם איז נישט מיט מדינת ישראל אין אלגעמיין, זיין פראבלעם איז נאר אז מען זאל נישט אנקוקן אידן אז זיי האבן א דאפלטן לאיאליטעט, און בעפארצוגן די 'אידישע' מדינה איבער זייער אייגענע מדינה.
אבער די אידן אין ארץ ישראל, זיי מעגן יא אנערקענען א מדינה, ביי זיי איז נישטא קיין פראבלעם ווען זיי רעדן פון 'אונזער' צה"ל וואס שלאגט זיך פאר 'אונזער' מדינה.
דאס איז אין איינקלאנג מיט די אלגעמיינע פילאזאפיע פון די אגוד'יסטן אז "מדינה שאני", ציונות אלס קאנצעפט איז טאקע א פראבלעם, אבער נאר די פרייע ציונות, נאר די סארט ציונות וואס שטעלט אהער די אנגעהעריגקייט צו אידישקייט אין "ארץ ושפה", דאס איז דער פראבלעם פון ציונות. אבער דאס עצם אויפשטעלן א מלוכה פאר ביאת המשיח מיט דעם האבן זיי אינגאנצן נישט קיין פראבלעם. די העברה אויף די שלש שבועות עקזיסטירט נישט ביי זיי.
און דאס איז די גרעסטע ציונות וואס קען נאר זיין !
|
|
