עס איז שוין צייט פאר א ברוך שפטרני פין די עדה

KJ, כ'וועל דיר זאגן דעם אמת, ביסט א חידה פליאה.

דו האסט געפירט אן ענליכע מערכה פאר די ווילידזש עלעקשאנס אין קרית יואל, אויף די פארום "אידישע נייעס אפסטעיט ניו יארק". מיט איין נאמען האסטו געשריבן ווי אן אהרוני און מיט די צווייטע נאמען האסטו געשריבן ווי אן אלייענס שטיצער וואס עקט ווי אן אהרוני.

מען האט תיכף דערקענט ווער דו ביסט ווייל דו האסט גענוצט די זעלבע סגנון הלשון און די זעלבע גרייזן ביי ביידע דיינע ניקס. (למשל, דו ביסט דער איינציגסטער אויף היידפארק וואס ספּעלט ווילידזש מיט די גרייזיגע אויסשטעל פון "ווידלעש" און האסט געשריבן די זעלבע גרייזיגע אויסשטעל ביי ביידע דיינע נעמען).

די זעלבע זאך טוסטו דא. דו האסט איין נאמען מיט וואס דו ביסט אן אהרוני און אן אנדערע נאמען ווי דו שרייבסט ווי א זאלי וואס עקט ווי אן אהרוני.

וואס דיין חשבון איז מיט'ן פירן אזא ווירטשאפט ווייסטו און איין איינציגער באשעפער.

וואס הייסט ברוך שפטרני? אונז האמיר עפעס מיט די עדה אדער די עדה האט מיט אונז. אונז זעמיר קיינמאל נישט געלאפן צו די עדה אז זיי זאלן אונז העלפן, אונז האמיר נאר אלעמאל געוואלט אז זיי זאלן בלייבן שטיל און זיך נישט מישן. אזוי איז געווען די גאנצע זיבן יאר, מהחל ועד כלה. אפילו יעצט ביי די פרשה אין בני ברק האט מען אפילו נישט געקאלט ר' יצחק טובי' בעטן אז ער זאל רעדן צו זיי, נישט נאר ווייל מ'ווייסט אז ער גייט גארנישט אויפטון, נאר אויך ווייל אונז דארף מיר זיי נישט האבן. אויב מ'וועט איינמאל בעטן פון זיי א קלייניקייט, וועלן זיי גראד וועלן ווערן באלעבאס אינגאנצן אויף סאטמאר. די פאקט איז אז די גרעסטע גדולי התורה אין היינטיגן דור זענען אין די עדה, אזעלכע לייבן ווי רבי משה שטערנבוך, רבי מאיר בראנדסדארפער, און רבי אברהם יצחק אולמאן, און אפילו די דריי נייע חברי הבד"ץ איז נישטא אין די גאנצע וועלט, נישט נאר ביי די סאטמארע קרייזן נאר אפילו ביי די ליטווישע, פון די אגודיסטישע איז אפגערעדט. און די טרוקענע פאקט איז אז די אלע זענען שטארק גענויגט צו סאטמאר נאכן אנערקענען אין די געוואלדיגע גדלות פון רבי'ן שליט"א, אפילו הרב אולמאן וואס די סיגוטער טרייען אים צו נעמען פאר זיך האט געזאגט תשס"ג נאכדעם וואס דער רבי איז דארט געווען און געהאט מיט אים א לענגערן הלכה'דיגן שמועס, אז ער פארשטייט נישט וואס איז די פארמעסט בכלל (ער קען דאך גוט דעם סיגוטער וואס האט געקוואקעט אפאר יאר אין די זשופניק מקוה). אין אמעריקע אויב עמיצער קען זיך אריינשטעלן אין זייער קאטעגאריע איז עס רבי מענדל זילבער, רבי געציל בערקאוויטש, רבי בנימין לאנדא פון טאש-ב"פ, רבי מיכל שטיינמעטץ פון סקווער-ב"פ און נאך אפאר, וואס אלע זענען מער ווייניג גענויגט פאר סאטמאר, ווייל זיי אנערקענען דעם רבינס גדלות בתורה. די איינציגסטע פראבלעם מיט די עדה איז, אז ס'איז דא דארט א גרופע פון תולדות אהרן וואס האט געמאכט א יד אחת מיט גרשון שטעמער און זיי פירן די זאך, לעצטנס האבן זיי אויך אריינגענומען אפרים שטערן, און אפילו שמעון ווייס ארבעט אויך היפש מיט זיי, אפילו ער איז יא אביסל גענויגט צו סאטמאר. און זייער איינציגסטער כח איז אז זיי האבן אריינגעכאפט ר' טובי', וואס איז א פריש אנגעקומענער תמים פון אנטווערפן, וואס קען נישט די שמוציגע ירושלימער פאליטיק, און ער האט זיך איינגערעדט אז גרשון שטעמער'ס מיינונג איז די מיינונג פון רוב ירושלימ'ער אידן. און אזוי נוצן זיי אים אויס אלס שטעקן פאר זייערע שמוציגע אינטערעסן. אבער די עדה איז נישט שייך צו דראפן, די גדולי תורה פון די עדה דארף מען נישט דראפן, זיי זענען פולי אונזערס (אזויווי מ'האט געזען ביי די הספדים ווי אלע זענען זיי געקומען רעדן צו אונזער ביהמ"ד אין ירושלים, אפילו נאך אפרים שטערנס משה פרידמאנס און יוסף90'ס שרעקליכע טעראר), די חברי הנהלה פון די עדה וואס זענען גרייט צו באגראבן די עדה פאר סיגוט/תולדות אהרן האט מען שוין לאנג געדראפט.

עס איז מיר שוין לאנג אינטערסאנט פארוואס פינקט די ניק פין KJ VILLAGE  ווערט באשילידיגט, אז אינטער דעם שטייט א זאלי
בשעת מיינע אנדערע צוויי ניקס וואס איך שרייב דערמיט כסדר, ווערט פאר רעכענט אלץ איינע פין די גאר גאר שטארקע ארונים

איך מאך נישט קיין עסק דערפין, וויבאלד איך האב ב"ה נישט באצאלט פאר די ניק, עס איז אומזינסט,
איך האב נישט קיין פרענזעליכע געלט שאדן וכדומה ווען מען אטעקירט עס
איך האב נאר יעצט געמאכט א גרינטליכע איבערזיכט אויף די ניק, אין איך בין נישט ארויסגעקראכן פארוואס עס ווערט אנגעריפן אלץ א זאלי

עולם כמנהגו נוהג, ארענדאר, איך האף אז די וועסט זיין דער גיטער שומר צי זען אז קיינער זאל זיך ח"ו נישט ארייינכאפן אין מיין נעץ

זע צי זיין אמאל אביסל אויפגעלייגט, דער לעבן איז נישט אזוי שלעכט
אפילו מען דערלייגט אמאל, דארף מען וויסען אז עס איז דא גיטע זייטן אין יעדע זאך

ארענדאר, הייב אן צי קיקען פאזאטיוו, וועסטע זען אז דיין מהלך החיים וועט זיך טוישען

דער קעי דזשעי ווילידזש איז א זאלי, לאזט ענק נישט אריינכאפן אין א נעץ.