אט לייג איך א מזל טוב וואונט פון אונזערס א פריינט וואס האט דאס געשריבן ביי א פריערדיגע שמחה בבית זשובוי:
מזל טוב! מזל טוב! מזל טוב!
לכבוד דיר החתן המושלם בין איך איך ארויס געקראכען פון מיין ריטייערמענט דאכענע, אפגעשאקעלט די פעדערן, אנגעטוהן די שעלקעס, פארשנירט די שטעק שיך, אויסגעבלאזן די נאז, מקנח געווען די וואנצעס, מתקן געווען דעם קשר אין זקן העליון, ארויפ גערוקט די בריל נענטער צו די אויגן ברעמען, פארקנייטש די פארטשיילע, אויסגהוסט, אויגענוסט, אויסגעקרעכצט, אויסגעשפיגען אוין אראפגעשלינגען, אפגעגאסען און אויסגעגאסן, זיך מכין געווען געוועהן, געזאגט די תפלה במקום מקווה אין די תפלה במקום קדיש וברכו, והנני.
דער באשעפער זאל אייך העלפן (דיך, דיין כלה, דיינע עלטערן, אירע עלטערן, אין כל הקהל הקודש הזה) איער זיווג זאל עולה יפה זיין, ותזכו לבנות בית נאמן בישראל.
אזוי ווי איך ווייס נישט ווען איך וועל מיך נאכאמאהל אויסקראצן צו גיין שפאצירן אין היגען פארק, וויל איך דיר ביי דער געלעגנהייט שוין ווואונטשן אויף להבא.
די חתונה זאל זיין בשעה טובה ומוצלחת
מזל טוב!
דער ברית זאל זיין בעתו ובזמנו
כשם שנכנס לברית כן יכנס לתורה ולחופה ולמעשים טובים (זאלסט נישט פארגעסען ביי קריאת השם צולייגן א "ניק")
מזל טוב!
בת תחלה סימן יפה
תזכו לגדלה לבעל תורה ולחופה ולמעשים טובים
מזל טוב
כשם שנכנס למצוות כן יכנס וכו'
מזל טוב
דער זיווג זאל עולה יפה זיין
מזל טוב
האבן אזאך נחת פון דעם איינקל אין פון אלע
מזל טוב
העכסט צייט צו ריטייערן
מזל טוב
ער טאנצט נישט מיט קיין בעזעם, נאר מיט א וואקיום קלינער
מזל טוב
ערשטע איר איינקלס חתונה?
מזל טוב זיידע!!!!! ( הויך! ער הערט שווער)
אוי וויי, דז'ובוי? ביזט זיכער ?
כ'געמיינט דער בחור האט פארגעסן פון אים?
ווי אלט איז ער געוועהן?
נו! קיין יונגערער זאל נישט שטארבן
ת.נ.צ.ב.ה
(נ.ב. ווער עס גייט כאפן ווער האט דאס געשריבן וועט באקומען א הויפן פון באלאנען ).
 |
|
|
