שלום עליכם: א נייע עפאכע

נאך די פארלאנג פון מיין חשוב'ע קאלעגע, בא ללמד, אז ער וויל זיך געזעגענען פון דעם פארום בכי טוב, האב איך מסכים געווען אנצונעמען די פירערשאפט אין דעם פאפולערסטן פארום ביים היימישן עולם. איך בין אלעמאל דא געווען צו פרובירן יעדן צופרידן צו שטעלן, און איך בין ווייטער דא נאר אז ענק זאלן אלע זיין צופרידן. און כדי די פארום זאל זיין צוגעשטעלט מער צו מיין געשמאק, און נאך די רעזיגנאציע פון אונזערע געטרייע קאלעגעס מקוה איד און wassa dif, וויל איך אראפשטעלן מיינע פרינציפן בנוגע די ווייטערדיגע פירערשאפט פון דעם פארום. איך וועל גארנישט אראפנעמען פון די פאליסיס וואס בא ללמד האט פארלאנגט און איינגעפירט ביים אנפירן דעם פארום, איך בין נאר אינטערעסירט אביסל צו טוישן דעם ביז יעצטיגן אויסזען פונעם פארום. אנשטאט ווי ביז היינט ווען די פארום איז געווען ריין פאר פאליטיק, בעיקר פאר איין זייט אין סאטמאר, וויל איך צוערשט דא לאדענען יעדן איינציגן וואס וויל זיך אויסגעבן פאר סיי וואסערע פאליטיק, אהרונים, זאלונים, באבוב 45, באבוב 48, צאנז, צאנז קלויזענבורג, and so on. יעדער איז העפליך געלאדנט צו קומען דא אויסגעבן זיין בויך ווייטאג, בתנאי אז עס איז אויף א נארמאלן באזעסענעם שטייגער, אלעס אזויווי עס וועט שפעטער געמאלדן ווערן אין די תקנות! דאס צווייטע וואלט איך געהאט שטארק חשק אז דער פארום זאל נישט זיין באזירט בלויז פאר חסידישע פאליטיק, נאך אלעם דארף עס רעפלעקטירן "די גאנצע וועלט", און איך וויל אז מען זאל זען דא מער וועלטליכע נייעס אויכעט. איך האב אלעמאל געהאלטן אז ס'דארף זיין א פלאץ אויף אידיש וואו מ'זאל קענען זען וועלטליכע נייעס, אז מ'זאל נישט דארפן קריכן אויף פרעמדע פלעצער צו זען די נייעס. חדשות אנ"ש איז געווען שטארק אויסגעצייכנט אין דעם, און איך האב אליינס געהערט - אלס מנהל משנה אין חדשות אנ"ש - פון מערערע מענטשן אז זיי האבן אויפגעהערט צו קוקן ביי די נייעס וועבסייטס אדאנק חדשות אנ"ש. און איך האב שטארק חשק צוריקצוברענגען יענע צייט. ברכה והצלחה און א גוט געבענטשט יאר פאר אונז אלע.

וואס קענסטו טאן אז די סאטמארע גולשים ווילן מער נישט פירן קיין פורום'ס. פון פרעמדע קענסטו נישט ערווארטן זאלן פירן אן עקסקלוסיוו סאטמארע פורום.

און בכלל זעה איך נישט קיין פראבלעם דערמיט, בחדרי חרדים איז די מערסטע סוקסעספולע פורום, און אלעס גייט דארט, ווילאנג מ'שרייבט נארמאל, עווענטועל וועט כל העולם כולו זיין די אידישע בחדרי חרדים...

אמת, אוודאי איז גוט ס'זאל דא זיין אויך אלוועלטליכע נייעס.

מיין פוינט איז: איך האב גענוג איבערן קאפ מיט מיין קהלה נייעס, איך ברויך נישט באבוב, קראסנא, סקוועיר, און בעלז.

יישר כח פארן מיך אויסהערן

וואס איז אזוי גוט צו ארומלויפן צו מערערע פורום'ס?

איז נישט בעסער צו האבן אלעס קאנסאלידעיטעד אויף איין פורום?

דו וועסט ווייטער קענען קוקן און לייגן דא די נייעס פון דיין קהילה. איך בין נישט אינטערעסירט צו מאכן א צווייטע חדשות אנ"ש. אויב עפעס וויל איך מאכן א צווייטע "חדשות אנ"ש בארה"ב ובעולם", נאר אן די צודרייטע אטאקעס וואס מ'האט דארט געזען יעדן מאנטיג און דאנערשטיג. איך בין אויסדריקליך אינטערסירט אז מ'זאל ווייטער שרייבן דא פאליטיק, פון אלע ביידע זייטן פון סאטמאר, און פון אלע אנדערע קהילות. איך ווייס אויך אז ס'דארף זיין אזא פארום אויף היידפארק. אבער איך וויל אויך זען דא וועלטליכע זאכן, וואס איז בעצם "מיין" געשמאק און ציל פון זיצן אויף היידפארק.

סארי, איך האלט נישט דערפון.

פאר נייעס קוק איך "חדשות אנ"ש", פאר מיין קהלה, קוק איך דא. איך בין נישט צופרידן מיט דעם טויש.

דו ביסט מנהל, דו טוה וויאזוי דו פארשטייסט, איך לאז נאר הערן מיין קול.