פאפא רב: דער ברך משה זצ"ל בעט מיך "מאך שלום"

אין 'בקהילה' דעם סוכות (אינעם ביילאגע 'קולות') איז דא א אינטערעסאנטע שמועס מיט פאפא רב הגה"צ הישיש ר' יעקב יצחק ניימאן שליט"א אב"ד בעלזא במאנטריאל, ווי ער דערציילט אז אין חנוכה תשמ"ב! האט אים דער ברך משה זצ"ל איינגעלאדנט אויף א דיסקרעטע שמועס, און ביי דער אוועזנהייט פון איינער פון דעם רבינ'ס קינדער האט ער אים געבעטן 'טו אלס וואס מעגליך כדי צו ברענגען צו א שלום צווישן מיר אין דעם בעלזער רב (יבלחט"א)' דער רבי האט אים דאן געזאגט: 'איך בין א בעלזער חסיד, דער פריערדיגער בעלזער רב ז"ל איז געווען מיין סנדק, איך בעט אייך זעה צו מאכן שלום'

נאך א אינטערעסאנטע זאך דערציילט דארט דער פאפא רב, אז אין תשט"ז ווען דער דברי יואל איז געקומען קיין מאנטריאל אויף א שבת האט ער ערהאלטן א טעלעגראם פון רבי שלום פויגל ז"ל ווי ער מעלדט אים בשם כ"ק מרן מהר"א מבעלזא זי"ע אז 'למען השלום זאל ער גיין צו די טישן פון'ם סאטמארער רבי'ן אזוי ווי אין די פריערדיגע יארן'

מען רעדט און מען רעדט פון שלום מיט בעלזא. איך וויל פארשטיין וואס דאס מיינט: 1) הנהלת העדה וועט גיין צו בעלזא שמחות. 2) עדה החרדית קרייזן, ובתוכם סאטמארע אידן וועלן ליב האבן בעלזא. (און וואו וועט עס אויסקלאפן?) 3) בעלזא רבי וועט אריינגיין אין די עדה החרדית. 4) בעלזא וועט זיין ווי וויזניץ וואס ווערט קאלט באריכטעט אין די סאטמארע צייטונגען, אבער אינערליך שטייט סאטמאר ווייט פון זיי צוליב השתתפות בבחירות און נעמען געלטער פון די מדינה. מיט וואס וועט זיך בעלזא צושטעלן? 1) בעלזא רבי וועט אראפקומען קיין קרית יואל איבערבעטן מרן הגה"ק מסאטמאר זצ"ל ביים ציון פאר זיין באקאנטע שטייעדיגע דרשה. 2) ער וועט האלטן א דרשה אז ער האט נישט געמיינט און נישט געוואלט. 3) בעלזא וועט אויפהערן גיין צו די בחירות, און נעמען געלטער. 4) בעלזא וועט גארנישט אויפגעבן, חוץ זייער שנאה אויף סאטמאר. (און וואו וועט עס אויסקלאפן?) ====== לדעתי, באשטייט די מחלוקת פון צוויי הויפט סיבות, איינס שלום פויגעל פרשה, און איינס צוליב בעלזא רביס דרשה. (פארשטייט זיך אז דאס איז נאר א פועל יוצא, אבער אין פאקט איז סאטמאר ברוגז אויף דעם). ארויסצונעמען גאנץ סאטמאר פונעם ביז יעצטיגן צוגאנג צו בעלזא, איז בלויז פארהאן איין וועג. אויפצוהערן צו גיין צו די בחירות און נעמען געלטער. און איבערבעטן מרן הגה"ק מסאטמאר זצ"ל. סתם שלום מאכן מיט בעלזא סימבאליש (איך ווייס נאכנישט וואס דאס מיינט) וועט ברענגן נאך מער רייבערייען אין סאטמאר. און די עדה וועט פארלירן עטליסט האלב סאטמאר! ===== בקיצור, פון וואס רעדט מען דא?