די פארגאנגענע וואך דאנערשטאג פרשת תולדות, November 23 2006, שוין נאכדעם וואס רב בעלסקי האט גע'חתמ'ט אויף זיין בריעוו אז מ'האט נישט געטראפן "אף שמץ קטן מחלב כלל וכלל", האט רב בעלסקי געהאלטן א שיעור אויף חושן משפט, און דארט פארציילט פאר שומעי לקחו - אויף ענגליש - די גאנצע מעשה וואס ס'האט פאסירט.
זיין שיעור איז רעקאדירט געווארן, און מ'קען עס באקומען אויף די פאלגענדע טעלעפאן נומער:
--------
לאמיר צוזאמען אויסהערן ווי אזוי ער פארציילט די מעשה. (לטובת החברים בהייד-פארק האב איך איבערגעטייטש זיינע ווערטער אויף אידיש, מלה במלה.)
וזה לשונו (המתורגם):
"מיל-מארט, וואס מאנכע מאל איז עס באקאנט אלץ סאטמאר פלייש, נירבאטער פלייש...
די אינצידענט וואס האט פאסירט, אז איינער האט געקויפט לעיבער, געטרייבערטע לעיבער - דאס מיינט אויסגערייניגט פון אלע פעט'ס (fats) און שאלה'דיגע חלקים.
ס'איז פארהאן איין קליינע spot נעבן די שפיץ פון די לעיבער, וואס כמעט אלעמאל ווערט אפגעשניטן ווען די לעיבער ווערט ארויסגענומען פון די בהמה... דארט, ביי די שפיץ פון די לעיבער, איז עס באהאפטן צו די point פון די רעכטע כליה (kidney).
אין דעם מקום איז פארהאן א געוויסע מאס "חלב הכליות". דאס איז איינע פון חלבים וואס איז אסור מדאורייתא...
געווענטליך ווען מ'נעמט ארויס די לעיבר פון די בהמה, קומט דער שטיקל חלב נישט מיט. פארוואס? ווייל דער ארבעטארער וואס נעמט ארויס דעם לעיבער, האט א מעסער אין זיין האנט! און צושייד דעם לעיבער פון די בהמה, און ער שניידט עס ארויס ביי דעם צוזאם-טרעף פונקט, ווי עס איז באהאפטן. און כמעט אלעמאל ווערט דאס אפגעשניטן א האלבע אינטש אריין אין די לעיבער (וואס איז מיט חלב הכליות).
אמאל אמאל פאסירט, אז דער מעסער גיט זיך א פארדריי, צוליב א פראקטישע רעפלעקסישע אקציע, און שניידט דורך א קליין ביסל פון די מאטריאל פון אינטער די לעיבער. דעמאלסט קען פארבלייבן א spot פון "עפעס" (קרי: חלב הכליות!!!) צוגעקלעבט צום לעיבער, אזוי גרויס ווי א האלבע נאגל פון די פינגער, אדער ווייניגער.
דאס אלעס נאר צוליב דעם "מעסער" וואס פרובירט עס אפצוטיילן.
דער ארבעטארער האט דורכגעלאזט איין לעיבער, ווי ס'איז פארבליבן א קליינע Spot (קרי: חלב הכליות!!!)...
דער לעיבער איז דורכגעגאנגען דעם ערשטן שטאפל פון פאקונג (packaging) און דער קליינער Spot איז איבערגעבליבן דארט...
אזעלכע קליינע זאכן פאסירן כסדר, מ'פאררעכט זיי, און מ'גייט אן ווייטער מיט'ן לעבען.
מ'גט זיך נישט צוליב אזעלכע קלייניקייטן...
עמיצער איז אריינגעקומען צו מיר און געוויזען דעם לעיבער, האב איך איהם געזאגט: ריכטיג (קרי: ס'איז טאקע חלב הכליות), איך וועל זיך תיכף פארבונדען מיט'ן רב המכשיר, און ביז פינף מינוט וועט אלעס ווערן ארלעדיגט... מ'וועט נאכאמאל מזהיר זיין די משגיחים און ביז מארגן וועט אלעס ווערן ארלעדיגט...
אזוי נעמט מען קעיר (care) כסדר, אלעמאל, פון אזעלכע פראבלעמען.
מ'האט נאכגעזאגט אין מיין נאמען, אז רב בעלסקי זאגט, ס'איז חלב דאורייתא און ס'איז טעריבעל (terrible). דער פראבלעם איז אבער, אז מ'האט גענומען א קיטשען סיטואציע (kitchen situation), און מ'האט עס איבערגעדרייט צו א נאצינאלע סקאנדאל...
דאס איז דער גאנצער פראבלעם....
עד כאן העתקה מדברי רב בעלסקי.
איך האב נאר איין פראגע: ווי אזוי שטימט דאס מיט זיין בריעוו (ווי אויך דעם באטערער'ס בריעוו), ווי זיי שרייבן קליפ און קלאהר "אין בו אף שמץ קטן מחלב כלל וכלל"?
