הרב מאנגל געמאפט קיין קרת יואל

פאר די לעצטע בערך 10 יאר הער איך יעדעס יאר אז היי יאר איז דא א מאנגל אין מצות, ס'איז געווארן אזא מנהג ישראל צו ערקלערן א מאנגל אין מצות איך פלעג מיך יעדעס יאר פאר סח אזוי נאך שלענגלען נאך רבי יודל ע"ה און נאכער נאך ר' דוד ראזענבערג אין זיך געבעטן פאר א מצות און איך האב נאר געהערט דעם באקאנטן פזמון אז היי יאר איז דא א מאנגל אין מצות,  

למעשה היינט צו טאג בין איך געווען ביי די מצה בעקערי אין קרית יואל און וואס מיינט איר האב איך געהערט היי יאר איז דא א מאנגל אין מצות. איך בעט מיך ביים מנהל פאר 20 פונט מצות אבער איך הער נאר דעם זעלבן פזמון ווייסטו דען נישט אז  היי יאר איז דא א מאנגל אין מצות, ער האט מיר געוואלט א טובה טוהן אט ער צוזאם געקראצט 8 פונט און דערלאנגט מיר דאס, איך האב מיך אויפ גערעגט אויף אים און געטענה'ט פארוואס פראדעצירט איר נישט מער מצות, און צו מיינע טענות האב איך געהאט א גאנצע חבריא מיט משוררים א קיימא לן פון אריבער 40 מענטשן וואס האבן פארפירט און געשריגן פארוואס מען פראדעצירט נישט גענוג מצות, איר האט געדארפט העכערן די פראדאקציע מיט כאטשיג 25 פראצענט האט דער עולם פארפירט, ענטפערט דער מנהל מיט א שמייכל, מיר האבן געדאפלט די פראדאקציע פון פאר א יאר און איר זעהט אז ס'איז נישט גענוג.

בדלית ברירה בין איך פון דארט  אראפ געפארן קיין וויליאמסבורג צו מיין אלטן ידיד ר' דוד ראזענבערג, און איך חזר מיר שוין דעם ניגון  היי יאר איז דא א מאנגל אין מצות, איך קים אן איך שפאציר אריין קומט מיר א קעגן ר' דוד און גיט מיר א ברוך הבא אזוינס און אזעלעכס ווי עס פאסט זיך פאר אזעלעכע אלטע ידידים, פארגעסט נישט אז יעדעס יאר בין איך דאך עם נאך געלאפן פאר עטלעכע שעה און זיך געבעטן פאר מצות, נו, האבן מיר שוין ערווארבן אזא מין פריינדשאפט, ר' דוד פרעגט מיך נו יענקעלע וויפיל מצות דארפסטו היי יאר, מיינע הענט הייבן אן צו ציטערן מיין געזוכט ווערט בלאס און מיט א ציטערדיקע שטומע הייב איך עם אן מסביר זיין אז איך דארף 20 פונט מצות, איך האלט מיר די הענט אויפן פנים זיך געגרייט פאר א געזינטן פסק און זיך גערישט אויפן באקאנטן ניגון, ווייסטו דען נישט אז היי יאר איז דא א מאנגל אין מצות, אבער וואס זאל איך אייך זאגן את אשר יגורתי לא בא, ר' דוד נעמט מיך אריין און שלעפט צוזאם 8 באקסעס פון דריי פונט און גיט מיר דאס אהין, ר' דוד געב איך עם א זאג איך דארף נישט מער פון 20 פונט, דאנט ווארי זאגט ער מיר, איך וועל דיר נישט רעכענען נאר פאר 20 פונט, אבער בעט איך מיך צו עם אז אפילו פאר די 20 פונט האב איך געוואלט בעטן א הנחה ווייל פרנסה איז לעצטענס גאנץ שוואך און מיין לענדלארד האט מיר דזשאסט געהעכערט דעם רענט, און די פרייז פון היטינג דארף איך אייך דאך נישט זאגן, סא, ר' דוד האלטס אייך די איבעריגע 4 פונט און גיט מיר זייטץ אזוי גיט עפעס א הנחה אויף די מצות,

וואס זאל איך אייך זאגן, ר' דוד דעלאנגט מיר דעם חשבון פאר 20 פונט מצות מיט א דיסקאנט פון גאנצע 25% , און זאגטס פאר קיינעם נישט אויס, ער האט מיר נאך צו געשטעלט אויסער די עקסטערע 4 פונט מצות 2 פונט מצה מעהל, דאס איז פאר אחרון של פסח זאגט ער מיר מיט א זיס שמייכל, א זיס לעבן אויף אייך רבי דוד, געבענטשט זאלט איר זיין, און געבענטשט זאלן זיין די אריזאנא ווייץ וואס א דאנק זיי האב איך און נאך צענדליגע אדער גאר הונדערטער אידן מצות חצי בחינם.

אלזא מאנגל האט געמאפט קיין קרית יואל...

יענקעלע   אזוי ווי אייביג

אבער ריש דיך באלד צו באקומען א הייס טעפעל קיתון של שופכין פון מר. יודעלע שחמט וכו'...
אין אן אנדערען אשכול פראבירט ער נעבעך פארצווייפלטערהייט אראפ צומאלען ווי כאילו דער מצה בעקערי אין קרית יואל איז סטאק מיט מצות נעבעך נעבעך, אין ווי גוט די וומסער מצה בעקעריי גייט, די אריזאנע ווייץ האט געמאכט א מהפכה אינעם עולם התורה היהדות ווי עס איז נאר דא אן ערליכער יוד איז ער מהדר צו נעמען דייקא אט די ווייץ, אין דאס קרענקט דעם נעבאכדיגן מרהשחורהדיגן זאלי... אזוי קוקט מען אויס ווען מען לעבט אין עולם הדמיון...