ברעקינג! ברעקינג! בית יהודי אונטערגעצינדן

גוטזאגער, איך קען דא אריינגיין און זיך טענה'ן מיט דיר איבער דעם ענין פון גיין קיין איראן ביז מארגן נאכן קוגל. נאר עס פעלט די אויס ווייל כבר הלכו בו נמושות מען רייסט זיך שוין ביי די בערד און ביי די נעזער איבער דעם אגאנץ ווינטער.

די נקודה דא איז זייער פשוט. איעדער מעג און דארף פאלגן זיין רב און דעת תורה. וויפיל עס שמעקט די יא אדער נישט איז נישט קיין נ"מ, אבער א איד וואס פאר עטליכע אין זעכציג יאר טוט ער נישט עפעס אנדערש ווי לערנען און דאוונען און דינען דעם אייבערשטן, - כאטש איך בין אויך נישט מסכים מיט אלעס וואס ער טוט - בלייבט ער נאך אלץ א דעת תורה. ס'שמעקט דיר נישט? טו בעד.

ר' משה בער איז נאך אזא דעת תורה ווי סיי וועלכער רב (אדער נאר כמעט סיי וועלכער) וואס געט הכשרים אויף די מאכלים וועלכע די עסט (אנטשולדיגט אויב ביסטו פון די געציילטע וועלכע עסן נאר היימיש, דעמאלס האב איך געמיינט דיין שכן פון רעכטס און פון לינקס, פון אויבן און פון אונטן אא"וו), און די מענטשן האבן געהאט אלע רעכטן צו פאלגן זייער רב און דעת תורה.

און דאס אז מען דארף אונטערברענגען מענטשן וועלכע פאלגן זייער רב און גייען נישט אין שפאן איז טאקע נישט קיין נייע זאך. אבער קיין שום רב האט נאכנישט גע'פסק'נט אז מען מעג פארברענען א בית המדרש מיט ספרי תורה, תפילין, מזוזות, ספרי קודש ועוד ועוד. איז ממילא דא האסטו מיין תירוץ פארוואס דארט האב איך נישט פארפירט, ווייל איך בין נישט מוחה ווען אידן פירן זיך לויט ווי זייער רב הייסט זיי, אבער דא פארפיר איך יא ווייל קיין איין רב האט נאכנישט געהייסן אונטערצינדן בתי מדרשים מיט די ספרי תורה און תפילין. און אויב עס איז טאקע יא דא אזא פסק, נאר איך ווייס פשוט נישט דערפון, מיין איך אז עס פעלט שוין נישט אויס מוסיף צו זיין קיין איין ווארט, ווי די צייטונגען וואלטן געשריבן ביי אזא זאך "קאמענטארן זענען איבריג".

ווען אפאר מטורפים האבן געמאכט א שרעקליכן חילול השם און התגרות באומות מיט'ן זיך קושן מיט אמעריקע'ס גרעסטע פיינט האב איך נישט געהערט קיין ווארט פון דיר.

ס'איז טאקע זייער א שטארקע ווייטאג וואס מען האט געטאן מיט ספרי תורה, תפילין און מזוזות, אבער ס'איז אויך א שטארקע ווייטאג ווען אידן טוען דאס וואס זיי האבן געטאן אין טעהראן, און דאן האסטו געשוויגן.

די איינגעגעסענע דערביטערניש און שנאה פון אמעריקע צו טעהראן האט נישט קיין שום שייכות מיט מדינת ישראל, ווי די הייפעלע משוגעים ווילן איינרעדן די וועלט, נאר איז א רעזולטאט פון די לאנגיעריגע אגרעסיע פון די איראנער קעגן אמעריקע, אנגעפאנגען מיט די משכונות אקציע, וואס איז געווען א ביטערער פּיל פאר אמעריקע און אמעריקע האט עס נאך אלס נישט מוחל געווען פאר די איראנער, אלזא ווען ס'קומען א גרופע רשעים און מחלל שם שמימניקעס און שטעלן זיך אויפן זייט פון אמעריקע'ס שונא איראן. איז נישט פארהאן קיין שוידערליכערע מחזה ווי דעס.

טייערע אידן ס'איז שוידערליך צו וועלכע מצב מען האט זיך דערקייקלט, איך בין יעצט דארט געווען, שטייען מענטשן אנגעטוען ווי פרומע אידן און ממש מ'טאנצט פאר שמחה. עס גלייבט זיך גארנישט, פארברענט בידים א אידישע הויז, א בית המדרש, פסול געמאכט עטליכע ספרי תורה, פארברענט כמה פאר תפילין, צענדליגער מזוזות טויזנטער ספרי קודש וכתבי ידות אין חידושי תורה פונקט אזוי ווי די נאציס (און די ציונים), און מען טאנצט גאר פאר שמחה, איך קען מיך נאכנישט צוזאמנעמען מיינע מחשבות צו טראכטן אפילו געהעריג נאך זען אזא שוידערליכע מחזה.

דער רבונו של עולם זאל רחמנות האבן.

ספרי תורה ווייסט מען נאך נישט, תפילין ליידער נישט.

מענטשן זענען ב"ה אלע ארויס.

די מענטשן וואס האבן געטראפן דעם פייער זאגן אז די טירן צו דעם צימער זענען געווען פארקלאפט מיט טישן און בכלל די גאנצע מעשה שמעקט פון ארסען.

קרעדיט: עיניםטובות

האט מען געראטעוועט די ספרי תורה און
תפילין פון דעם בית המדרש?