וואס גייט פאר אין באבוב?
אלע האבן שוין געהערט פין די לעצטע פסק בית דין אין באבוב מיט די אפלעיקעישנ'ס וואס די באבובע חסידים וועלן דארפן אויספילן.
אין יעדער איינער פרעגט איז דאס וואוטס? איז דאס נישט קיין וואוטס? איז דאס אפענע צו פארמאכטע?
בקיצור 1000 שאלות אהן קיין תשובות.
איך וועל אין די פאר שורות פרובירן צו געבן א שטיקל באגריף פין וואס צו האט זיך דא אפגעטוהן אין וואס די לעצטע פסק דין וויל פין אונז.
קודם כל מיז איך שוין זאגן אז עס איז נישט קיין "וואוטס" אדער "בחירות". עס איז א "סארוועי"!.
א פאהר נקודות האבן צוגעפירט צו די לעצטע החלטת הבית דין.
1. ווען באבוב- 45 האט פארלאנגט בחירות אין בי"ד שוין פאר כמעט א יאהר צוריק טענה'דיג אז וויבאלד זיי האבן 42% אויפן גאס קענען זיי געוואונען ביי פארמאכטע וואוטס, האבן די נציגי באבוב 48 ובראשם א.א.ל. געשריגן אין בי"ד אז וויבאלד אז 45 האט נאר 18% פין באבוב אין ממילא וועלן זיי קיינמאהל נישט געוואונען קיין וואוטס איז ממילא פארוואס פעלט אויס צונעמען א גאנצע קהילה אין עס איבערדרייען אין מאכן וואוטס ווען מ'ווייסט לכתחילה אז 45 וועט פארלירן די וואוטס?
2. ווען די נציגי 48 ובראשם א.א.ל. האבן געשריגן אין בית דין אז 45 זענען א באנדע שקצים אין זייערע בית מדרש איז א תיפלה אין אז זיי קומט זיך גארנישט קיין געלט-מוסדות-נאמען באבוב, האט בית דין זיי כסדר געפרעגט "די באבובער ציבור האלט אויכעט אזוי ווי דיר אדער וואס די זאגסט איז דיין אייגענע ווערטער?
3. נציגי 48 האבן אויכעט געטענ'ט פארן בית דין אז 45 איז א קבוצה פין יידן וואס האבן אויפגענומען א רבי'ן אין זיי האבן מיט באבוב גארנישט איינגעלייגט נאר זיי זענען גאר פרעמדע מענטשן מיט א פרעמדן רבי'ן אין זאלן זיי זיך רופן דאמבראווע אין לטענת נציגי 48 האלטן אויכעט רוב חסידים פין באבוב 45 אז ס'קומט זיך זיי גאהרנישט נישט קיין מוסדות אין נישט דעם נאמען ווייל זיי ווייסן אז אלעס געהערט צו באבוב 48.
די אלע 3 נקודות האבן מכריע געוועןדעם בית דין ארויסצוגיין מיט א "סארוועי" פאר ביידע צדדים אין אזוי וועט בית דין האבן ענטפער'ס אויף אלע 3 נקודות.
א. האבן 45 טאקע נאר 18% פין באבוב אין וועלן טאקע קיינמאהל נישט קענען געוואונען קיין בחירות אדער האבן זיי 42% אין וועלן יא קענען געוואונען ביי פארמאכטע בחירות?
ב. האלטן טאקע אלע אין 48 אז 45 זענען אזעלכע שקצים אז ס'קומט זיך זיי גארנישט? אדער איז דא אסאך וואס האלטן אז די מהרנ"ץ קומט אויכעט א חלק אין באבוב אין אזוי ווייטער פאר זיינער קינדער!?
ג. האלטן זיך 45 פאר פרעמדע וואס האבן נישט גארנישט מיט באבוב אדער האלטן זיי אז ס'קומט זיך זיי יא מוסדות מיט די נאמען?
דאס וואס מיינט די לעצטע פסק בית דין אין דאס איז פשט פין די אפליקעישענ'ס וואס איעדער באבובער איז געבעטן אהנצופילן.
בקיצור נישט קיין בחירות נאר אפשר בעסער געזאגט א "הכנה" צו בחירות!
יעדער קען דורך קוקן די פסק בית דין מיט אפלעקאציעס אין וועט נישט טרעפן קיין ווארט פין "בחירות" אדער "וואוטס" נאר ער וועט טרעפן ווי בי"ד חזר'ט איבער כסדר די ווארט "תביעות" וואס האלסטו חסיד 48 זענען דיינע תביעות אין וואס האלסטו חסיד 45 זענען דיינע תביעות! בי"ד פרעגט אונז וואס אונז זענען תובע אין בי"ד אין אויכעט פרעגט בי"ד יעדן איינעם וואס ער האלט לגבי די צווייטע צד.
תוקן על ידי באבוב_חסיד ב- 04/09/2007 4:46:56
