הושענא רבה 1 שעה ווידיאו פון רשב"ן זצ"ל

איינער קלערט דא אז קשר נומער איינס, האלט טאקע וואס ער שרייבט? מיר זעט ער אויס קלוגער ווי דעם.

איך מוז אים אבער זאגן א יישר כוח פארן אויפלעבן דעם פורום, כאטש איך גלייב נישט אז ער באקומט דערפאר באצאלט, ווי איינער האט דא פריער געשריבן...

קשר1,

אפשר ברענגסטו נאך אינטערעסאנטע נושאים וואס זאל לעבעדיג מאכן דעם עולם. מוז נישט זיין דווקא קאנטראווערסיאלע...

מיט הצלחה.

אין חלילה מטאר נישט מקטרג זיין אויפ'ן דור (ע"כ כתבתי בלי לקטרג על עם בני ישראל)

נאר געב א קוק אין...

היכל הברכה פר' כי תצא מיט די מעשה פון די בעל שם טוב אין ר' מיכל זלאטשובער אין די וואלד, ווער עס האט די לשון ביטע אראפברעגען, עס איז קלאר אז עס פעלט אונז אהבת ישראל, אין דאס איז די עיכוב הגאולה, ווייל די חטא פון שנאת חונם איז דאך די סבה פון גלות.

איך בעט איבער אויב איך האב איינעם פוגע בכבוד געוועהן, אבער ווער עס וועט קלאר אדוירך לערנען די ליקוט וועט איינזעהן אז דער איד איז געוועהן משכמו ולמעל.

אין הכי נמי איך זעה נישט קיין ענין איבער צו גיין נאכאמל אין נאכאמל, א כלל מיין איך אז מ'וועט מסיים זיין בטוב.

די רבוש"ע זאל העלפען אז מיר אלע זאלען מקיים זיין דעם "וראה בטוב ירושלים" נאר זעהן גוטס אויף א יוד, מיט דעם וועלען מיר זוכה לביאת הגואל בקרוב, בהתגלות כבוד שמים בלי הסתרת פנים. בב"א

נ.ב. איך בין ענק אלע דן לכף זכות, ווייל איך בין פונקט ווי אייך געועהן עד שב"ה האיר ד' עיני בזה הענין, וגם אתם תזכו לזה, לראות במעלת חברינו ולא חסרונם.

קשר

טאמער טאנצן און קושן די מוידען איז געווען צוליעב ראטעווען דעם זכר פון חתונה מיט א גוייטע (כדבריך) איז עס איין עבירה לשמו נישט לשמה.

פארקערט, ווען ער קושט איהם וואלט עס געווען לשמה...


נ"ב האסט געמאכט א סוירטש אויף "עבירה לשמה" און צוזאצע געקלאפט דיין "בירור"

האסט פארזעהן אבער די גמרא הוריות


אמר רב נחמן בר יצחק גדולה עבירה לשמה ממצוה שלא לשמה שנאמר תבורך מנשים יעל אשת חבר הקיני מנשים באהל תבורך מאן נינהו נשים באהל שרה רבקה רחל ולאה איני והאמר רב יהודה אמר רב לעולם יעסוק אדם בתורה ובמצות אפילו שלא לשמה שמתוך שלא לשמה בא לשמה אימא כמצוה שלא לשמה אמר רבי יוחנן שבע בעילות בעל אותו רשע באותה שעה שנאמר בין רגליה כרע נפל שכב וגו' והא קא מיתהניא מעבירה אמר רבי יוחנן משום רבי שמעון בן יוחאי אפילו טובתם של רשעים רעה היא אצל צדיקים

קוק מפרשים, אז בעריות אז מען איז נהנה איז נישטא קיין עבירה לשמה. ער האט געהאלטן די וועלט פאר צדיקים, האט ער דאך זיכער הנאה געהאט...

דער רשבנ"ץ האט דיך אויך אויס געלערנט אז קיינער דאוונט נישט, לערנט נישט, וויינט נישט אויף גלות השכינה, וכו' וכו' נאר עטץ.


תוקן על ידי - baachi - 26/09/2007 3:07:41

ליקב"ו

אויב מען טוהט אן עבירה לשמה, אין די תוצאה איז טויזענטער בעלי תשובה, דאס איז די ראי' אז ער איז געוועהן א קדוש עליון.

עס קען זיין שווער אראפ צושלינגען אבער טיף ביי אייך אין הארצען שפירט יעדער אז די דברים זענען על פי האמת. נישט אומזינטס איז ליידער דא אזוי פיל מחלוקת ביי אונז חסידים, ווייל מיר קענען נישט גלייבען אז אהבת ישראל איז א מצוה, אין ליידער רוב זאכען וואס מיר טועהן איז מצות אנשים מלימודה. משיח וועט דאך נישט קומען פאר די שיינער אידען נאר פאר די נדחי עמו ישראל (מפי צדיקים תלמידי הבעש"ט) עכ"פ זיי זעהן יא איין אז ער איז געוועהן א קדוש עליון אין רוב בתי מדרשים ארום די וועלט זונגט טאקע אלע די הויכע רשב"ן ניגונים וואס איז מקרב לבם של ישראל לאבינו שבשמים, אין דאס איז די עיקר, מיר חסידים (מכלומר'שט) זענען דאך אויפגעקלערט בעוה"ר ממילא אז מ'זעהט א איד טוהן אן עוולה נאכדערצו מיט לאנגע האר איז ער א נידעריגע מענטש.

איך וויל נאר פרעגען אפאר קשיות, אויף מיר אליינס...
1) ווען איז געוועהן די לעצטער מאל איך האב געווינט אויפ'ן ביהמ"ק?
2) ווען האב איך געשפירט א טעם אין שבת ויו"ט?
3) ווען האב איך געשפירט א טעם גן עדן אין דאווענען?
4) ווען האב יאך ליב געהאט יעדער אידיש קינד, נישט קיין חילוק וועלכער לבוש ער טראגט?
5) ווען האב איך ליב געהאט מיינער קינדער אין געזעהן ווי הייליג זיי זענען?
6) ווען האב איך מכבד געוועהן מיין רעביצין אדער עלטערן מיט הכרת הטוב?
7) ווען איז די לעצטער מאל איך געוויינט ביי א ניגון אויף שכינתא בגילותא?
8) ווען האב איך געטוהן א מצוה'לע ווען קיינער זעהט נישט נאר פאר'ן רבוש"ע?
9) ווען האב איך געגבן א שמייכעל צו יעדעם איינעם איך טרעף אויפ'ן גאס?
 
נישט ווען איך בין געועהן א חסיד פון מיין רבי'ן (בועה"ר שם ענין לדבר לה"ר ולשנוא כל אחד) ניין!
נאר ווען איך האב אנגעפאנגען צוהערען תורת וניגוני הצדיק נסתר הרשב"ן זצ"ל
וואס האט זיך מוסר נפש אויף אהבת ישראל

איך ווייס אז נאך 90% ליינערס דא האלטען ווי מיר נאר זיי אלע שעמען זיך צו שרייבען אז דאס איז אמת!

טייערע פריינט כולנו בני איש אחד נחנו...
1) לאמיר אנפאנגען ליב צו האבען איינעם דעם צווייטען
2) לאמיר לערנען אין דאווענען מיט'ן גאנצען הארץ
3) לאמיר נישט בארעדען מענטשען יעדען טאג אין ביהמ"ד ומקוה (טובל ושרץ בידו)
4) לאמיר נישט חלילה פייניגען אונזער קינדער די הייליגע תשב"ר
5) לאמיר דן זיין לכף זכות יעדער מענטש אפי' מיט לאנגע האר וכדו'
6) אז מ'זאגט אויף איינעם ער איז ערליך זאלען מיר אלע צו שטימען
7) לאמיר נישט זיין קליינקעפיג, נאר זעהן אז די תוצאה איז גיט איז אלעס גיט
8) לאמיר וויינען כאטש איינמאל א וואך אויף די חרבן ביהמ"ק ושכינתא בגילותא
9) לאמיר לערנען מיט די קינדער אז אין עוד מלבדו המסבב כל הסיבות
10) לאמיר אלע צוזאמען באהבה ואחדות ברענגען דעם גואל צדק אמן

דא ברענג איך א ליקוט בענין די גרויסקייט פון עבירה לשמה, וואס משיח איז מגזע בנות לוט

ספר נועם אלימלך - פרשת נשא
כי מי שרוצה לעשות איזה טובה לחבירו אינו יכול לעשות לו הטובה בשלימות כי אם על ידי שידבק עמו באחדות גמור ואם כן הצדיק צריך לדבק עצמו בכל ישראל כדי להטיב להם ואיך הוא עושה עם הבעל עבירה חלילה הלא אף שהוא בעל עבירה אף על פי כן צריך להשפעה ולחיות ואיך יתקשר הצדיק עמו לזה אמרה הגמרא גדולה עבירה לשמה שהצדיק עושה גם כן איזה עבירה אלא שהיא לשמה ועל ידי זה יכול להתקשר עם הבעל עבירה גם כן ויטיב לו גם כן

קאמענטאטאר

מסכים

אבער סאיז דאך געוועהן זעהר א באלערנדע דיסקוסיע

א) איך בין געוואהר געווארן ווי מסוכן אין פארקומט די כת איז
ב) מיר האבן געקריגן א וויזיט פון ר' שעפסל

a waste of time and totally senseless, i don't see any discussion here, dos anybody see ?,  just repeating his scrap again & again, kindly drop him.

מאדנע זייער מאדנע, דער מענטש וואס זעהט שלעכט'ס אויף א צווייטן איז דאך דאס א שפיגל פונם מענטש, אזוי האסטו דאך אליין געשריבן פונם תולדות, איז ווי קען זיין אז גאנץ כלל ישראל על כל גדולי'ה זענען חוטאים ופושעים ומסלפים את דרך השם, עוברי עבירות חמורות אזוי ווי דו רעכנסט אויס, און נאר איין שלומלה נואף וואס דו האסט עהם צו געגליכן צו לוט פאר קבלת התורה, איז דער צדיק נסתר אין קדוש וטהור.

דו ביסט א נארמאלער מענטש??? דו ביסט מן הישוב?????

אלא מאי נישט די תורה און נישט די הלכה אינטרסירט דיר, ס'איז נאר א קרדום לחפור בה, נו נו, דו ביסט אין דעם אויך נישט דער ערשטער, אין עירובין יג ע"ב טרעפין מיר שוין:

"תלמיד ותיק היה ביבנה שהיה מטהר את השרץ במאה וחמשים טעמים"

גידענק, מיר רעדן פון איין מענטש הידוע במעשיו שנעשו בגלוי ולעין כל און די לייקנסט עס אוייך נישט, דו רעדסט אבער אויף אלע גדולי ישראל אין כלל ישראל וואס גייט נאך זיי, ווער איז דער שפיגעלע פונם תולדות????????!!!!!!

קשר





לשון הריטב"א

אלא שאין ראוי להקל בזה אלא לחסי' גדול שמכיר ביצרו ולא כל ת"ח בוטחין ביצריהן כדחלינן בשמעתין כל הני עובדין דמייתי'



סנעמט א גערויסע חוצפה אין גראביאנישקייט צו זאגען אז שלמה קארליבאך איז געוועהן מער בטוח בעצמו ווי די חז"ל וואס האבן אויסגעמוסערט ר' אדא בר אהבה און ר' יוחנן.



"רב אחא מרכיב לה אכתפיה ומרקד אמרי ליה רבנן אנן מהו למיעבד הכי אמר להו אי דמיין עלייכו ככשורא לחיי ואי לא לא "



דארט רעדט זיך בכלל נישט פון נגיעה אהן א בגד אדער קושן און טאנצן.



איך וויל דיר יעצט עפעס זאגן וואס איך פיהל.



דו האסט איהם שוין צוגעגליכן צו משה רבנו, אהרון הכהן, אליהו הנביא, דוד המלך, ר' יוחנן און ר' אחא.

דאס הייסט אז זיי זענען גלייך מיט איהם עפ"ל.



אזוי צו רעדען אויף די אבות האומה הישראלית ?!

 

איך וואלט געהאט אויף דיר רחמנות, אבער איך האב א שטארקן חשד אז דו ביזט א יאשקע פריעק JEWS FOR JESUS



סתם א א איד קען נישט אזוי רעדן אויף די רועי ישראל

טאמער האב איך דיך חושד געוועהן בחינם, בעט איך דיך איבער, אבער איך בין אויף געוואקסן מיט אמונה אין דעם מאמר חז"ל פון אם הראשונים כמלאכים אנו כחמורים, א חמור ביזטו נישט, און נאר אזוי קען איך דאס פארשטיין ווי א איד קען אזוי רעדן..

אזא מאדע איינער ווי כאחל ל"ע.

מיין נקידה איז גאנץ קלאר

צו איז אונזער דרך, דער דרך התורה?
בלי לקטרג על עם בני ישראל

1) צו מאכען אן עבודה זרה פון די גאנצע רבי'סטוועס?

2) מי בראש מען קריגט זיך ארום און עובר על כל התורה כולה?

3) א חילול השם נורא ואים ווי די גוי'אישע וועלט האלט מיט, איז דאס דען די וועג ווי בני אברהם יצחק ויעקב פירען זיך אויף?

4) מען שלאגט זיך כמעט ביי יעדער חסידות איבער די "נאמען המוסד", צו האט דער בעל שם זיך גערופען מיט א נאמען?

5) מען וויזט פאר די קינדער אז ווי מער בארעדען מענטשען אין זיי פיינט האבען שנאת חנם?

6) מחלל שבת זיין למען מחלוקת קרח ועדתו?

7) מפאקט זיך אהן מיט לשון הרע, רכילות, אין ליצנות מדי יום ויום?

8) אייערע קינדער הערען קיינמאל נישט ווי איהר רעדט פון דער רבוש"ע המסבב כל הסיבות?

9) מ'ציילט אפ מענטשען צו זעהן ווער עס האט מער?

10) מען כאפט בילדער פון יעדער תנועה אין מען איז דאס מפרסם?

צו איז דאס די דרך התורה והחסידות?...

געוואלד עפענט אייערע אויגען אין זעהט ווי ווייט מען האלט פון דער דרך מהמייסד החסידות מורנו הבעש"ט ז"ל!

על כן איז ביי מיר קלאר אז מתוך ההסתר פנים, ולמה יאמרו הגוים איה אלקוינו, האט דער רבוש"ע אראפגעשיקט א איש צדיק ונשגב בתכלית ההסתר, אין ער איז ארום געלאפען יומם וליל ביי אידען אין גוים אין יעדען געזאגט אז "יש מנהיג לבירה" ווי קען מען זיך פיינט האבען, יעדער איד נאך די וועלט מלחמה איז א נס משמים. מ'דארף דאווענען אין לערנען מיט די גאנצע הארץ אין נישט מצות אנשים מלימודה.

דאס האט ער פארשפרייט, אין נאכאמאל טראכטס גיט אריין...

!) אהרן הכהן מיט די עגל

2)לוט מיט זיינע טעכטער

3) משה רבינו מיט די לוחות

3) דוד המלך

ועוד ועוד, האבען אלע געטוהן עבירות לשמה, וואס איז גרעסער ווי א מצוה לשמה.

זייט נישט אזוי קליין קעפיג אין קוקטס אויף די תכלית... וואס זענען די פירות פון דעם צדיק רשב"ן

טויזענטער איבער טויזענטער עובדי השם ובעלי תשובה, בכל יום ויום עד היום הזה

דער פאקט קענט איהר קיינמאל נישט אוועק מאכען.

נ.ב. איך האב א חבורה פון 100 אינגעלייט היימישע פון אלע מוסדות סאטמאר, באבו, ויזניץ, מינקאטש, גור. מיר אלע קומען זיך צו זאם 1 מאל א וואך ליל שישי אין מ'זינגט א גאנצע נאכט, מיט תורות וסיפורי צדיקים, אונז אלע זענען מיר בעלי תשובה, ווייל ביז היינט האבען מיר פיינט געהאט אונזער שכינים, היינט זעהט מען אז מען דארף ליב האבען יעדער איד

ואהבת לריעך כמוך זה כלל גדול בתורה!
אויב דער מצוה איז ביי אייך א פראבלעם, דאן איז ער געוועהן טאקע א נידעריגע איד!

די ווערטער זענען גאנץ קלאר


ריטב"א על מסכת קידושין דף פא.
ואסיקנא דבין הכי ובין הכי חוששין משום ייחוד. הכל לפי דעת יראת שמים וכן הלכתא דהכל כפי מה שאדם מכיר בעצמו אם ראוי לו לעשות הרחקה ליצרו עושה ואפילו להסתכל בבגדי צבעונין של אשה אסור כדאיתא במס' ע"ז. ואם מכיר בעצמו שיצרו נכנע וכפוף לו ואין מעלה טינא כלל מותר לו להסתכל ולדבר עם הערוה ולשאול בשלום אשת איש והיינו ההיא דר' יוחנן דיתיב אשערי טבילה ולא חייש איצר הרע ור' אמי דנפקי ליה אמהתא דבי קיסר וכמה מרבנן דמשתעי בהדי הנהו מטרונייתא ורב אדא בר אהבה שאמרו בכתובות דנקיט כלה אכתפיה ורקיד בה ולא חייש להרהורא מטעמא דאמרן אלא שאין ראוי להקל בזה אלא לחסי' גדול שמכיר ביצרו ולא כל ת"ח בוטחין ביצריהן כדחלינן בשמעתין כל הני עובדין דמייתי' ואשרי מי שגובר על יצרו ועמלו ואומנתו בתורה שדברי תורה עומדים לו לאדם בילדותו ונותנין לו אחרית ותקוה לעת זקנתו. שנאמר עוד ינובון בשיבה דשנים ורעננים יהיו וכי"ר:
סליק פירקא ומסכתא בסיעתא דשמיא בריך מארי' דארעא ושמיא:

עס שטייט קלאר אז עס ווענט זיך לויט די מענטש, אין והא ראי' פון די אלע תנאים.

יעצט גיי ווענד אפ דעם ריטב"א

קשר

זעהסט אויס אז דו לייענסט נישט וואס מען שרייבט, אוב אזוי איז פשוט איין עבירה די צייט.
דו טענה'ס נאך אז איך בין מבולבל,
איך האב דיר געמאכט נומערן, כדי דו זאלסט קענען ענטפערן איין זאך אויף א מאהל. דו מישט אויס אלעס ווי איין קאשע (קשיא) 

וועל איך דיך מאכען פארבען.

און גיין איין שטאפל אויף א מאהל

1) איך האב קודם נישט גערעט פון א חשד

איך האב גערעט פון עבירות ממש

חיבוק, נגיעה, נישוק, לשם קריבה (Love) איז איין עבירה נישט קיין חשד.

דו ביזט אליין מודה בתחילת דבריך און סאיס גוט רעקארידרט  אז ער האט דאס געטוהן

דא האסטו לשון החינוך מצוה קפ"ח לא תקרבו לגלות ערוה.

מדיני המצוה, מה שאסרו חכמים זכרונם לברכה בזה לגדר

, והוא שלא יקרוץ אדם בידיו וירמוז בעיניו לאחת מן העריות, ושלא לשחוק עמהם כלל, ואפילו להריח בשמים שעליהם אסור, ושלא להביט בנשים כלל ואפילו בפני כלה בכוונת הנאה, ואפילו באצבע קטנה שלהן אסרו להסתכל,

 חוץ מאשתו של אדם שמותר לו להביט ביופיה, ואפילו בעודה נדה, מפני שהיא מותרת לו לאחר זמן, וחזקה בישראל שיצרו מסור בידו בכגון דבר זה שתלוי בזמן. ודוקא במקום מגולה שבה התירו להסתכל בעודה נדה אבל לא במכוסה, כדי שלא ילבשנו יצר הרע:
ואמרו זכרונם לברכה [ברכות כ"ד ע"א] גם כן שאסור להסתכל אפילו בשערה של אשה האסורה לו, ואפילו לשמוע קולה לכוונה שיהנה בה אסור. ואפילו להסתכל בבגדי צבע של אשה, כלומר בגדים נאים שדרכן לעשותן מבגדים צבועים אסור להסתכל בהן כל זמן שמכיר האשה הלובשת אותן, לפי שמתוך ראיית המלבוש יבוא להרהר בה. והרחיקו גם כן שלא לשאול בשלום אשת איש כלל ואפילו על ידי בעלה:

וריבוי פרטי הריחוקין שהזהירו עליהן בענין זה,
 
אבל כלל הדבר הוא שלא יעשה האדם שום דבר בעולם המביאו לידי הרהור בנשים, לא במעשה ולא בדבור ולא שום רמז לקרב דעת האשה הקלה עם דעתו,

אלא באשתו לבד. ובענין זה היה מוכיח הנביא אנשי דורו באמרו להם [ירמיהו ה', ה'] איש אל אשת רעהו יצהלו, כלומר לפי דרכם שנראה כאילו אינם מתכוונים לכך ירמזו לנשי רעיהם רמיזות של ניאוף ומגביהין קולם בענין שישמעו אותן הנשים ויתעורר יצרן אל אהבת הנואף. ואין באפשר להגיד פרטי הענינים שידע האדם לעשות לקרב אליו דעת האשה שהוא קל, ולכן הזכירו זכרונם לברכה מהם קצת, ובשאר יזהר כל אחד ואחד לשמור עצמו לפי מה שימצא את גופו, כי השם יראה ללבב:
ומכל מקום, לפי הדומה מכל מה שהזהירו זכרונם לברכה אין אדם רשאי לזוז ממוסרם הטוב,

ואף על פי שהוא מוצא עצמו חשוך התאוה קצת, לא יאמר כיון שאני מוצא עצמי כן מה איכפת לי אם אסתכל בנשים כי יודע אני בעצמי שלא יתעורר יצרי בכך, שהרבה אמרו כן ונכשלו. ועל זה רמזו זכרונם לברכה באומרם כי היצר בתחילה חלש מאוד והולך ומתחזק על האדם הרבה:

ואתה בני

הזהר על זה מאוד ואל יבטיחך יצרך, ואם אלף ערבים יתן לך.

וזה שאתה מוצא קצת מעשים בגמרא מראים סותרים דברי אלה, כלומר שאפילו במה שאסרו זכרונם לברכה בנשים לא היו קצת מהן חוששין, אין זה סתירה כלל לדברי, דבמקום מצוה הוא דוקא שהיו מקילין קצת, כמו שמצינו ברבי יוחנן דהוה יתיב אשערי טבילה כדי שיסתכלו בו הנשים ויולידו בנים נאים כמותו, והוא לא היה מסתכל בהן חלילה, ורבי דהוה נקיט כלתה אכתפיה, למצוה הוא שהיה עושה כן כדי לשמחה, וקצת ענינים כיוצא באלו:
ועוד שהם זכרונם לברכה שלא היה עסקם אפילו שעה קלה כי אם בתורה ובמצוות, והיתה מפורסמת כוונתם לכל העולם כשמש, ולא היו מרגישים הרגש רע בשום דבר מרוב דבקותם בתורה ובמצוות.

 אבל אנחנו עכשיו אין לנו לפרוץ אפילו גדר קטן בענינים אלו כלל, אלא לשמור כל ההרחקים שהודיעונו זכרונם לברכה בפרט,
 
ובמה שלא הזכירו הם יש על כל אחד ואחד לעשות כפי מה שימצא את גופו מוכן כמו שאמרנו, שאם הוא מוצא עצמו שצריך גדר אף על המותר יגדור עצמו, כמו שמצינו אחד מן החכמים שאמר הזהרו בי מפני בתי, ואף על פי שמותר לאדם להתייחד עם בתו כמו שנכתוב בעזרת השם, לפי שענין זה קשה מאד ויצר הרע חזק בו, על כן צריך כל אדם להרבות בשמירה:
ואם יחשוב האיש בפגעו באשה נאה כי גיהנם פתוח בין ריסי עיניה, ובאש תמיד תוקד כל הקרב אליה, ויחזיר כל מחשבותיו אל הדברים האלה, לא תהיה לו לפוקה. ואמרו זכרונם לברכה [ברכות ה' ע"א] שאם אין כח בידו להמית היצר ולהרחיק מחשבתו ממנה, שיקרא קריאת שמע או יעסוק בתורה, והודיעונו שעכ"פ ימות בכך, כמו שאמרו זכרונם לברכה [קידושין ל"א ע"א] שאם אבן הוא נימוח, ואם ברזל מתפוצץ, שנאמר [ירמיהו כ"ג, כ"ט] הלא כה דברי כאש וגו':
ועוד אמרו רבותינו זכרונם לברכה [שם פ' ע"ב] במצוה זו שאסור להתייחד עם כל העריות, רצוני לומר עם כל העריות דבר תורה, בין זקנה בין ילדה, שהייחוד, לגלות ערוה הוא גורם, חוץ מן האם עם בנה והאב עם בתו והבעל עם אשתו נדה שמותרין, חוץ מחתן שפירשה אשתו נדה קודם שיבעול. ומותר להתייחד עם הזכור ועם הבהמה, שלא נחשדו ישראל על כך:
כשאירע מעשה אמנון ותמר, גזר דוד ובית דינו על ייחוד דפנויה. שמאי והלל גזרו על ייחוד גוים. והתירו זכרונם לברכה [שם מ"א ע"א] להסתכל בפני פנויה למי שמסתכל כה לדעת שישא אותה לאשה אם תהיה נאה כעיניו.

דו רופסט דאס א צדיק נסתר?

רוקסט אריין אטענה אז ער האט געוואלט ראטעווען אידן פון חתונה האבן מיט גויטעס.
במטותא ממך , וויאזוי רעדט מען אפ א בחור בעל תאווה פון חתונה האבן מיט זיין תאווה דורך קושן א צווייטע מויד?

תוקן על ידי - baachi - 25/09/2007 20:50:22

אויף דעם האט שוין דער חכם מכל אדם שלמה המלך געזאגט אין קהלת ז':
(טז) אַל תְּהִי צַדִּיק הַרְבֵּה וְאַל תִּתְחַכַּם יוֹתֵר לָמָּה תִּשּׁוֹמֵם:
און דער אבן עזרה זאגט דארט:
(טז) אל תהי - אם התפללת מן הבקר ועד הערב ותתענה והדומה להם תשומם והענין תסור מדרך הישוב כמו שיעשו הר"ומיטי בארץ אדום וישמעאל וכן אם בקשת להתחכם יותר מדאי......

און דער חת"ס זאגט און שו"ת ח"ו סי' פ"ה:
"לא נירא ולא נחת, כי מלחמת ה' אנו נלחמים, ואלף כיוצא באלו יאבדו, ועוקץ אחד ממנהגי ישראל לא יזוז ממקומו".
און חלק או"ח סי' נא שרייבט ער:
"ידע נא פאר רום מכ"ת שלא ילעג עוד על מנהגי ישראל, שנעלם טעמם ממנו, כי ממקור מים חיים הם נובעים, ורגיל אני לומר, כל המפקפק על נימוסים ומנהגים צריך בדיקה אחריו".

אין דאס איז גיזאגט גיווארין אויף מנהגים, וואס איז דער דין אויף הלכות מפורשות?????

ליידער דיינע קליינע (קעפיגע) נקידות זענען אזוי ווייט פון ערנסטקייט

די שאלה איז...

וואס טוהוט מען צו ראטעווען מילונען אידען פון חתונה מיט גויטעס, סאטמאר, באבוב, ויזניץ, גור, סקווער, האט נישט קיין תירוץ אויף דעם.

אבער זיך פארשטעלען ווי איינער פון זיי אין זינגען אין דאווענען אין מיטען ביהמ"ד, יא די אלע עבירות לשמה, איז ממש פשט פון

עת לעשות לד' הפרו תורתיך

פון דיינע חושד זיין א איד אין נישט קענען דן לכף זכות זיין, שיינט ארויס דיין אייגענע מדות.

קענסט טראכטען וואס די ווילסט אדרבה ווי פאסט עס פאר אונז חסידים אז א איד מיט לאנגע האר אין מיט נגיעה זאל זיין א קדוש וטהור, עפעס קען מען דא נישט אראפשלינגען, עס איז סך הכל כבוד.

לייג אוועק דיינע אייגענע נגיעות, אין קוק און טראכט גיט אריין, ווי אזוי איז מעגליך אז דער איד זאל רעדען אויף אלע זיינע טעיפס פון א private collection נאר פון ביאת המשיח און פון שכינתא בגלותא.

דיין גאנצע מגילה, איז אלץ געבויט אויף באשמיצען און מוציא שם רע זיין, אויף א צדיק ונשגב שעבד את בוראו בסתר, אין איז שוין אין גן עדן צוווישען אלע תלמידי בעש"ט.

זאגסט א כלל אז ער האט געבלאפט א גאנץ לעבען אין איז נישט געוועהן ערליך

געב עהם חאטש א world record for acting

ביי מיר איז 100% קלאר אז מרעדט פון א צדיק בהסתרה ממש, אין וואס איז וועגען די אלע בעלי תשובות, ווי אזוי קען מען ווערען א בעל תשובה נאר פון הערען זיינע ניגונים, קענסטו דאס אפשר פארשטיין לשוטתך (הישר)???

למעשה הרב באטשי, די ביי דיך ביזטו נאך מבולבול ומטושטוש ווי אזוי האט ער געקענט מאכען די אלע הייליגע ניגונים קום נישט מיט קיין קווארטין אינו דומה כלל, מיר רעדען פון קאמפעזירן הויכע ניגונים וואס מען זינגט ביי 99% פון בתי מדרשים, מלבד בסאטמאר וכו'

אבער איך בין קלאר אז עס איז נישט קיין שום סתירה, אויב מען קען פארשטיין בנות לוט וואס משיח קומט ארויס, חתונה האבען מיט א טאטע איז דאך מילונען מאל ערגער, אלא מאי די רבוש"ע ווייזט אונז, אונז מכלומר'שטע חסידים זענטס ווייט פארקראכען פונעם דרך התורה דרך הבעש"ט, אבער דעם איד מיט לאנגע האר וואס האט ליב געהאט אהבת נפש יעדער בריאה, ער איז טאקע קודש קדשים, און האט ארויס גענומען 1000טע פון שאול תחתית מיט זיין הייליגע וועג פון קירוב.

איך פארשטיי עס פאסט אונז נישט, אבער קוקטס מיט א ריין הארץ וועט איר אלעס זעהן.

ב"ה ביי מיר איז עס קלאר אין עס וועט נישט העלפען קיין שום ריקראס ומעשיות, דרך אגב עס קומט ארויס א ביכעל מיט סיפורים און אידיש פון דער רשב"ן צדיק נסתר, מיט הסכמות פון כמעט אלע חסידישע הויפען, קויפט עס אין זעהטס אז, יא! מ'טאר נישט זיין קליינקעפיג, אין די עיקר איז נישט די שטריימעל, פאר'ן רבוש"ע איז וויכטיגע אהבת ישראל, אחדות, אין טוהן מצות בכל הלב.

ליידער ביי אונז בעוה"ר זענען די אלע זאכען עבירות, ווי אויך מקרב זיין אידען.

ווען די וואלסט ליב געהאט יעדער אידיש קינד, וואס דאס איז די עיקר דרך התורה, אהבת הבורא, אהבת ישראל, אהבת התורה, וואלסטו גלייך איינגעזעהן אז מ'רעדט פון א צדיק נשגב, פון די ראש הצדיקים והמקרבים לב נדחי ישראל לאבינו שבשמים.

יישר כח באטשי ידידי, אויף דיינע אויפריכטיגע רייד, איך וואלט עס נישט גיקענט בעסער שרייבן, אבער זעהט מיר אויס אז יעדער ווארט איז איבריג, ווייל א מענטש וואס מ'זאגט עהם פערזענליכע עדות קען מכחיש זיין דעם מציאות, וועט עהם גארנישט משכנע זיין.

און ווען ס'וואלט נישט גיוועהן אזוי טראגיש וואלט מיך גיקאסט א לאך וואס עהר האט מיר געשריבן דא, קיק נאר און זאג מיר וואס דו פארשטייסט פון זיינע ווערטער.

קשר שרייבט:

"איך בין געוועהן אסאך א גרעסער מתנגד ווי דיר, איך האב געשריגען כל דבר אסור. ביז איך האב געזעהן ווי דער רשב"ן וויינט אויפ'ן בית המקדש מיט אזעלכע טרערען, קיין איין רבי היינט האב איך נאך נישט געזעהן אזוי, אין ער שטייט מיט די עולם אין נישט כנגד מקום המקדש."
...............
"נאר די אמת, אז צו קוקען אויף א צדיק נסתר שטטיט און תולדות, ווי קען זיין אז ס'דא וואס זאגען ער איז שלעכט אין ס'דא וואס זאגען אז ער איז א קדוש עליון...

די תירוץ, אז א צדיק נסתר, איז א שפיגעל! ווי אזוי די ביסט אזוי זעהסט די עהם.  ממילא וויל איך נישט קיין שלעכטס רעדען אויף קיינעם, נאר אויב זאגט מען אז א צדיק נסתר איז א רשע ח"ו אין א נואף, איז מען דאס אליינס, אין פארקערט ווער עס זעהט די פינטעלע הארץ אז ער איז א קדוש וטהור, דאן אשרי לו ואשרי חלקו."

פארשטייסט? מתוך דבריו פארשטיי איך אז מקודם איז דער קשר גיוועהן רח"ל נישט ארויף צו ברענגען אויפן מויל, און ווי נאר ער האט "זוכה" גיוועהן צו עפענען די אויגן איז עהר גיווארן א קדוש וטהור, ווייל אזוי זאגט דאך דער תולדות!.


אבער דאך פטור בלא כלום אי אפשר, דו קומסט מיט מעשה'ס וואס אדער וועט עהר עס אנעמען אדער נישט למרות ס'איז דברים גלויים וידועים לכל, איך וויל ענדערש רעדין פון דעם ווידיאו מיט די בילדער וואס ער אליין האט דא גיברענגט.

א, עהר גייט מיט די גרויסע האר פון ארונטער, גידול קומי/בלורית וואס איז אסור על פי הלכה (יו"ד סי' קעח), אין דאס איז א צדיק נסתר וקדוש וטהור!.
ב, עהר דאווינט אויף א בימה, וואס איז אויך אסור על פי הלכה, אבער ער איז דאך א צדיק נסתר וקדוש וטהור!.
ג, עהר דאווינט מיט א מיקרופון אין מוזיק וואס די מוזיק איז אמאל זיכער אסור, אבער ער איז א צדיק נסתר וקדוש וטהור!

פרעג איך דיך, דער גייט מיך לערנען אמונה? דער גייט מיך מחזיר בתשובה זיין?

ער האט נעבאך נישט זוכה גיוועהן צו זיין קיין ערליכן איד פאר זיינע אויגן, איך האב אבער ב"ה יא זוכה גיוועהן צו זעהן ערליכע אידן וואס וויינען אין א גרינם דינסטאג ביי א וואכדיגן דאווינען אין א קליין מנין'דיל ווי קיינער האט אויף זיי נישט געקוקט און נישט געכאפט פון זיי קיין בילדער מיט ווידיאוז און צוגעשפילט מיט מוזיק!.