רייניג זיך, דערנאך קום אין מיין קאר

הערשעל איז בטבע א גוטהארציגער איד, ער קען נישט פארנעמען אז א איד זאל האבן צער, אפי' אזא נישטיגע פיין פון זען אידן ווארטן אויף א היטש קיין ב"פ קען ער נישט סובל זיין, דעריבער מאכט הערשעל זיכער אז ער פילט זיך איבער דעם קארעלע זיינעם מיט אידן אז זיי זאלן נישט ברויכן האבן פיס וויי פון אזוי לאנג ווארטן אויף א אויטאמאביל.

היות איך האב נישט אויפגעהאנגען א צעטל מיט תקנות ווי אזוי מען ברויך זיך אויפפירן אין מיין וואגאן, האב איך פארשידענע סארט זאכן וואס פאסירן ביי מיר וואס שטערט מיר, און עד כדי אז איך עס קען אמאל אריינפאלן בלא יודעים א מחשבה זרה'לע אז איך זאל אויפהערן מיטן אויפנעמען אידן הל"ת.

איך וועל דא שרייבן איין זאך וואס איך האב נאכנישט געזען מען זאל דערפון רע'דן ווען מען באשרייבט די פארשידנארטיגע עוולות וואס די חברה טוען ווי למשל רעדן אויפן סעלפאן כאילו דאס איז זיין פריוואטער אפיס, אדער מיר איינטיילן ווי צו פארן אפי' איך האב קלאר געזאגט אז נאר דארט שטעל איך זיך אפ, וכדו'

די וואך האב איך געהאט א פרישע זאך וואס האט מיר אזוי פאראיבלט אזש איך האב געמוזט דא קומען אויפן פארק זיך אביסל אויסטשוכן און אויסקלארן מיין מח.

שטייט א אידל מיט א גאנץ שיינעם הדרת פנים מיט א שיין געהעריג צאמגענומען בערדל, און גראד אויסגעשניצטע שנארצן, מיט ערנסטע אויגן ארויפגעלייגט דערויף א שיינע פאר ברילן, איז וואס קען מען דען קלערן אויף אזא איד? אז ער איז א פאסיגע קאנדידאט אים אריינצוזעצן דוקא פארנט, הארט נעבן מיר.

נישט לאנג נאכן זיך ארויסלאזן אויף דעם טרעפיק אנגעפילטן בי קיו אי האט זיך מיינע צרות אנגעהויבן. דער איד נעבעך ווייסט נישט אז היינט צו טאג איז שוין זייער א גגרינגע זאך אנצוקומען צו א שאוער און לויט ווי איך האב לעצטנס אינאכט גענומען איז עס צו באקומען אין יעדע פלאץ וואס האט א מקוה האט דערנעבן אויך צוגעשטעלט ווי מען זאל קענען נעמען א טוש, אבער דער צדיק'ל זעט אויס אז ער האט נישט קיין צייט דערצו, און עס איז געגאנגען פון אים אזא מין גערויך אז איך האב אים ממש געוואלט ארויסלייגן אינמיטן וועג. וואס איך האב נאר געוואלט טון האט מיר נישט געהאלפן, עפענען די פענסטער אדער די עיר קאנדישאן האט נאר פארערגערט דעם מצב.

אקיצור צו וואס זאל איך אזוי לאנג ציען? איך אייל זיך און האב א חשד אז מען פארשטייט וואס כ'מיין. איך בעט אויב ס'דא אאיינער אין אזא מצב זאל נישט נעמען א היטש און אויסנוצן יענעםס גוטסקייט און אים מאכן אזא אומאנגענעמליכקייט.

עס האט זיך מיר געמאכט אריינצוקומןע אין אפיס וועל איך אראפגעבן צייט און ענטפערן פאר די וואס האבן אזוי שיין מגיב געוועזן.

צודערזאך, ווען איך האב אמאל געפרעגט וועגן זיך לערנען די גראמאטישע כללים פון אידישן שפראך האט מען מיר אהינגעפירט צום היימישע קרעטשמע, און איך מוז זאגן אז עס איז א אוצר בלום פון הערליכע שיינע נושאים אויף כמעט אלעס אויף דער וועלט און אן א צאל ידיעות און אינטערעסאנטע זאכן. אויב געדענק איך גוט, האב איך זיך אפי' קונה געווען א נאמען דארט, און געקלערט עס צו נוצן. דער פראבלעם וואס איךהאב איז אבער אז צייט האב איך נישט אלעמאל און אפי' איך קען אסאך מאל אהערבלאנזשען איז עס מזמן לזמן און איך קען נעלם ווערן פונקט אזוי ווי איך בין אנגעקומען, און הלואי זאל איך קענען אראפגעבען העלפט פון וואס איך וויל ארויפלייגן דא.
פארוואס דא אין כל העולם איז מיר בעסער, איז פשוט ווייל דא לאזט מען רעדן א ווארט צוויי פון וואס טוט זיך אין אידישען גאס און דארט, כאטש ס'הייסט "אידישע וועלט" טאר מען נישט דערמאנען היימישע פאליטיקע, און נישט אז מיר ברענט דאס אזוי, פארקערט ואיך ברעך אסאך מאל ווי טפשותדיג מען קען אסאך מאל שרייבען דא, פארט וויל איך נישט מען זאל מיר פארבאטן וואס איך מעג יא אדער נישט שרייבן און ליינען.

קען זיין אז מיט די צייט וועט מען אהין אנקומען און זען אז מען קען לעבן אזוי אויך. הלוואי.

אויב ווילסטו איז אדרבה איך געב רשות צו נוצן מיינע ווערטער סיי ווען און סיי וואו, זיי מיר נאר מודיע און שיק מיר א לינק וואו עס ווערט געלייגט און אפשר וועל איך רעאגירן דערצו.

נאך א גוטע נקודה האט צודערזאך גוט ארויסגעברענגט איז די וויכטיקייט פון "זיך מאכן וויסנדיג" ווען יענער האט ארויפגעלייגט אן אשכול.

ווען א בן בלי שם לייגט עפעס אויף היידפארק קען עס מיינען פארשידנס, בעיקר וויל ער אדער ארויסברענגן זיין מיינונג אדער מחאה אויף א געוויסע ענין, אפי' מען וועט אים נישט צוריקענטפערן, און אויך קען עס זיין אזוי ווי איך האב געוואלט מיט דעם ארטיקל זיך אביסל ארויסלופטערן, ווי שוין געשריבן און דא האב איך יא געוואלט זען אויב איז מען דא אינטערעסירט אין אזעלכעס.

דעריבער צו די אלע וואס האבן דא אזוי שיין געשריבן: א דאנק אייך.  א קאמפלימענט איז אלץ אין פלאץ, און איז דער בענזין וואס טרייבט צו שרייבן מער.