היינט נאכט קומט פאר די איינציגסטע וויצע פרעזידענט די דעבאטע.
די ריפובליקאנער דרייען איבער א וועלט אז די מאדערעטאר איז אן אבאמא שטיצער היות זי גייט ארויסגעבן א בוך לטובת אבאמא.
די דעבאטע דארף לכאורה צו זיין היבש אינטערסאנט ווען מען רישט זיך אז ביידען וועט צומאלן פעילין. פאר מקעין איז קריטיש וויכטיג אז זי זאל זיין צו דער זאך בשעת די מידיא הערט נישט אויף מיט די אטאקעס אויף איר מאז היתה הוויצע קאנדידאט און מקעין פאלט וואס א טאג אין די אנקעטעס אין אלע בעטעלגראונד סטעיטס. אויב די וואלן וואלטן היינט פארגעקומען איז מקעין'ס טשאנסן 0.
נאר אזוי ווי מיר שטייען בין כסא לעשור וואלט איך געוואלט פרעגן אויב מען מעג ע"פ הלכה מיטהאלטן די דעבאטע.
נשלח ב-8/10/2008 00:17
גביר אדיר, קען זיין אין עקאנאמישען אשכול וואלסטו בעסער געוואוסט וואס דער מצב איז, דא זעט אבער נישט אויס אז דו ווייסט צופיל, ווי דו זאגסט עס אליינס.
ס'קען זיין אז פעילין וואלט געווען א גוטע אויסוואהל ביי א רעגולער וואהל קאמפיין, אבער ביים איצטיגן קאמפיין ווי די עקאנאמיע איז דער הויפט אישו, און רוב מענטשן האלטן אז אבאמא פארשטייט בעסער צו די עקאנאמיע, וואלט א וויצע קאנדידאט ראמני אסאך מער ארויסגעהאלפן דעם מקעין קאמפיין.
למעשה פרובירט מקעין צו טוישן די אישו אויף פערזעליכקייט, די מידיא וועט פארשטייט זיך פרובירן צו רעדן דעם מינימום דערפון (אדער בעיקר שרייבן די ענטפער'ס פונעם אבאמא קאמפיין), העמיר זעהן ווער ס'וועט אויספירן.
נשלח ב-6/10/2008 05:39
איך בין אויסדריקלעך נישט קיין גרויסער פאלעטישן, בעיקר האלט איך מיט די נייעס אין מקוה, און זייער ווייניג אויף די נעטווארקס, פון דעם גאנצן קאמפיין האב איך נאר אביסל מיטגעהאלטן די קאנווענשנס, און אויך נאר ווייניג.
אבער דאך וויל איך אריין ווארפן מיינע טו סענטס.
איך האלט אז מעקעין האט יא א שטארקע שאנס צו געווינען, ווייל וויפיל מען וויל עס לייקענען, זענען נאך אלץ אסאך אמעריקאנער ראסיסטן, און ווילן נישט האבן א שווארצן פרעזידענט, און כ'אב ערגעץ געזען א אינטערעסאנטער זאך (כ'הייב נישט אן צו געדענקען ווי) אז ווען מ'פרעגט מענטשן אויב זיי וועלן אפשר נישט וואוטן פאר אבאמא צוליב'ן זיין א שווארצער ענפערן זיי אז ניין, אבער אויב מען פרעגט זיי אויב זיי קענען איינעם וועלכער וועט אפשר נישט וואוטן פאר אבאמא צוליב זיין קאליר, ענפערן רוב מענטשן אז יא.
והמבין יבין.
און יעצט וועגן פעיליען האלט איך אזוי.
ווער עס ווייסט די היסטארי פון הערי טרומאן ווייסט אז פאר ער איז געווארן פרעזידענט, נישט נאר האבן כמעט קיינער אין אמעריקע נישט געוואוסט פון אזא מענטש צו זאגן - ווייל רוזעוועלט איז שוין געלאפן פאר א פערטן טערמין און קיינעם האט נישט אינטערעסירט ווער איז דער וויצע קאנדידאט - נאר ער אליין טרומאן אליינס האט נישט געהאט קיין שום השגה אין דעם דשאב (ער האט נישט געהאט קיין השגה אז עס עקזיסטירט אזא זאך ווי דער אטאם באמבע ביז נאך וואס ער איז געווארן פרעזידענט).
ער איז געווען ביז דעמאלס א העיבערדעשער (אזוי האט מען עס דאמאלט גערופן, א מענטש וואס האט פארמאגט אזא סארט געשעפט), און נישט געהאט קיין שום פירנדער עקספיריענס, און דאך האט ער זיך ארויסגעשטעלט צו זיין זייער אן אפעקטיווער פרעזידענט. (דער "באק" האט זיך אפגעשטעלט ביי אים, אין די קאך ווי ער האט גענומען די "היעט"), און די אמעריקאנער ווייסן אז דאס קען פאסירן, און איך האלט קלאר אז קיינער האט נישט ערווארטעט אז פעילין (וועלכע איז געווען בערך ניין יאר אלט ווען ביידען איז אנגעקומען קיין וואשינגטאן) זאל זיך קענען אויף אן אמת פארהערן מיט אים, אבער לויט ווי איך הער האט זי געמאכט זייער א גוטן דשאב מיטן ווייזן אז זי איז א שטארקע מענטש. און דאס איז וואס אמעריקאנער ווילן זען אין איר, יעדער פארשטייט אז זי וועט זיך צולערנען.
און קוק וויאזוי ראוו ענטפערט, ער מאכט עס נאר ערגער
נשלח ב-5/10/2008 21:18
פנחס מיילעך מסכים אבער א הסבר ביטע מיט וואס האט זי פארפאטשקעט אין ווער זאגט אז קיינער דארף נישט אזא פרעזידענט אדער מקור פין ווי די נעמסט דאס
נשלח ב-5/10/2008 21:05
איך האלט אז פעילין האט גוט פארפאטשקעט פאר מעקעין. אמעריקע האט ליב א האקי מאם אבער זי איז פונקט גוט פאר גאווערנער פון אלעסקע, קיינער דארף נישט אזא פרעזידענט
נשלח ב-5/10/2008 19:48
מיין טאטלע מיינונג איז אז איינער וואס לויפט בסך הכל פאר וויס פרעזידענט אין ווייזט א רעקארד פין קענען פירען אין אויך טיען אין נעמען שטעלונגען וואס זענען ניט פאפולער אפילו איך שטום נישט צי אלעס וואס זי האלט גייט מיך נישט אן צי האט יא אלעס גענטפערט צי נישט אקעגען אבאמא וואס לויפט פאר פרעזידענט אין זיינע זיבען יאר אין סטעיט לעגילעיטער האט ער הינדערט מאל ביי אפשטימונגען נישט גענימען קיין שטעלונג נאר גענימען די גרינגע וועג ארויס אין געוואוט "פרעסענט" אזא איינעם וואלט איך נישט געוואלט האבען אפילו אויף מיין קאנאמיניום בארד אפילו איך זאל ווען מסכים זיין מיט אלעס וואס ער האלט
נשלח ב-5/10/2008 09:11
אינעם "שפאקטיוו" פון דעם חודש תשרי ווי זיי ברענגען אין זייער חודשליכען אינטערעסאנטן קאלום " ביידע זיייטן פון דער מטבע" איבער די מידיע בייעס וואס די מעקעין קאמפיין פראבירט אראפצומאלן און צו לויפן אויף די פלאטפארמע כאילו זיי זענען די פארטיי וואס ליידט זיך צוזאם פון דעם וואס די מידיע איז אויף די דעמאקראטישע זייט. האבן זיי געהאט דעם חודש אן ארטיקל פון דזשאו קליין א באוויסטער קאלומניסט וואס לויפט יעדע וואך אין דעם "טיים" מאגאזין וואס ער שרייבט אז מען זאל זיך נשיט וויסענדיג מאכן פונעם מעקעין קאמפיין וואס פארלאנגט אז מען זאל נישט פרעגן פשוטע נארמאלע פראגען וואס יעדער אמעריקאנער דארף צו וויסן ווען מען גיין וועהלען פארן העכסטען פאליטישען אמט אין לאנד.
זוכנדיג דעם ארטיקל אויפן נעט האב איך זיך אריינגעהאקט אין א צווייטע ארטיקל פונעם טיים וואס איך קלער איז אינטערעסאנט פארן עולם. ליינט ווי צום סוף פירט עס אויס אז לכאורה (און ווי אפשר דאך שרייבט דא) וועלן זיי טאקע פארדינען פון דעם אז די רעפאבליקענס וועלן זיין פעסט און זיך אנעמען פאר זייער אומשולדיגן קאנדידאט וואס ווערט נעבעך צוריסן פון די מידיע אבער זיי מאכן אויס אונטער פופציג פראצענט און וועלן פארלירן ביי די דעמאקראטן.
But some Republicans worry that neither play will lift McCain to
victory in November. "They're getting the base excited, that's
obvious," says a GOP strategist not affiliated with the campaign. "But
these are tactics that get you to 45%. I don't see their strategy to
get McCain to 50%. And [by attacking the media] they're doing harm to
McCain's brand." Said another GOP consultant attending the convention
festivities in St. Paul: "Attack the media is what you do when you're
losing
דאס אז די דעבאטע האט געהאט אזא אויסערגעווענליכע באטייליגונג צייגט אז די פיילן וואס מעקעין און פעילין שיסן אין ריכטונג פון די מידיא אז זיי זענען איינזייטיג ווערט גוט אפגעקויפט ביים פאלק, וואס האט געוואלט אויסנוצן די געלעגנהייט צו הערן פון איר אליין אן דעם פילטער. און דער פאקט אז יעדער איז מודה אז זי האט גוט אויסגענומען פארשטארקט ווידער דעם איינדרוק אז די מידיא וואס האט איר די לעצטע צוויי וואכן אזוי מיאוס דיסקרעדיטירט איז איינזייטיג און נישט אביעקטיוו.
אין א צייט וואס מעקעין מוטשעט זיך ארויסצושיקן זיין מעסעדזש קעגן א פלייצנדן מבול פון בייסיגע נייעסן, ארטיקלען, און עסייען אין די מידיא קעגן אים איז דאס וויכטיגסטע פאר זיין קאמפיין צו דיסקרעדיטירן די מידיא און אזוי ארום שיקן דעם אומבאשלאסענעם וויילער, וואס וויל אמת'דיג וויסן וועמען אויסצוהערן, צו זוכן אנדערע וועגן צו ווערן אינפארמירט איבער מעקעין/פעילין.
