מעקעין פארלירט שוין די צווייטע דיבעיט

אויך די נעכטיגע דיבעיט קוקט אויס אז מעקעין האט פארלוירן, כאטשיק ער איז בכלל נישט געווען שלעכט

די עיקר דארף מען אבער קוקן אויף די לעצטע דיבעיט, יענץ איז שוין עכט מעקעינס לעצטע טשענס

אויך דארף מען זען וויאזוי סוועט אויסנעמען זיין נייע באמבע וועגן העלפען האומאונערס מיט שלעכטע מארטגעזשעס. איך פערסאנעל האלט אז סוועט אים העלפן ביי אינדעפענדענטס אבער שאטן ביי קאנסערוועטיווס, וואס מיט דעם אליין קען ער פארלירען

אבאמא האט געוואונען די דיבעיט נעכטן, אבער נאר ווייל מעקעין האט 'נישט' געוואונען. און וויבאלד אבאמא איז יעצט דער פראנט ראנער באדייט עס אז ער בלייבט ווייטער פאראויס.

חוץ פון דעם האט אבאמא זיך נישט אויסגעצייכנט עפעס ספעציעל.

די אנאליסטן געבן פאר אבאמא פארט א קליינע אויבערהאנט איבער מעקעין פאר צוויי סיבות:
1. ער איז געווען מער פרעזידענטיש און מער סטאביל.
2. ער האט זיך געהאלטן רואיג אפילו ווען מעקעין האט אים מיאוס אריינגעפליקט.

אבאמא האט נישט געזוכט צו נעמען קיין ריזיקעס ווייל ער איז סייווי פאראויס און ער דארף די דיבעיטס ווי א לאך אין קאפ.

מעקעין פון די אנדערע זייט האט פארפאטשקעט זיין צווייטע טשענס צו דערלאנגען פאר אבאמא איינס און א גוטס און אים צו דעסטראיען. יעצט בלייבט אים איבער פאר מעקעין די לעצטע דיבעיט צו פרובירן זיין גוטן מזל.

אין 04' האט קערי געווינען די דעבאטעס אבער ער האט פארלוירן די וואלן ווייל בוש/ראוו האבן געפירט קעגן אים א גאר אגרעסיוון קאמפיין, און וויבאלד קערי האט נישט געהאט גענוג געלט האט ער נישט געקענט ענטפערן די אטאקעס און ער איז געווארן אפגעפרעגט ביי די וויילער.

אבאמא האט זיך געלערנט פון קערי'ס טעות און ער לאזט נישט אריבער קיין שום אטאקע אומפארענטפערט. ער ענטפערט אפ יעדע אטאקע פונעם מעקעין קאמפיין, מיט אן אנדערע אטאקע קעגן מעקעין. אזוי ווייט אז די וואך האט ער אפגעענטפערט אן אטאקע פונעם מעקעין קאמפיין נאך איידער די אטאקע איז אפילו ארויסגעגאנגען.

דער אבאמא קאמפיין דערמאנט מיך פונעם קלינטאן קאמפיין פון 1992.